華富財經
減倉止蝕的心魔
//
經歷了一個小型股災，這兩天終於有較強勁的反彈，無論是甚麼sector，只要早前係有份被洗的，彈返十個巴仙只算係勉強合格，你睇萬億市值的美團(3690)，從低位都彈了19%啊，這小反彈應未足夠解放相關蟹民，但起碼都叫做鬆一口氣。
每逢跌市，青冰最常說的就是叫戰友沽貨減倉，但奈何這卻是知易行難的舉動，雖然用食指按個「賣出」掣，看似很簡單，但內心總會反覆掙扎，之後耳邊會心魔跟你說，等多日啦，明天就會反彈架喇。青冰雖是較有經驗的投資者，但都不敢說百份百做得到適時止蝕，只能做到八成以上，所以都係尚有進步空間。
其實戰友們心裡很清楚，減倉止蝕不需要艱深的數學，亦不需要複雜的技巧，問題是如何將心魔克服。心魔之所以咁難搞，因為減倉止蝕就是間接承認了自己不濟，自己做錯了，然後立刻要付上代價，青冰沒鑽研過心理學，但只要有返咁上下年紀，都明白要講對唔住要認錯，不是咁容易做得到，否則世上就唔會有咁多糾紛吧，而早點認錯，大部分情況下都可以大事化小，小事化無，但勇氣在那裡找呢？
青冰最常用的方法，不需要很大的勇氣，就是分段減，分注減，其實入貨時都一樣的。無論是買還是賣，最怕個價唔靚，但摸頂摸底，都係神人先做到，凡人就可善用分注的策略，叫你去減倉止蝕，除了是認錯難之外，最怕的就係一沽即升，心裡總希望下一刻會反彈，所以這一刻就不敢下決定。因此，分注減就是較好的方法，減倉止蝕都分幾注，聽落就幾婆媽，但原來沽錯的話，自己仍有注碼受惠，心理壓力較少，如果真係再跌，自己都比原先輸少咗，更加證明做得啱啦。
如戰友有為投資作記錄，亦是一個克服心魔的輔助工具，有了記錄就可以翻看，有了客觀的數字，就不會出現選擇性記憶，青冰的經驗係，只要多看止蝕的記錄，然後看看現時的股價作對比，縱有幾次一斬即見底，但拉勻來看，都是做對的佔多數，有時打啱隻牌輸少咗，成功感的確可媲美搵到隻爆升股架。若將減倉止蝕養成習慣，hard feeling就會愈來愈少，心魔自會遠離，對操作有莫大裨益，戰友們，共勉之。
//
https://www.quamnet.com/post/EbLzEsMDp5hRILTep2-Qa?type=article&theater
sector數學 在 Herman Yeung - Calculus - area of sector 扇形面積 - YouTube 的美食出口停車場
Herman Yeung - Calculus - area of sector 扇形面積 ... HKDSE Mathematics 數學 天書訂購表格及方法︰ http://goo.gl/forms/NgqVAfMVB9 ... ... <看更多>