呢堆留言我都睇到，我真係睇到。
睇完都真係想寫篇嘢表達一下 但係碌多兩碌見到 波台黐線佬 Chi Sin Lo 寫咗就收手了😳
佢哋完全360度無瑕疵完美地講晒我要講嘅嘢。真心 大家問呢啲問題嘅同時 真係可以入場體驗下先😘 好多事情唔係齋批評就會出現！
世盃期間湧現嘅足球寶貝／KOL都係 其他人嘅國家隊撐到咁行 自己友冇理由唔撐掛？大家行多步吖 一齊叫多啲人入場 一齊為港隊打氣吖❤️
我係香港人，我支持香港隊🇭🇰️🇭🇰
#ourplace #ourteam #ourrules
#不要去羨慕 #不要去妒忌
#有生一天
#入場你就知
#真係好玩呢
昨晚冰島成功守和阿根廷，表現令人拍案叫絕，社交媒體的各大專頁一致力撐冰島，不外乎讚賞好熱血呀，團結呀之類，我亦都被冰島的表現感染，覺得呢個國家嘅足球好amazing。
-
繼續拉下Facebook，開始見到有專頁和網民讚冰島球迷好團結、好難得，但睇睇下發覺愈黎愈唔對路，以下節錄咗一啲「唔對路」嘅留言：
-
「冰島人好團結呀，香港幾時先做到」
「冰島呢個咁少人口嘅國家都咁多人支持，你睇下我地香港」
-
拎香港足球同冰島黎比恰唔恰當唔評論，技術層面比較更加唔係想講嘅重點，如果比較球迷水平嘅話就非常好笑。我唔知佢地本身有冇支持香港隊，但我地每一人都係準香港球迷，香港足球打氣文化都好需要我地每人一小一小咁建立，但然後你咩都唔做，唔入場，跟住羨慕人地國家人民入場支持好團結，再blame自己地方啲球迷文化差，呢個logic真係r晒頭。
-
再拉下Facebook，見到有個朋友打左個status：
「冰島真係太值得支持。隊波勁球迷又團結，你睇下香港」
-
哇，屌你老尾，我睇完真係黑人問號，事關呢位朋友我之前試過邀請佢睇香港隊踢亞洲盃外圍賽嘅比賽，被佢覆咗句不了，然後而家就J人地球迷團結再屌下香港，其實好似呢位人兄嘅「球迷」唔難搵，只要碌一碌Facebook就見到。冰島足球水平突飛猛進，香港足球仍然處於低水平，呢方面我地的確幫唔到，但球迷文化層面上，我地事實係可以建立到一隊amazing嘅球隊，因為入場打氣嘅，就係你和我。
-
「生於斯，長於斯」。我係香港人，我鍾意足球，好理所當然，我最支持嘅足球隊就係香港隊，入場支持亦都係好自然嘅事。冰島足球亦唔係一日千里咁發展，沉寂咗一大段時間，只能係外圍賽輸波，輸波，出局，但球迷仍然對球隊不離不棄，而家終於可以同球隊一齊共享榮譽。我唔知香港隊會幾時有出頭天嘅一日，但呢隊波實力點樣，踢得點樣，我都會繼續入場支持，因為我係香港人。世界上最好嘅球迷並唔會係勝利球迷，而係一班真心支持自己球隊嘅球迷。我好希望大家見到冰島足球可以比班團結球迷所感染。從今天起，唔好羨慕別人，試試身體力行，一齊建立一隊amazing嘅球隊。至少，喺我地主場，我地可以幫到香港隊嚇窒對手，同埋令香港球員知道，呢個係我地主場，係我地自己人嘅地方。
-
10月11日，香港主場對泰國，雖然只係友誼賽，但都希望你地可以入場，一齊支持香港隊。
