肺炎下其中一個new normal就係home office，經過呢幾個月相信好多公司都發現好多寫字樓工種都無返office嘅必要，外國有好多公司已經可以俾員工永久wfh，加上香港租office嘅成本真係好高，remove office係一個幾好嘅方法慳cost，我相信都係未來嘅大趨勢。好似我自己公司其實由三月開始已經慢慢轉做sharing working space + remote office，平時如果想專心啲做嘢或者開會見客可以返share office，但如果無咩特別就可以home office～一開頭有啲唔慣，工作效率會低咗好多，但係慢慢已經習慣咗呢個新模式，仲慳返好多打扮同交通嘅時間，同埋慳咗好多食飯錢😹最近比較多公司再有wfh嘅安排，所以想趁呢個機會講下自己wfh嘅習慣同埋一啲對我嚟講有效提升工作效率嘅方法。
.
//有一個可以俾自己專心工作嘅環境//
雖然有書枱，不過我係自己間房完全做唔到嘢，一見到張床就會好想攤上去，攤下攤下就會瞓着咗😹所以我徵用左細佬間房做嘢(佢完全零wfh好撚慘)，咁就唔會做做下野走去瞓覺或者玩化妝品😹同埋公司都幫我裝多咗一個screen係屋企，咁就唔使對住laptop咁細個screen做野。
.
//Keep a Daily Routine//
雖然wfh都要準時九點online，但無人見到架嘛😂老實講一開頭有試過九點起身開電腦跟住又返上床訓到十點幾😹😹😹😹(有自己workspace之後呢個情況減少咗好多)，感覺好爽但無做到嘅野之後都係要ot還返，同埋長期咁樣感覺生活好頹廢冇規律。所以依家weekdays都習慣早啲起身梳洗食早餐再準時開電腦做野～理想中我想再做啲起身做下workout再工作，但暫時仲未做到，太中意訓教了😴
.
//Report Duty/ Regular Catch Up//
Wfh 最容易俾人覺得你好得閒無野做，我會老細每個星期一次catch up，交代下自己做緊嘅project有咩update有咩問題咁樣，我覺得呢樣野好重要🤣當然都睇每間公司嘅文化同埋你同老細嘅相處模式，最緊要俾人知你有progress有做嘢。
.
//Pomodoro Technique 番茄工作法//
WFH最大嘅挑戰就係好難專心，因為得自己一個做嘢，好容易做做吓嘢就走咗去食嘢，㩒電話，覺得自己專注時間極短😂所以就開始用Pomodoro，即係專心工作25分鐘+休息5分鐘，或者專心50分鐘+休息10分鐘。我會用一個app叫Plantie 計時，個app會限制埋唔俾你禁電話，對我黎講幾有用。
.
大家仲有咩wfh tips 呢？🥰🥰
