(8:00)
棋: 暴力哥來了？昨天午市，建行(939)走勢一支獨秀，帶動港股下午愈升愈有，高見21790點，埋單高收4.8%。唔少人都話，阿爺暴力托指數的手段終於延伸到香港。不過收市後睇返港股通十大成交，939淨買入逾30億排榜首，第二位成交係工行(1398)淨賣出幾千萬，如果真係暴力托市，點解唔係一直掃上去，已係集中挾一隻，另一隻又唔發力。以恒指比重計，建行確實係高好多，但只Mark高一隻，對大局有幾大作用？
昨晚做研究，睇返港股通股份既圖表，發現最似939既唔係其他指數成份股，而係中興通訊(763)，咁763一路有意大利10億美元訂單傳聞，係內地欠缺外匯下，簡直係救國英雄，炒起都仲解得通。但係939一直被定為四大行之一，好難同其他三家有好大差異，突然咁升法，暫時諗到三個可能性。第一，大量相關939既涉生工具將於12月30日計數，賭注太大，反而令到有大量奇怪買盤出現。另一個可能就係，建行係下一浪金融改革既試點，得到其他行無既特權，依兩個交易日狂掃既係春光鴨。第三，內地險資被定性為「野蠻人」後，唔敢再係A股亂來，搵兩隻港股通股份作複製內地炒法的練習，順手做埋宣傳，為來年炒港股做準備。如果係第一個可能，1月3日返黎就會現形。如果係第二個，咁就Long939 Put其他內銀，暫時需要多點證據。如果係第三個，港股將進入另一次大時代，升得比2015年的更無厘頭，爆得更核突。作為炒家，當然只有接受，同埋順大勢而行。
拆局分析得到點頭緖，問問在日本攬女（攬住個囡）既sky sir，佢就話佢都唔識分住，但係939其實強勢左一段日子，幾大銀行只有佢ubc 到11月9日的頂，所以佢一邊睇淡個市，一邊已經買咗939, 但買得太早，到而家都冇乜點賺？只係賺做淡個市嗰part。至於個市，佢話佢只係keep住轉大碼就平D，現在平到214 X X，仲有四成淡倉，尋晚美股大跌，今日會平多一成，得返三成淡倉應市。佢話佢暫時唔會做大決定，除非今日都大升，不過都係臨收市先至算。
