【點解 #平假名 同 #片假名 嘅「へ」咁似嘅？】
學日文就要記平假名（ひらがな・hiragana）同片假名（カタカナ・katakana），
通常兩個版本點似樣，始終都有啲唔同，
例如平假名嘅嘅「か」同片假名嘅「カ」（同樣讀「ka」），
「も」同「モ」（同樣讀「mo」），「せ」同「セ」（同樣讀「se」）等。
點解平假名嘅嘅「へ」同片假名嘅「ヘ」（同樣讀「he」），
又要似成咁呢？
各位同學先要知道平、片假名嘅演變過程。
原來平假名係由成個漢字變嚟，
例如「か」係由「加」字成個字變出嚟（個口字化成一點），
至於片假名就通常係抽取漢字某部分而成，
例如「カ」就係單純抽「加」字左邊嘅「力」字。
不論平片假名，「へ」都係由「部」字變出嚟。
不過原來古代嘅「部」字，會被簡寫成得返個耳仔邊嘅「阝」，
所以平假名版嘅「へ」係由「阝」成個字變成，
而片假名嘅「ヘ」就凈係抽咗個耳仔邊「阝」啦。
順帶一提，「り」字同「リ」字，都係由中文字「利」演變而成，
「り」係「利」字整個字嘅潦草，而「リ」就凈係抽取刀字旁而成㗎～。
#日本人設計真係博大精深
#簡約主義
#本質を見極める
#見字學日文協會
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysenseid #フォロー宜しく🙋🏻♀️
🔵 F B 🟤 I G 🔴 YouTube 🟠 MeWe：peggysensei
🎧 Clubhouse日本話題節目不定期放送：peggysensei
➖➖➖➖➖➖➖➖
katakana中文 在 阿拉蕾の日本語- Posts 的美食出口停車場
「テ(te)」ー據說來自於中文「天」字。 ... 「ソ(so)」ー據說來自於是中文「曾」字的頂頂那兩筆。 ... 從katakana（片仮名/片假名）開始學習旅遊日語. ... <看更多>