《外在》
♂：早，你話呢個世界，有冇女人係唔睇樣？
♀：無，只要係人，有基本審美要求，都肯定會睇樣
♂：咁你之前話你要既條件只要係搵得多過你就得，其實係要加埋睇樣啦
♀：……我要唔要講埋有眼耳口鼻，試講野同溝通啊……我著重錢，但唔等於我要連五官都撈亂晒既人都照殺喎
♂：咁如果將男人列做一至十分，幾多分你會接受呢？
♀：唔……五分都可以既
♂：問題黎喇，五分既例子係有邊個呢？
♀：******咁款啦
♂：你要求都真係唔高喎，但我對於你既標準有質疑，你可唔可以試舉一至十分各個例子係邊個？
♀：喂，我咁講會唔會得罪人啊，你明玩我姐
♂：無，主觀觀感姐，邊個怪你
♀：咁啊……十分有******；九分有******；八分有******；七分有******；六分有******；五分有******
；四分有******；三分有******；兩分一分就唔講，都係******個種啦，喂，我真係怕得罪人有罵戰
♂：你都算係咁喇，有好多人講都講唔出，問多兩問就hang機
♀：所以呢？你問完，有咩意思？
♂：無，想睇下你對外表既要求有幾高姐，咁睇你都唔算高
♀：係，我要求唔高，但我講明先，我呢個邏輯同我對金錢係兩回事，對金錢我要求人地比我高，但對外表，我唔介意比人低
♂：呢句我點解好似聽得出你覺得自己好高分呢？
♀：唔係好似，我對自己外表都幾有信心
♂：有幾大信心先？
♀：咁不如你又排下一至十分，我講比你聽我係屬於幾多分？
♂：等我諗諗……
♀：唔急，最緊要快，在線等
♂：十分有******；九分有******；八分有******；七分有******；六分有******；五分有******
，喂，再低唔講啦，你話自己高質嘛
♀：其實我地都幾無聊，無端端係度打分，不過我唔同意，你講既有好多我都覺得唔止呢個分
♂：咁主觀係咁嫁啦，靚唔靚係好個人，情人眼裡出西施你無聽過咩？
♀：既然係主觀，又點解要評分呢？
♂：無，純粹好奇，我係覺得呢種主觀既外表，係好無邏輯同標準可言，但唔知點解你又講得出，本來我諗住你會hang機，更估唔到你會叫我都講下
♀：一個人既外表，只係剛剛識既時候會唔會令你有即時既心動感覺姐，但最後都係要講性格，講修養，講相處，再好既外表，都抵唔住內在，人會老，人會醜，你睇下有幾多靚仔到左中年老年個樣走到呢，但你有幾可聽到，人老左，個修養會差過後生，所以，外表係一種下降既趨勢，而內在就可以不斷增值
♂：可惜太多人都係睇外表，真係相處落先發現有問題
♀：所以我先玩呢個App，因為無樣睇，不過你都算好野，因為平時班人問我外表係點，我會一句彈句，關你叉事，但你開個題目出黎，又真係令我答左你少少
♂：其實……我想講呢……你仲未答囉
♀：八分啦
♂：嘩，真唔真啊
♀：信唔信隨你，講我就講左，你唔滿意，我可以修正，你想我幾分？你講，我就係幾分
♂：得得得，我信你
♀：你講得出呢兩個例子，乜你好喜歡佢地咩？咁如果比你再二揀一，你會揀邊個？
♂：只係講外表？
♀：你識佢地兩個真人咩？
♂：唔識……
♀：咁你咪只可以憑外表去揀囉
♂：咁我揀***
♀：點解？兩個都係同分，你又唔識佢地，只睇外表你可以揀到？咁一定係有一個人比對方多左d野
♂：可能我覺得***似係思考型掛？***感覺係好純真從溫室長大既類型
♀：車，感覺，你唔比***先係思考型咩？
♂：唔知嫁，但學你話齋，我又唔識佢地，估估下姐
♀：有好多時，一個人既外表，同佢內心，可能係兩回事，做藝人既，好多野都係擺出黎比你地睇既人設，但作為觀眾既你地，感覺到呢個人設都係一種成功黎既
♂：你唔問我，我自己想要既分數有幾高？
♀：無興趣知，我唔睇樣既
♂：其實，你想要幾分，就真係可以搵到幾分咩？緣份既野，你遇到既，心動既，可以係十分又可以係一分
♀：但對於分數，你應該係多多益善啦
♂：假如除左外表外一切相同，你唔通同我講唔係多多益善？
♀：假如，真係有人係得外表唔同，其他一樣，的確係多多益善，但呢個世界無人係一樣
♂：係既，今日好似講左個好無謂既話題
♀：一開始我都係咁諗，但講落，比我想像中有趣
♂：有趣位係邊，點解我唔覺？
♀：無野，可能對你講係無聊，但對我講幾有趣
♂：喂，講白少少好唔好
♀：講白？你班男人就係鍾意呢種講d唔講d既感覺，依家我比你，係咪好開心呢？
♂：唔開心……
♀：唔開心我都幫你唔到，今日係咁多，唔係一陣又比你搶先過我
♂：好，晚安
♀：今日既評分，我大概知你幾多歲，哈哈，晚安
—————-
本來星星全部都有名，但費事比人話，最後都決定星晒佢地，比著以前，話咪話，諗定點駁添啊，但人大左，真係多一事不如少一事
長傾·不見@筆友
https://bit.ly/LongchatEP1
長傾·不見@緣份
https://bit.ly/LongchatEP2
長傾·不見@年齡
https://bit.ly/LongchatEP3
長傾·不見@拜金
https://bit.ly/LongchatEP4
長傾·不見@笑話
https://bit.ly/LongchatEP5
hang機意思 在 [問題] a7iii當機- 看板DSLR - 批踢踢實業坊 的美食出口停車場
前幾天拍了一場蠻重要的活動紀錄
機身a7iii
鏡頭16-35蔡 70-200f4
美科電池把手
兩顆原電
但是拍到一半 數值突然都不能動
對焦點 快門 iso 光圈等等都不能動
確認沒有按到鎖定鍵
但是還可以拍
當天我跟我朋友的兩台a7iii都檔機
機身摸起來不會燙燙的
重開機也無法解決
後來是電池重裝就可以了
請問版大們有人遇過這種狀況嗎QAQ
--
※ 發信站: 批踢踢實業坊(ptt.cc), 來自: 223.140.56.197
※ 文章網址: https://www.ptt.cc/bbs/DSLR/M.1537152651.A.729.html
... <看更多>