以前拍拖，好驚陪女朋友行街；
依家拍拖，好驚女朋友唔一齊行街。
自從女朋友做咗自己私人形象顧問，無論我買親啲咩都會問佢：「喂，呢件好唔好睇？」
當佢話好，我就100%信任即刻買；當佢搖頭，我就會心諗，好彩有佢，唔係又買錯嘢⋯⋯
話明係除咗形象顧問，除咗買衫外，由頭到腳，我都好需要女朋友嘅意見。
我：「妳覺得我個頭咁gel好唔好？」
佢：「唔得呀，太MK喇！」
我：「妳覺得我著恤衫好啲定T恤好啲？」
佢：「恤衫啦，我鍾意你斯文啲。」
我：「咁⋯⋯」
女朋友已經有少少唔耐煩，已經畀我煩到唔想答我。
我：「妳認真少少幫我睇啦，望住我先！唔好Hea答。」
佢：「咁你問啦！」
我：「幫我睇多次，妳覺得我個頭咁gel好唔好？」
佢：「⋯⋯」
大概，當女朋友唔喺身邊，我就會唔識襯衫，求求其其就算。而我面對過一個難題，困擾咗我同女朋友成年，就係討論我戴唔戴眼鏡好。
佢：「戴啦，你個面形戴咗副眼鏡會好睇啲！」
我：「但我覺得唔戴好啲喎⋯睇上去都精神啲！」
佢：「你信我啦，你對眼細，框番住對眼先反而好睇啲！」
我：「除非畀我搵到副超靚嘅眼鏡啦！」
結果，反覆問咗成年，搵咗成年，終於畀我搵到一副令我即刻文青好多嘅眼鏡。我興奮到叫女朋友揀多副送畀佢，一齊戴眼鏡扮斯文。
而女朋友除咗都會問我意見之外，仲會成日想同我情侶裝。
知道我有啲咩衫，就會買番差唔多款，差唔多色嘅嚟襯番我。
不過，我哋最鍾意嘅情侶Look，就係一齊頹Look。
唔戴Con、唔化妝唔Gel頭、唔介意對方樣衰，不理世俗嘅目光，一齊拖住手頹成日。
好自由，好自在。
當我問女友，會唔會覺得我成日問呢樣嗰樣好麻煩，佢不知幾開心咁笑住話唔會，好樂意呢世都幫我呢個「Barbie」襯衫。
【介紹番】今個聖誕，如果想襯番個情侶眼鏡／太陽眼鏡Look， LensCrafters 亮視點 可能係最好嘅選擇，因為凡買第二副太陽眼鏡，或鏡架＋鏡片，就會有75折，慢慢揀到啱、襯到啱都得啦！
#TheWarmestGaze #LensCraftersHK
------------------------
*最新出版：小說《初戀，是不可挽回的追悔》各大書局有售
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
lenscrafters好唔好 在 LensCrafters HK 亮視點- Posts | Facebook 的美食出口停車場
LensCrafters 亮視點，作為全球眼鏡行業Luxottica集團旗下的高端零售品牌， ... Cover Photo: LensCrafters HK 亮視點's photo. ... 咦，千祈唔好漏咗#太陽眼鏡 ！🕶️. ... <看更多>