【知就笑死系列】所謂嘅對話平台
一，林鄭話要整個「對話平台」，我諗香港人絕大多數都唔睇好。
二，對話，甚至乎最無厘頭嘅吹水，任何溝通其實都有一定目的。目的，影響溝通嘅方法同媒介。
三，溝通最基本嘅目的，就係 to inform and to be informed；例如天文台掛黃雨、紅雨、黑雨，就係 to inform and to be informed 。形像化咁將雨勢分黃、紅、黑，一睇就明。特區政府嘅所謂溝通，絕大多數都係呢個層次：客觀事實嘅陳述同了解。
四，不過，再提升一個層次嘅溝通：說服（to persuade）政府 就好出事。其實管治，一定會牽涉到要有部份人需要妥協。早兩日問大家，政治係「妥協」定係「抗爭」，竟然多數人話抗爭，反映香港人認為「政府未能成功說服我」，「我亦都說服唔到政府」。
五，說服，假如係單向嘅話，好多事就會跌返落去 to inform 嘅操作；「係呀，己經決定咗咁做，你仲有冇咩唔明呀？」咁即係冇得傾啦。
六，大多數時候，政府嘅態度的確如此。所謂嘅收集民意，亦都係政府官員自己響 comfort zone 裡面，做場戲去肯定自己。遠嘅唔講，之前土地大辯論，本來 agenda 係想證明，香港唔夠地，要做嘢，而且所有方法都行唔通。點算呀？燈燈燈凳，原來櫃桶底收埋一個明日大嶼，你傾到好投入嘅一刻，政府就話你知，其實成件事係一場戲。個個都有頭有面，其實都係做「茄喱啡」。
七，咁，一般人又點會信政府係會接受民意？林鄭唔明白溝通入面一個好簡單嘅道理，就係一場真正平等公道嘅對話裡面，假如目的係 to persuade ，你要有個空間去 to be persuaded 。政府由始至終都冇預過要被 persuaded ，呢個情況，亦都係一種 communication breakdown。
八，溝通，其實有比 persuasion 更高層次嘅模式，就係 to inspire 。即係，溝通之後，大家都覺得自己唔同咗，勁咗又好，心情平靚咗又好，諗通咗又好，重點係，inspiration 係由外至內到返外。每個被 inspired 嘅都會覺得係自己嘅功勞同功德。嗱，假如呢個對話平台可以高到呢個層次，咪有機會成功囉。
九，有時候，政治分析真係可以好簡單，但有時一句說話，又可以觀察到好多問題。常言道，政治最終就係要令被統治嘅人覺得有希望。從「政府 vs 人民」嘅角度分析 2019 年炎夏怒潮，政府輸在「令人覺得冇希望」嘅。大家有冇聽過，或者見過，有人話今次從後生仔身上見到希望。
十，即係話，今次好多後生仔，inspire 到其他人；未必個個都有實際行動參與，但由於呢個運動嘅平台係開放嘅，真係個個原則上都可以 to persuade and to be persuaded ，to inspire and to be inspired 。
十一，另外，平台（媒介）都係一個重要因素。正所謂 medium is the message ；當今次市民、前線同後方，都以 internet 作為最主要嘅溝通媒介，政府呢？每日開記者會呀，仲要出事之後成個月先有呢個安排。現象反映政府運作同思維上，亦然停留響最低層次嘅 to inform and to be informed 嘅水平。
十二，其實，假如純粹係要「支持政府」、「支持警察」、甚至「支持修例」嘅聲音可以不斷響同溫層裡面升溫，以我觀察，已經有人為政府代勞。其實 2014 年，已經有呢班人。
十三，大家有冇睇過《Brexit: the uncivil war》，如果未，一定要睇。上面 十二 所提到嘅民意操作，結果係撕裂一個社會。當然，一度力係撕唔裂任何事物，一定係兩股力量先有呢個結果。
十四，某程度上，我其實係好樂於見到政府唔識上網唔識影響民意；但大前提係，呢個一定要係一個「小到不能『小』」嘅小政府。
十五，另外，一次過同幾百萬人「對話」，咪傻啦。一人覆一句用十五秒好唔好？你知唔知要用幾多時間？呢種咁高度集中嘅溝通模式，係唔 sustainable 㗎？就算畀你有世界上最好嘅 bot，最多咪又係 to inform and to be informed。
十六，幾千年人類歷史，近幾百年出現以代議政制去 deliberate 公共事務，唔完美，可接受，但需要改善。關鍵詞係：accountability （有機會再寫）。
十七，我認識唔少 direct democracy 嘅信徒，乜都話攞去公投。你睇 Brexit 有冇共識？50% + 1 並唔係共識。先其唔好搞錯，我唔係話公投有錯，所以民主不是萬能之類嘅偽邏輯。我只係想話，公投並唔係咁用。之前有寫過文，又係有機會再寫。
十八，最後，想講嘅係，我同大家一樣，睇死呢個咩對話平台。但希望深入咁思考過之後，對大家日後做人做事都會有幫助。
persuade三態 在 英文考試,秒殺解題| " (英文)動詞: 用"主動" 或"被動" , - Facebook 的美食出口停車場
例3. 30 students compose the class. ( 30 個學生組成了這個班. ) 2.被動: ( be composed of ). ( 由... 所組成) ... 動詞三態: ... A. 主動用法: convince. ... <看更多>