兩夫妻對住小朋友嘅時候，係咪要有一個做好人角色，另一個就做嚴厲嘅衰人角色呢？我冇小朋友所以冇答案，但有個爸爸級舊同事就面對呢個煩惱，佢飾演開嚴父奸角，所以個仔痴媽媽多啲。
「噚晚我攬住老婆睇電視，個仔一嘢標上梳化迫走我，然後攬實佢阿媽，我問點解要搶住攬媽媽呀？爸爸攬緊媽媽喎！」
我：「呷醋啫，始終媽媽平時形象係錫佢多啲嘛！」
「我明，但佢話要同媽媽玩，我要玩就搵返我自己媽媽......」
我：「你個仔幾歲呀？」
「6歲㗎喇！最頂癮係我問點解爸爸唔可以同媽媽玩，阿仔答我因為佢識得媽媽耐啲，我話點會呢，肯定係我識媽媽耐啲啦，唔係你點出世呀？阿仔話我錯，佢話自己一出世就識媽媽，反問我係咪一出世就識得媽媽......」
😂😂😂
同事話以前大時大節，佢都會帶個仔出去睇燈飾，或者去主題公園玩，再唔係就去戲院睇場迪士尼卡通電影，但係呢排咩都做唔到，佢想同個仔「修補」感情都唔得，再咁落去唔知點算。
雖然俗語有云無仇不成父子，不過唔使咁灰，仲有辦法嘅，去唔到迪士尼，入唔到戲院，仲有玩具吖嘛！全新《Toy Story》HOOPY伴伴系列，首輯登場10個角色全部係反斗奇兵電影嘅老友記，胡迪、巴斯光年、三眼仔呢幾個唔洗講啦，連賓尼同阿德都係到，仲其他角色嫁，買返去做聖誕禮物咪啱晒囉！
「又話冇小朋友唔識呢啲嘢？」
我：「大佬呀！唔使有小朋友都識啦，我個同事都有儲！每款配襯HOOPY系列專有嘅呼拉圈配件，頭部同四肢都郁得，除咗可愛之餘仲好有生命力，新一代收藏玩具嚟㗎，將來就會成為你兩父子嘅回憶，諗起都sweet啦！」
氹仔唔關我事，「氹女」更加冇我嘅事，不過我都鍾意放隻巴斯光年喺枱面，有時做嘢攰攰地又谷氣，望一眼就會開心返，所以《Toy Story》HOOPY伴伴系列對我嚟講除咗係收藏玩具，仲係減壓工具。
#hoopytoystory #收藏玩具
