［潮流興，多花款，隨便偷歡］（識唱一齊唱）而家啲流行歌，上一陣榜就收皮，話咁快就讓位．原來就算最愛我不過暫時，名次每隔兩日都改變位置。
真架，經濟學人真係咩嘢都有，凈係評人地啲論文都大把嘢玩（我就評佢評人地啲論文）。上星期係科大篇「原來凶宅會平啲」論文（http://bit.ly/2NmtDM5），今次就法蘭克福大學（原文在此 http://bit.ly/2Nleydi）。研究最好賣嘅唱片，在流行榜留幾耐。研究咗過去半世紀咁滯。德國美國英國荷蘭（明顯因為寫嘅唔識法文西班牙文？）嘅流行榜。我建議大家可以做literature review 然後拎 勁歌金曲 寫返篇論文
結論就係好簡單，以前啲暢銷大碟，霸住上榜可以好耐。而家冇呢支歌仔，話咁快執位。
文章由Pink Floyd 嘅 The Dark Side of the Moon講起，Billboard 200，上榜900星期，18年。你可以諗下你換咗幾多條女。但而家邊有呢啲嘢？以前一年52星期，榜首可能係十幾廿隻碟。而家？40隻，即係個個星期換。大碟在榜上嘅壽命亦都短咗好多。八十年代可能係兩個幾月，而家平均都唔會夠一個月。
仲睇到係，以前啲大碟會慢慢煲上去，The Dark Side of the Moon上榜時係95位，之後先去上。而家呢個時代咩都快，你一出嚟上唔到第一，之後可以收皮。同樣地，上得快，跌得亦快。以前跌出榜前平均排100，而家平均排75，下星期你就消室。
正面啲睇就係消費者選擇多咗，競爭大咗，霸權細咗，唔只係廢老慣性收視大集團玩晒，大家口味亦都多元咗。負面睇就可以話以前啲歌襟聽，人人都聽，而家嗰啲唔知唱乜柒，聽一陣就厭，消費者亦都縱壞晒，冇忠誠，聽兩嘢又要換，attention span冇乜，always distracted，根本冇品味去好好地聽隻唱片，食餐飯，睇本書，甚至做一次愛。
正面定負面，任你點演繹，記住永恒不變嘅流行文化三段論：
1. 所有本人10歲前已經有嘅流行文化，都係陳舊老套不值一提。
2. 所有本人10-30歲之間誕生嘅流行文化，都係無法複製嘅經典集體回億
3. 所有本人30歲之後誕生嘅的流行文化，都係愚蠢膚淺壞品味垃撚圾
記住呢三條定律，講電影講音樂講足球講咩都好，包你去邊都有朋友（即係，唔好同啲唔同年紀嘅人討論咯）
當然，亦可能係成個音樂文化都變晒，阿叔，仲有人買唱片咩。但，如果只係老買，咁唔係應該個舊趨勢持續咩？
而肯定，在宣傳上，而家唔需要亦唔容許你慢慢煲，而家要快手造勢好容易，唔使再慢慢靠口碑上去。就算靠口碑都可以好快洗版，唔使等你周末去男朋友屋企聽到，然後下星期先再同姐妹講，然後姐妹再下星期先同佢地男朋友講（所以你直接搞上姐妹嘅男朋友就會快啲，可能啲男女關係複雜咗都係原因之一，我亂作的）
仲有，而家你可以直接單撈，又唔使唱片公司點再造勢，但亦變咗你根本唔需要再聽啲side track，反正可以一首一首咁買（或偷）。而當然正如所有文化都係，其實變得更加碎片化，你好難再好似咩以前 千千闕歌 或者 相思風雨中唱到全大陸都識 （係全大陸，唔止全香港，你返大陸唱過K就知，啲完全唔識廣東話嘅女都會識唱，甚至去到越南啲女一句中文都唔識都會識唱，十分痴線）
係架，其實睇到好多嘢的。預告定，不日就同你講流行音樂另外一個大轉變—就係，而家啲歌好快入正題，即係chorus．你可以估下點解，唔難估。
我比較想知，係咪而家啲鹹片（首先要定義鹹片）都更加快入正題？我相信都係。
經濟學人原文在此：Best-selling albums are spending less time on top（https://econ.st/32ha2kr）
pink floyd albums 在 140 Pink Floyd Albums ideas - Pinterest 的美食出口停車場
Oct 4, 2019 - Explore Us And Floyd's board "Pink Floyd Albums", followed by 501 people on Pinterest. See more ideas about pink floyd, floyd, pink floyd ... ... <看更多>