有下文～～～～
都話我巧叻嘅經理會寫道歉信架啦！佢琴日寫咗個Draft，叫我過下目俾Comment。第一段寫番我話係間房嘅對話，OK，冇問題，講Facts啫。
第二段睇到我拍檯。佢一啖砂糖一啖💩。話我點好點好，D病人點鍾意我，但係我個Style好直接，所以有啲人會覺得我串。咁可能會令到呀病人覺得我唔禮貌，不過又未能肯定有冇投訴信提及嘅"ironic" 或 "furious" （講埋Illiterate呀笨！），不過我哋而家都會道歉。
！！！！！！！！！！！！
你一係就唔好俾我睇第二段，你咁樣寫難道你覺得我會收貨？！我叫姑娘同經理講話第二段梗係唔OK ，經理竟然話要我打電話俾佢。我Through姑娘同你講就係唔想正面衝突。Fine，打囉。
我講返我唔鍾意呢段嘢。佢話我唔覺得有咩問題。(你梗係唔覺得有咩問題所以你先至寫啦，廢話。🙄) 佢話我同你都係啲好直接嘅人，所以啲人會覺得我哋串。有啲人會好鍾意，但係有啲人會唔Buy。
（閘住！唔好將我同你歸類！）呢啲係你自己主觀感覺，無需加落封信度。公家或私家機構，幾可會有建設性地回覆投訴信？大家都係 noted with thanks 好唔好？PRO信都答得多。 通常都係寫返廢話過去，唔會為自己Defend，亦唔會小番個病人。求其寫一大堆事實就收工。佢話我地公司做法唔同。（no shxt!)
佢唉..........左一聲。問我咁係唔係呢一段你好"uncomfortable?" (我唔會用uncomfortable呢個字囉。degrading maybe? Infuriated maybe? Feels immensely lacking in work morale maybe? )
最尾佢話佢會delete左佢。我同佢講，份嘢你出嘅，你鍾意寫咩都得我冇嘢再講。
Little trumpet!!! Dead cheap sperm!!!! 😡😡😡😡😡😡😡😡
有乜理由一間醫療集團會咁樣話個醫生，幫埋病人寫埋劇本對白，跟住跪低道歉？你咁樣肯就範，你估個傻病人就會乖乖地接受？佢梗係咬住唔放，下一鋪就梗係問，咁既然你都覺得個醫生冇禮貌，咁點解佢仲喺度？點解唔捉佢去勞改？點解唔放逐佢去沙頭角？你咁樣black and white寫得我，我可唔可以投訴番個病人態度衰？醫院都有語言暴力Prevention嘅Poster啦！你冇嘢啊嘛呀經理？
呀替假姑娘係第二D分店做過，話佢哋間間嘅做法都係咁。我明呀。我D姑娘出錯嘅時候都係一樣待遇。佢哋做嘢就係咁，我知我唔係俾人針對。但係咁嘅作風有D難頂。呀姑娘搞笑地話要多啲我呢啲咁嘅人去教訓下經理。我驚我好快俾人炒魷魚。哈哈。
有冇好工介紹？
～～～～
琴日雖然成日都嬲爆爆，但係夜晚遇到個絕世好人。
長話短說，我老公係的士唔見咗個電話，俾下一個乘客執咗。佢仲開完會之後，特登飛的士送返個電話過嚟俾我哋。我哋薄酬俾佢，佢仲唔收。佢好搞笑俾咗張卡片我哋，叫我地幫襯佢好過。佢話佢啲朋友都話佢係一個絕左種嘅好人。
有人興趣買賣金/鑽石可以搵我去搵佢。
～～～～
今日返到嚟見到檯面有窩心小禮物，多謝桃味汽水醫生！獨食難肥，我會一個人食晒佢架啦。Gurantee 唔到會慢慢食。 🤣
noted with thanks禮貌 在 noted with thanks禮貌在PTT/Dcard完整相關資訊 - 小文青生活 的美食出口停車場
Noted with thanks 是「 來示敬悉， 謝謝」 的意思， 例如收到公司同事便條， 要表示看過， 就可用這三字作答， 英文常用「 with+ 名詞」 說做某事 ... ... <看更多>