早晨，昨日同我大女(12歲) one-on-one brunch 了三小時傾下心事 🥰 ....
佢突然同我講: 「爸爸以後唔好買咁多舖啦， 因為以後個個都網上買嘢。」
我就同佢用三隻碗去解釋。 我話:
「商舖市場就好似這三隻碗咁， 三分一是飲食業，三分一是服務業，三分一是零售業。」
我問佢:「你覺得以後飲食的舖，會唔會被網購取代?」
她回答:「唔會， 因為我始終都會同爸爸周圍食嘢。」
我話:「即使有 deliveroo， 個個人叫外賣， 需求反而上升，因為間舖頭都要在街道上面才能更快出入。 」
我再問佢:「你覺得以後服務業， 例如髮廊、修甲店、美容院、車房、老人院，會唔會被網購取代?」
她回答:「不會，因為網上剪唔到頭髮、媽咪無得按摩。」
我再問佢:「咁零售呢? 例如賣衫賣褲賣鞋賣襪買賣精品賣零食賣賣菜賣魚?」
佢話:「可能會!? 因為網上買平好多?!」
咁我再問佢，「妳以後會唔會出街唔買嘢?」
「唔會!」答得最快😂
我續問:「如果妳有個Robot爸爸，撳個掣，所有嘢佢都幫你做曬，畀埋錢你洗，妳會唔會情願要佢，唔要我? 」
「唔會。I like you!」(好彩😅)
我同佢解釋:
「妳同我始終都係人。 即使有日只食粒「神丹」，就感受到飽滿、開心， 你同我都唔會想食，依然想出街走走逛逛 ... because we are all human!
網購係會衝擊零售業， 但零售業只佔約三分之一的商舖市場 .... 但唔會全面性衝擊， 因為你我永遠都會行街。爸爸永遠都會揸車，邊度方便停喺門口，就係週邊度買嘢。
零售業分兩種: 乾貨或濕貨。
濕貨通常要新鮮，人鍾意自己親手揀，因此街市舖(菜檔/魚檔/肉檔)越開越多!
乾貨就較為耐用，較講「品牌」! 網上買的確平好多，但妳我永遠都多多少少會繼續在街上買嘢。 即使唔買，往往都因為在街上見到，妳才會在網上買。7-11 / 屈臣氏，永遠都會存在。
乾貨佔商舖約六分之一市場，即使減半，日後可能只會佔十二分之一， 但乾貨的收縮，會被飲食業、服務業及濕貨舖的擴張而吸收， 等於妳有冇見到爺爺/大伯的康業K-Cash舖頭越開越多一樣。
當一樣商品(街舖)，在街上面沒有新供應，只會因為重建收購而越來越減少，長遠價值必定上升。 這就是經濟理論101 Demand - Supply!
爸爸未來幾十年就係喺呢個市場搵食! 妳唔使擔心! 爸爸會搵到食，去支持你日後追求嘅夢想。
妳知唔知爸爸最驚乜嘢? 就是如果有一日，有個飛天背心發明了， 撳個掣，就直接由尖沙咀飛去中環18樓c座， (她說: 「好似 teleport 咁」)，街上面就從此唔再需要人或車， 個個在天上飛， 咁的話，街鋪就沒有價值了。
.... 但我相信嗰日嚟到，我都已經死咗! 可能你都死咗! So we are OK! 」
她回答:「哦，咁你繼續買啦!」
End of conversation .....
以上是昨日我同大女 Candace 的真實對話。 希望對你買舖亦有所啟發 。
I think we are OK! 😉 李根興
