// 麻 甩 呀 姨 手 記
嗨好耐無update啦大家呢排點呀？
我幾好丫都係鳩下鳩下咁囉。
話說上星期過左澳洲探親，咪睇我年輕貌美心境開朗，其實我都一把年紀架啦，仲記得當年飛北京有個𡃁仔叫我「丫姨」比我怒目叫佢「叫姐姐」，到我終於都做左人呀姨，唉時光飛逝呀屌。
識我既都知我好憎小朋友，無計，喺香港、飛機上實在太多怪獸小孩，喪跑、大叫、軀魔式嚎淘大哭但係無眼淚⋯啲老竇老母一係唔理一係一面慈愛咁望住佢地發癲，每次我都想拎住佢地對腳大力fing埋牆叫佢地收聲🙄
印象中我都係第一次抱B咋，好撚驚唔小心整斷左佢條頸😂 好彩佢無一見到我就喊，都幾俾面🌝嗰日抱著佢訓左三分鐘超有成功感，不過我心口冇肉唔好訓所以佢好快就醒左🙄
雖然我真係好唔鍾意飛澳洲（兩年無飛過🙄），但係不得不讚當地照顧parenting既需要非常咁週全。例如喺商場停車場，大部分都有將鄰近出口既位置劃比有BB車既駕駛人士停泊啦，上落都有電梯／斜坡啦，最令我amazed既都係設備齊全既parent room ，入面有充足位置比媽媽換片、有獨立既空間間隔比媽媽餵母乳、有微波爐可以加熱、有啲仲有提供免費尿片以應付不時之需。
睇番香港，有幾可見到育嬰室？大部分都係喺女廁加塊樹熊板就算，而普遍人見到媽媽餵母乳都會呀之呀zor嫌三嫌四，喂，呀B都係人，點解要人去廁所開飯先？其實一個地方有幾先進唔係睇有幾多人用iphone 6s幾多人著NMD，民智未開唔識尊重人，幾多GDP都係哂鳩氣。
同埋我今次先明白到餵母乳真係好撚偉大，我姨甥女一日食八餐，姐係我家姐一日要泵八次奶，泵完又要餵，餵完掃風換片tum訓覺，丫諗住搞掂抖下啦，唔撚好意思呀B又餓啦🌑 如果唔記得泵又會變石頭奶，諗到都痛⋯諗番起我有個classmate生完無耐就飛番，我地喺酒店傾傾下計佢都要泵奶帶番香港，仲未計返工有氣壓、忙得濟漲奶都無辦法要谷住⋯我真係唔敢想像有幾痛。
有啲野未發生喺你身上，係會無感覺架。我曾經都好撚憎d老母唔識令個b收聲，而岩岩返香港嗰程機附近坐左個mother with infant又係喪喊，我開始會諗其實個媽媽都好無奈，而我都無咁燥底啦⋯希望大家都做一個有同理心既人，試下體諒多啲，個世界會美好啲。
（圖為我姨甥女👶🏼佢啲表情成日都咁grumpy，好搞笑，唔知佢大個左仲興唔興Facebook，希望佢唔好嬲鳩我擺d咁既相😂）
grumpy意思 在 Grumpy Dog 寵物沙龍Spa - Home | Facebook 的美食出口停車場
Grumpy Dog的意思就是生氣的狗狗，我們要讓脾氣在不好的狗狗進來店以後都可以很開心的回家。店內裝潢及招牌設計的部分我們走向像迪士尼般歡樂的風格。 ... <看更多>