Search
#窮撚麻甩佬 | #mll港式 #mll中環
最近留意到一間中環茶餐廳，係藍帶廚師主理😈，開左都有一段時間。舖名一黎已經吸引到我喇 — 四季常餐，對好似我咁鐘意食茶記既人黎講都幾認同四個季節、中午晚三餐都可以食常餐依個理念🤤
.
常餐-蕃茄湯牛肉通 炒蛋多士 $48
多士烘得好脆，仲有少少多士爐留低既坑紋，加埋牛油岩岩好😋。炒蛋炒得夠嫩唔會太老，蛋汁亦都幾多。
茄牛通用既係坑紋通粉，比較掛湯，配蕃茄湯岩岩好。牛肉算係幾冧🐮，唔會太咸。值得一講既係成個通粉層次做得幾好，最頂一層係茄蓉同牛肉、第二層係通粉，最底係蕃茄湯。用匙羹由頂畢落去，每啖都可以食到茄蓉、牛肉、通粉同埋茄湯👍🏻👍🏻
.
常餐-真忌廉雞湯通配火腿 炒蛋多士 $48
通粉同樣係掛湯既坑紋通粉，忌廉味略嫌淡左少少。成個湯唔太濃，稠啲會比較好食啲，火腿冇咩特別，個人覺得茄牛通好食啲🐷
.
整體黎講價錢係中環區算係幾抵食，可以話係中環打工仔既lunch time之選，而味道都算ok，係果頭番工既可以試下⚠
.
店鋪：四季常餐
地址： 中環威靈頓街112-114號新威大廈地下C鋪
營業時間：08:00 - 22:00
#癡撚線港女 | #mll中環 #mll台灣菜
繼上一個中環post後，今次都介紹多個中環飲品既新選擇🥤雖然唔係過江龍、大品牌，但飲品質素亦唔錯！😋
-
伯爵玫瑰奶蓋茶 $28
伯爵茶既茶味適中，杯野飲落去有淡淡既玫瑰花味，幾清香。芝士奶蓋方面，又夠鹹香又哂滑，芝士味好濃好好味🤤係港女既理想奶蓋！另外，店員係奶蓋上亦有舖上玫瑰花瓣，賣相好靚好少女情懷，打卡一流💕
T-Parc水果茶 $34
呢杯水果茶入面有好多水果（荔枝、西瓜、菠蘿等），飲落好fresh，又唔會好甜🧚🏻♀️而且水果都幾足料，飲完仲有好多生果可以食😋幾抵飲
店內環境幾靚幾乾淨，味道唔錯、價錢亦唔貴，值得一試❤️
-
店鋪：T-Parc
地址：中環威靈頓街83號地舖
營業時間：10:30-22:00
.
.
.
#foodie #hkfood #hongkongfood #sweet #hkeat #eat #instagood #hkfoodbloggers #foodlovers #foodlover #food #hk #foodstagram #hkfoodies #hongkongfoodie #amazing #yummy #delicious #yum #instafood #吃貨 #香港美食 #香港 #852 #美食 #相機食先 #食評 @ T-Parc
#窮撚麻甩佬 | #mll港式 #mll中環
上環不嬲都出名食地道野，今次食番間細個成日同老豆食，好有感情既雲吞麵鋪頭—權記
魚蛋雲吞撈麵加底 $27
魚蛋幾爽口彈口，雲吞大大粒味道唔錯， 唯一可惜既位係包果陣唔夠細心，留左舊蝦尾係入面。撈面底用蠔油黎撈，魚蛋雲吞同蔥花湯另上，蠔油落得有啲姑寒，唔加底既話都只係僅僅夠撈。麵用既係鹼水幼麵，好重鹼水味，口感亦都幾爽口唔會煮得太冧。個人黎講覺得撈麵最抵食，一個麵幾種食法😈 一半放落湯當湯麵食，其他照樣用蠔油撈。順帶一題佢啲秘製辣椒醬好正，加埋落麵到配埋蠔油都係十分正。
魚片雲吞湯麵 $20
魚片一樣咁彈咁爽，湯底夠曬清，飲落唔似有落味精，港女表示可以再咸啲啲。份量黎講 冇加底既麵底都十分重手，兄弟們食一個麵底都夠食。
其實我自己對依間麵店都有少少偏頗，但客觀黎講食物水平絕對係合格之上、甚至比唔少連鎖麵家更加好食，再加上咁抵既價錢，岩曬糧尾既中環打工仔食。大家經過中上環亦都可以試下，係一間充滿人情味既鋪頭黎，依家香港地道食店買少見少，係香港人既就一定要撐！
店鋪：權記雲吞麵
地址： 中環卑利街2號地下
營業時間：09:30 - 22:00
.
.
.
#foodie #hkfood #hongkongfood #sweet #hkeat #eat #instagood #hkfoodbloggers #foodlovers #foodlover #food #hk #foodstagram #hkfoodies #hongkongfoodie #amazing #yummy #delicious #yum #instafood #吃貨 #香港美食 #香港 #852 #美食 #相機食先 #食評 @ 權記雲吞麵
mll中環 在 為食麻甩佬- #癡撚線港女| #mll中環#mll台灣菜... | Facebook 的美食出口停車場
癡撚線港女| #mll中環#mll台灣菜繼上一個中環post後，今次都介紹多個中環飲品既新選擇 雖然唔係過江龍、大品牌，但飲品質素亦唔錯！ - 伯爵玫瑰奶蓋茶$28... ... <看更多>