【叫印度餐要注意配搭】
自從我開始張貼食印度餐的熱枕，開始發覺擺街站不時有街坊問我去邊食印度野好（謎!?）我係有點驚訝大家咁留意我的網上posts。
我又不妨同大家分享下叫印度野食的小心得，好似呢餐咁，我係自己中伏，表面上好似好好，問題係：樣樣野都叫得太乾口了。
唔係所有瑪莎拉都係一劈醬比你醮烤餅。呢碟係Bhindi Pyaz Masala，Bhindi係秋葵，Pyaz係蔥，瑪莎拉炒蔬菜係乾身的，煮得好杰，齋搭埋烤餅食會乾口。
然後最出事係主菜搭麵粉三人組：Paneer Kulcha、Butter Roti、Vegetable Kathi Roll。大佬，Kulcha Roti Roll三樣野都係麵粉黎。不過大家一定要識分，Kulcha同Roti、Naan係有分別的。Kulcha係半發酵麵餅，來自北印度，通常用爐壁烘烤，而又因為發酵過，所以比較煙韌，加埋paneer(印度芝士)就係絕配。Roti係煎餅，南印度食品，靠係鐵板乾煎，食落講求又香又脆（所以梗係加牛油）。兩樣野同一般印度烤餅（naan）唔同，naan係厚身同焗到有氣泡的。至於素菜捲就不難明白了。幾種餅無得點咖喱就發揮不了魅力。
順帶一提，Paneer係印度芝士，之前我話好鍾意綠色撈埋一劈就係palak paneer。將菠菜炒過整碎，撈炸過的印度芝士同咖喱汁、奶油埋一碟。
最後呢餐仲叫埋印度烤雞（Chicken Malai Tikka）。每樣野分開都好食，但你見搭埋一齊全部乾口，就完全搭配錯誤了。各位叫餐留意下嘞。
（班門弄斧，有錯指正）
＃橄欖油番茄係區太DIY制作呢樣最好食
roti naan分別 在 ONE Centre - Facebook 的美食出口停車場
大家諗起印度食物, 應該好快會諗起用印度薄餅(Naan)點咖哩食! 原來好似Naan 呢類型的麵餅, ... 一時煎, 有啲就炸, 有啲焗, 究竟有咩分別呢?? 一於今個月20號... ... <看更多>