#Staycation系列 #美利酒店 #TheMurray
而家做緊買一送一優惠，平均$1584已包一晚住宿+雙人早餐，下午茶及晚餐+氣泡酒1支+$600水療現金折扣+免費泊車+免費攜帶一隻貓或狗💕
冇得去旅行✈️只好留港消費，今次就去咗香港人氣打卡點The Murray住一晚慶祝我同妹妹嘅生日。(其實正日生日已過，不過要洗錢都要搵吓藉口嘅😂)
🔸兩大一小入住N1客房 (升兩級到N3客房)
🔸享用特色下午茶 、3道菜晚餐、早餐
🔸自助迷你吧（汽水、果汁及OVT啤酒各2）
🔸兒童入住可獲贈兒童禮品包（適用於12歲以下）即兒童沐浴套裝及牙刷
🔸免費加床（適用於三人入住）
🔸免費泊車（每間房只限停泊1輛，適用於星期一至四，公眾假期不適用）
下午茶☕️分兩個時段，我哋就預訂咗2:45pm。本身3pm先可以check-in，但係我哋因為有行李🧳，所以1pm就去試吓可唔可以early check-in。可能係平日嘅關係，房間冇咁full，所以酒店都安排到🤗 (仲有last minute offer，加$600升級到套房)
一入到房間看似冇乜特別，不過佢哋嘅浴室🛁感覺好奢華，都係一個好靚嘅打卡位呀📸
放低行李後就去咗食afternoon tea🫖 喇。呢度嘅下午茶都幾出名㗎，因為我哋之前都食過，所以今次就加咗$100 upgrade做Jo Malone London x The Murray 初夏遊園下午茶，共有 10 款咸甜點🍮、兩款英式鬆餅配 5 款限定果醬，咖啡/茶+ 迷你英式藤籃及 Jo Malone London 古龍水體驗套裝 (3 x 1.5毫升) 兩份。
另有專為小朋友而設嘅下午茶🧁，價錢$128加一，包咗10 款咸甜點及飲品🍹一杯。下午茶包裝好靚好精美，於是我臨走時order咗一個等Jasmine夜晚過嚟食。
食到5點幾我哋就返房間佈置下🎊，影吓相咁，呢個時候有位職員嚟咗打點，睇吓我哋嘅晚間服務有咩需要，例如幫我哋換吓冰，準備一啲日常用品。小朋友嘅牙刷🪥及沖涼用品🧴都有提供。服務員仲攞咗個星空✨夜燈過嚟，小朋友瞓覺時睇住好開心。
好快又到晚餐時間，package包咗嘅三道菜晚餐包括湯/沙律🥗，主菜🥩及甜品🍰。當日嘅磨菇湯及和牛都好好味，反而另外補錢嘅Rib eye就相對味道一般，但好大塊。因為已經食到好飽，所以甜品就打包咗上房食。
我哋預訂時remark咗係慶祝生日，所以都包左一支汽酒🍾及一件蛋糕🍰，連埋個小童下午茶，就可以開party🎉喇！
瞓咗一晚送完Jasmine 返學就返嚟酒店食早餐🍽，早餐係半自助式，除咗有自助式早餐外，每人都可以喺menu揀兩份食物及咖啡/茶。
自助早餐好多選擇，水果都有好多款式🫐🍓🍊🍉🍍，仲有乳酪，冷盤，包點🥖及中式點心等，其實淨係食自助早餐已經好飽。
食完早餐就喺酒店行吓睇吓佢哋嘅設施，泳池🏊🏻♀️Gym room🏋🏼♀️都有開放，不過入泳池就最好預約定，因為會有人數限制。
酒店建築好靚，如果係第一次嚟嘅話記得去埋打卡呀！
另外亦有一個play room🎪為小朋友而設，不過開放時間只去到六點，中間亦有清潔時間🧹，帶小朋友去玩要注意啊⚠️
希望大家鍾意我嘅分享，同埋follow我IG啦 - https://instagram.com/kathryn.jasmine
The Murray, Hong Kong, a Niccolo Hotel
Kathryn Fong #staycation #staycationhk #親子好去處 #香港好去處 #香港酒店優惠
