［未來一年你會聽到更多人講MMT］
Project Syndicate 上面嘅文（http://bit.ly/2wtCYIJ） 。
其實經濟日報有中文版（http://bit.ly/2wlt4Zk），我原文都係睇中文版，不過貼英文版型啲（同埋唔知有冇丕窩）
其實篇文都係水過鴨背，講得唔算深入。但華文媒體其實真係更少講，難得有人講開我又同讀者分享下。我搵過慧訊，香港媒體今年得四十篇文提過MMT，當中仲要有啲仲係講其他嘢。但我肯定嚟緊一年會越嚟越多人問你，到底咩係MMT。
咁到底咩係MMT？唔係毛孟靜，唔係市場失當行為審裁處，係Modern Monetary Theory，現代貨幣理論。
哦，咁即係乜？講係現代，但其實都唔係新事。不幸地就算係啲支持者，都好冇一個共識，冇一個權威一槌定音。何謂MMT好似何謂左膠咁，其實講嗰個都未必知。
但大致嚟講，好簡單嚟講，佢地主張嘅係：國家（特別係美國）係唔會破產嘅，借錢唔使還，所有本幣債務都唔會違約，因為長印長有。
聽落，都冇乜咁特別。可能膠膠地，但更膠嘅嘢都有人講啦，做乜要咁重視MMT？
因為，美國有班似乎幾有份量嘅人，好BUY，甚至會拎嚟做政綱。
講嘅，正係美國民主黨嘅少壯派，或者左翼派。呢度嘅左唔係指希拉莉或者大愛同婚廣收移民嗰種Liberal，係真係傾向社會主義嘅左。兩大人物，之前初選輸畀希拉莉嘅桑德斯（有人堅持話出佢就唔會輸畀侵侵喎）。仲有，近一年在美國紅到發紫，但在香港又係冇乜人識嘅（唔信你問下你啲朋友）AOC，Alexandria Ocasio-Cortez．講話做侍應做調酒師嗰個最後生女議員，可能就有人有啲印象。
（插播：如果電影節有睇米高摩亞嘅華氏119度，就實會識，套戲好大程度係幫呢兩條友抬轎，特別係AOC。套戲之後會在香港上正場，可能我會寫）
MMT講嘅嘢，當然被主流經濟學家當係廢話。但，你咪理，反疫苗都咁多人信，另類療法都咁多人信，咁經濟學呢啲dismal science，當然更多人唔信主流。
本文作者嘅主場好明顯，MMT係shitty theory，信嘅唔係傻仔就係黑心，千萬唔好試。
而佢舉嘅例子，其實好多人都知。Modern Monetary Theory其實全不Modern，一早有人試。正如作者呢篇講嘅拉丁美洲國家（作者美國教書，但係智利人，講智利特別詳細）。
大家都知啦，靠印銀紙解決晒所有嘢，點會係AOC呢班人第一個諗？得罪講句，有人用MMT時，唔好話AOC，連桑德斯都未出世！
唔好講納粹德國中華民國津巴布韋咁極端，但，拉丁美洲諸國，好多都行過MMT。佢地亦有自己嘅貨幣（要有主權嘛，成日話香港應該有自己貨幣發行權嘅不妨又留心下），自己獨立嘅政策，爽歪歪。留意或多或小都有民主選舉（委內瑞拉除外），選民都好支持MMT，唔見得係政府打劫人民。
咪就係畀啲痴線南美佬有自己獨立政策就出事咯。亦留意，呢啲中央銀行，全部都被政府控制嘅（所以，點解央行要獨立）
所有例子都一樣，短期經濟繁榮，人工升（加最低工資嘛），失業跌。但唔使好耐就會出事，高通脹，貨幣貶值。然後就價格管制外匯管制，但冇一度成功。全部嘅工資都係大跌嘅（因為通脹太勁），乜都買唔起
不過，認真，都話作者篇文冇乜料到。以上嘅嘢，其實我知，你都應該知，啲支持者都好可能知。但作者舉嘅例，全部都係啲濕鳩南美國家。在呢個情況下，的確十分tempting to say，美國例外。任你點講，美國嘅情況肯定同呢啲國家唔同。
比較相近嘅，可能係日本。但十分奇怪地，日本一樣狂印錢，都係印本幣。但，有冇惡性通脹？冇噃。日圓有冇係咁跌？又好似冇噃。
所以，預期MMT應該都係大有市場。事實上佢地同所謂主流經濟學嘅分歧，唔係好明顯，印銀紙帶嚟嘅好處大家都知，只係主流認為要有個譜，外債赤字不能太高。而MMT支持者話冇所謂，唔使理。
又話說回頭，日本嘅Government Debt to GDP ratio，全世界最高，兩百幾巴仙，中國爭得遠。但日本都仲未爆煲，對不？
除咗維基外，想知多啲可以睇Quartz做嘅obsession，唔算好深入，但夠易入口。(http://bit.ly/2wkN0eV)
project syndicate中文 在 Today's quote is from Jane Goodall. - Project Syndicate 的美食出口停車場
没有照片描述。 · · Project Syndicate. . 2018年3月13日· . 时间线照片. Today's quote ... DW 中文- 德國之聲. . 关注. The Brookings Institution. . 关注 ... ... <看更多>