宇治抹茶堂島卷 ($218)
-
一直以嚟堂島卷都係我心目中最出色嘅卷蛋之一，
食過無數次依然覺得百吃不厭，
其實早幾年Mon cher喺香港都有唔少分店，
但不知不覺已經剩返銅鑼灣一間，
最近捲土重來喺旺角、尖沙咀等地開返分店🤩
呢款宇治抹茶堂島卷其實以前都食過一次切件，
依家變咗係city’super店限定🍵
不過始終買得Mon cher真係推薦食返原味，
以往都試過佢哋其他口味嘅堂島卷同蛋糕甜品，
但都係原味堂島卷先有嗰種令人驚艷嘅吸引力( ･ㅂ･)و ̑̑
蛋糕一如既往鬆軟綿密而忌廉輕盈幼滑，
呢兩點從來都唔會令人失望(๑و•̀ω•́)و
抹茶茶味比較溫和而忌廉當中再有甜紅豆蓉，
以前面層嘅抹茶粉依家取而代之變成糖霜，
所以抹茶味亦更顯薄弱，
整體而言甜度較高(˶ ̇ ̵ ̇˶ )
論忌廉同蛋糕整體水準依然一流，
但個人覺得始終奶香醇厚係堂島卷嘅主要賣點，
抹茶堂島卷嘅抹茶味唔夠濃同時亦令原有嘅奶香大大削減，
變相有少少兩頭唔到岸反而失去咗獨特之處，
而且坊間有唔少差唔多價位嘅抹茶卷蛋，
如果追求濃郁茶香嘅話實在有唔少出色對手，
呢款就比較普通適合大眾口味(｡･ω･)ﾉﾞ
.
————————————————————————-
📍Pâtisserie Mon cher (沙田)
新城市廣場一期二樓204-214號舖city’super內
————————————————————————-
.
.
