又一篇長文：醫生唔夠人手嘅笑話
培養一個醫生至少要五年醫學生涯，一年實習，再六年喺公院訓練先考到專科資格。你今年嘈話唔夠人，政府先至話下年或者可能Maybe增加兩間大學嘅醫科生學位。
學蕭叔叔口吻："Example Case"：即係話今年唔夠人手，最快2018加學位，2023年畢業，2024做完實習多一個普通科醫生。佢有心竟然揀留係醫院訓練專科，就繼續慢慢Train。佢2030年先專科畢業。
係，2024至2030期間呢一個Trainee係可以睇專科門診。但係你班大帝又話一個咁後生嘅Trainee未夠班，個個又要睇高級醫生/教授。俾埋院長你睇好冇？都話佢哋係間房到自己搣緊🍊囉。
醫科生學位就好似股市咁，有一個個Cycle。大我X年D師兄師姐一班好多人，唔係個個畢業出嚟，醫院都有位請佢地，逼住要出去自己做私家醫生GP。
好啦，太多醫生就話要Cut學位。我讀嗰陣就Cut左每班幾十個位。少左人變左我地好好彩，個個實習做到一大半，第二/三水Rotation就已經知道實習完七月嘅時候能夠入啲乜嘢專科。有啲有兩三個Offer喺手添。
之後就瀨嘢。我做左幾年公家醫生仔，已經發覺唔夠醫生。好多Specialty嗰幾年都唔係間間醫院每年七月會加到新醫生。我哋對下冇Junior，咁咪即係我自己又要做返junior啲嘢。仲要係On Top Of 你原本要Fulfill 嘅Specialist Training （例如填低能 Log Book/做低能Auditing/做冇Clinical Significance/Impact但係扮有Clinical Significance嘅Research黎過考試。）
跟住有人嘈話唔夠醫生，又一個Cycle。嘈得勁政府先至施施然話又要加學位。但係計返條數要捱六年先有人墊底。唔怪得我嗰屆咁多人走，尤其係戰地醫院內科D Frds。個個考左MRCP都頂唔順，唔要FRCP專科資格，去DH衛生署/Private算。
中間個層Senior Trainee差唔多走晒，高層當然唔會落黎幫手食你啲Call 。得番D唔忿氣/仲有一團火嘅Fellow，而家走又唔抵。有個Delusion可能下個升AC就係佢。佢對落就係新醫生仔，剛入職就嚇死/做死/攰死。本來一畢業諗住濟世救人做華佗，新仔好快就睇清楚現實世界嘅殘酷+膠人嘅Daily Politics。
咁新仔做左一兩年就頂唔順好快又Quit。個個湧入Private。千辛萬苦等六年D新人畢業，佢又唔入公家，或者做兩左就拍下pat pat走人。留起公家嘅Trainee/Resident Specialist士氣你估低唔低？恐怕連佢地都最多同你考埋專科資格，最後都心灰意冷會走埋。
由後之後覺政府計錯數開始+零長遠Planning，呢D順理成章速成今日人手短缺嘅禍根。今日唔夠醫生，六至十二年先有一個Replacement。青黃不接，中間斷層。有Heart嘅做到冇Heart。有Passion嘅做到垂頭喪氣。冇得食冇得痾冇得瞓，做錯俾人鬧俾人公審開記招，做好事當你應份。你都覺得唔Make Sense，俾着你都辭工走咗。咁why do u expect so much from doctors? We are only human.
長氣啲講，又係醫療制度嘅問題。香港唔係冇人做醫生，係無人想做公家嘅醫生。If the system treats us like 💩, then we will obviously treat the system like 💩.
log rotation 在 Logrotate - 處理log rotation的好用工具| 魔法師的手杖 的相關結果
logrotate 是linux提供的一個工具專門用來做log rotation，它會由cron job定期去執行對應的設定檔來做rotation。預設的設定檔是放在/etc/logrotate.conf， ... ... <看更多>