🤸♂️賭Sir：睇開我啲書嘅讀者，其實都知道，無論我寫咩主題都好，最終都會拉到去教育議題，就好似2020年出版嘅《賭馬男人嫁得過》都借啲咦講咗啲教育心理學嘅理論。如果想訂購親名簽名版可以發訊息畀我，一百蚊本 #包郵 寄到你屋企，我得返十本存貨，先買先得，賣完即止。
《賭馬 = 學習 = 打仗》（節錄）
賭馬唔帶腦，輸曬都未天光。你知，我知，廣大馬迷都知。每逢賽馬日，都會見到專心致志做功課嘅馬迷，坐喺馬會又有、踎喺門口又係、入埋圖書館嘅都有。學生哥考試季節嘅賽馬日最搞笑，喺自修室溫書嘅學生，隔籬坐住個揸螢光筆刨馬經嘅馬友，兄弟爬山，各自努力。
學生同馬迷，相映成趣。除此之外，查實都幾多共通點——大家都係打緊仗。
每個人有自己嘅領土，呢塊領土就係自己擁有嘅知識。學生又好，馬迷又好，每次想獲得新嘅知識，就等如喺領土嘅邊界，發動戰爭，向領土以外嘅版圖進攻。若然打勝仗，吞拼多塊版圖，自己嘅領土就會擴張。
相信普羅馬迷嘅領土，都有賠率嘅概念，識得用賠率計派彩。不過機率呢？期望值呢？凱利公式呢？數學模型呢？就要靠一場又一場嘅戰爭，一步又一步咁佔領。
除咗數學概念之外，賽馬資訊嘅指標性亦都要逐一攻打。例如，檔位喺你嘅領土，你明白內檔起跑嘅路程短啲。之不過，配合跑法嘅影響力呢？配合天氣嘅影響力呢？配合負磅嘅影響力呢？當你打勝仗，將佢地嘅版圖收歸國有，咁你就知道啦。
用打仗嚟比喻，有兩個原因：第一，打仗辛唔辛苦？辛苦！學習都好辛苦！讀書、刨馬，頭痛就啱， #腦袋掙扎正正代表學習緊，唔頭痛反而代表水過鴨背、無嘢落袋；第二，打仗需唔需要武器？需要！工欲善其事，必先利其器。以前用弓箭、用刀槍；後來用戰機、用坦克；依家用經濟、用網絡⋯⋯
賭馬都係。我老豆都己經由「馬經版圖」出發，攻佔咗「手機版圖」——用手機上馬會官網查資料、入Facebook賽馬群組、用YouTube睇賽馬節目⋯⋯最初由Nokia手機，轉用智能手機，係好頭痛，呢樣唔識撳，嗰樣唔識撳。但係好客觀咁睇，呢個正正就係學習嘅過程。
學習從來都係先苦後甜。我老豆依家好意思笑啲同事買馬經，仲教佢地點用手機搵嘢睇。
至於，下一場戰役⋯⋯攻打邊一塊版圖好呢？
「阿仔，你識唔識用Python寫程式？聽講撳個掣就列曬想要嘅資料出嚟！」我老豆琴日問我。
我嚇一跳！
#賭馬男人嫁得過
python手機版 在 [問題] python 入門該用筆電還是平板？ - PTT數位生活 的美食出口停車場
上網研究了一下，不是很懂用平板一樣可以安裝python或學習嗎？ 所以我用平板就好了，還是建議 ... 11 F 推marc47: 手機，走到哪，code到那 09/11 20:51. ... <看更多>