打橫嚟講：植物界智將Tree-gun
悲慘世界裏，需要有人在鬱悶愁爆的時刻，做啲逗人開心之能事，尤其在兇殘惡毒的議會內，這類能人確不可缺席，香港有福，禮義廉大黨能人眾多，除當官的卡片蘇（又名蘇收屎）、啞仔劉華（舊朵哨牙仔）、無家教的元秋、搓人個breast嘅克勤、你信就有的毒婦琼、突然過底民主前首領側頭鼠……粒粒巨星，但肯肯定仍不及今期最紅的「植物界功能組別」之「智將」Tree gun！
說Tree gun係「智將」，肯肯定無人異議，因他經常智力非凡，勇於創新表達自己的文學化境，其語文藝術造詣，簡直係「出萃拔類」、「無縫敵手」的語巖大將也！
Tree gun大智將，得一條gun，確係唔夠照，兼與身份不符，起碼，要紮職升做兩柴，有「孖gun」吧！
Tree 孖 gun在他稱為「主法會」嘅財委會內批飯民班友仔係懦夫，話夠薑就「明張目膽」撐不合作運動囉！確實，佢講「明張目膽」時，毫無「紅都面晒」，也不管議事廳內所有發言者皆「黑紙白字」的全記錄在案，以作名留千古之用，總之，「趁鐵打熱」，藉呢件「雞毛鴨蒜」嘅「韌啤拿革命」小事，光明磊落的，打你飯民一鑊，等你班懦夫，快啲「子虛烏有」，勿再喺佔領區「借宵一宿」咁爽！
台灣文壇巨擘王文興，每每用十多年時間才寫得完一本小說，佢之「罄竹難書」之苦困，就是要反傳統、造新詞，用最獨特的方式，重塑中國字組合，佢花盡心力的創作，每日頂多寫三數十字出來，如敲鐵鑿石般艱辛，哈！台海對岸這邊陲界小島，就有件超凡智將Tree 孖 gun肯肯定分分秒秒皆可明張目膽隨口噏，「易反如掌」之至也！
問你：咁算係「大樹招風」？或是「樹大根深」呢？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
gun潮語 在 英文縮寫潮語 - YouTube 的美食出口停車場
Including results for: 英文縮寫潮語 Search only for #英文縮寫潮語 ... 【潮語系列】常用英文縮寫英文潮語| YOLO / FOMO / ASAP 意思? | feat. ... GG是Gun Gun??? ... <看更多>