今個星期六，一齊去，一齊和理非。
不應入村，入村也不會找到當日的白衫
[不斷更新] 光復元朗，我的Q&A as of 20190725 2130
Q1. 咩訴求？
5+2: 反送中五大訴求+2個
政府應定義7.21元朗為跨境恐怖襲擊 (Cross-border Terrorist Attack)
成立由法官擔任的獨立調查委員會徹查元朗恐襲
Q2. 時地人？
2019年7月27日（六）15:00 元朗水邊村遊樂場 沿元朗大馬路 至元朗西鐵站公共交通交匯處
Q3. 點解揀27號？
27號係遊行，想有更多和平理性非暴力嘅人參與
香港仲有唔少人返5日半工，所以都想更多人參與遊行
而且留番個星期日出嚟，大家可以休息多一日再返工又或者28號再去多次
Q4. 點解唔搞早啲，仲要下晝咁遲？
如果呢個世界真係有白衫刀手，佢地幾時都可以出沒，你揀幾多點都冇關係。因為驚就要提早，其實冇關係
路線本身只有45分鐘腳程，而家警方改到要15:00起步，去到終點都只係15:45；要離開嘅，都時間尚早
市區人入元朗，係要啲時間，特別係呢個遊行路線集合點唔係近西鐵站，係需要時間。太早係行唔到。況且而且警察話要提早，有機會星期三黃昏開完會後有更改
話會阻元朗人買嘢果啲就算啦，遊行本身就係阻大家一陣然後等你注意個議題嘛。而且12點集合再行，中暑就難免
Q5. 點解呢條路線，好似好危險？
首先，成個元朗佈局本身係唔方便大型遊行，同佢本身嘅城市同道路規劃不無關係
要行，就只可以揀大路行，如果唔係就載唔到咁多人
大家望吓個Google Map，元朗市北、中、中南同南四條線。
北邊：宏達路+安樂路
✔夠闊，唔阻大馬路巴士同輕鐵
❌最後入元朗站都係阻一阻巴同鐵，仲要經過西邊圍同大部份南邊圍門外。唔好唔記得，好近橫洲
中間：大馬路
✔夠闊，大廈樓上多工商少住宅，相對少中頭獎，唔經任何村向(除咗南邊圍外圍)，有教會可做站
❌犧牲巴士同輕鐵Flow
中南：教育路+合益路
✔元朗巡遊指定路線，慈母一定識搞
❌太多住宅，中頭獎機率比大馬路高得多，東邊盡頭冇位聚/散人，最後都係入大馬路或者落鳳琴路。元朗內街其實打起上嚟同巷戰係冇咩分別
南邊：馬田路+馬棠路+港牧路
✔最少車
❌望吓會經過幾多條村外圍？
睇完，其實你只可以揀大馬路，而且combine上述任何一條路線係會令元朗近乎冇車可入，反而仲危
有連登/TG人講另一條經YoHo 加教育路經十八鄉鄉委會路線，其實真係冇可能
YoHo 係私人商場，雖然佢係有公眾通道。但一入商場，警黑攻擊都好又會變另一個新城市，會仲傷，更唔好講警察唔會批到不反對通知書俾你，皆因新地係唔會同意係遊行入去佢商場，點批？
大馬路係會犧牲輕鐵，但如果大家要出要入，都仲可以向北去朗屏站又或者向南再向東西走
Q6. 點解係西向東行？
元朗市東邊係冇大型鐵路俾大家散，如果東向西行運動場散，冇輕鐵之下就只可以行去朗屏坐西鐵又或者行南邊小路返去元朗站。一來人流倒灌二來經過村口仲危險
有群眾好怕白衣人「圍堵」市中心一帶，所以建議東向西。呢個建議，其實會仲死
大家望望水邊村以西，過咗朗天路天橋係乜嘢？係曾姓屏山呀！大家唔係唔記得689果陣啲嘢嘛？東向西行到果度，如果真係有保鄉衛族，散唔到人咪仲危險？
西向東行，叫做有個西鐵站。附近有救護站有博愛醫院，再絕啲都仲可以行上公路去截車手走。
Q7. 點解仲係叫光復？
大家明平時叫光復，係處理一啲政府唔處理嘅民生嘢。我見有咩清潔有咩保衛好多字眼，其實容許我咁講，黑勢力蒙蔽元朗，我地就用我哋嘅力量去俾番光明呢個地方。另外，遊行英文名叫Take Back Yuen Long，亦都係有番主權在元朗人嘅想法
Q8. 兩張不反對通知書？
其實不反對通知書係需要2個人做申請。第2個人嘅作用就係喺主要申請人(今次係Max Chung) 不能履行不反對通知書內容果陣代佢履行。所以其實係同一個申請，我會係喺Max 履行唔到嘅情況下代佢履行，繼續協助遊行進行
Q9. 7月24日同慈母開會發生咩事不歡而散？
首先，原本慈母講明5點一齊同黨鐵、九巴同嶼巴一齊開會。結果係，慈母原來4點先行同一眾公司開會，然後5點便離開，毫不尊重申請人
另外，警方突然於會議中途提及根據香港相關法例，繼申請人隨後的任何說話當成陳述（Statement)。由於與警方事前沒有據及會議有「陳述」部份，故此在未有安排律師在場下，申請人不能繼續會議，只能離去
簡單嚟講，慈母係陰人
Q10. 入多一張早啲嘅不反對通知書Let’s say 12點？
其實入嚟果實際效果係俾啲怕白衣刀手嘅群眾早啲行然後走？咁如果刀手幾時都已經係屏山同廈村Ready，你早搞一個遊行都係可以劈嫁，有咩分別？
Q11. 鍾健平Max係邊個？
元朗土生土長，第一個搞尖沙咀六四嘅人，其他嘢大家Google啦
Q12. 7.27入去南邊圍村？或者其他村？
果日大家都見到，白衫人最後唔係行去西鐵站就係坐七人車走。南邊圍剛好係西鐵站附近，走入村避風頭就梗嘅。當日襲擊前恐怖份子喺西邊圍同雞地聚集，但再之前喺邊度上車？係廈村同屏山呀
如果冤有頭債有主，要聲討嘅係唔係應該去廈村同屏山？南邊圍而家主要住嘅係南亞家庭，但當晚南亞刀手其實有情報講係由九龍入去。其實重點人物不在元朗市外圍村落，你入去南邊圍又好西邊圍又好，其實都唔會搵到你要搵嘅白衫人同鄉佬
而家已經有藍絲村民Spin叫7.27要走人，怕我哋會入村扔磚然後鄺仔朱凱迪會做行動基地。甚至有黃絲非原居民村村民Spin不要抹黑村民。即係咁，有啲鄉同社團熟，咁大家一定想去算帳，但村內有非原居民租客嫁，真係去入村嘅行動者要諗清楚，除咗自身安全之餘又點樣唔會冤枉好人
Q12. 點解慈母會反對遊行？
話影響交通，話會多過369人，話唔夠糾察 （100個都唔夠？），話拒絕後備路線，話社會氣氛，話會入村傷及村民，好似係。總之佢話乜就乜啦。
Q13. 咁鍾健干點做？
去上訴委員會上訴，7月26日下晝兩點梁顯利社區中心。上訴唔得居多，就係咁
Q14. 咁我點做？
稍候公佈
Q13. 仲有咩想講？
做得遊行負責人嘅，就只可以係和理非到底。大家都好氣憤，但唔好入錯村搞錯人，咁我哋就會輸一仗
Max 其實係有入TG Gp，但人太多意見都好多，希望大家幫幫手俾D意見之餘，都同時睇睇個Plan嘅來由。部份嘢已經同物資組夾好，反而時間路線真係要同慈母Deal，大家等一下
本地中文媒體全部剪走晒「跨境恐怖襲擊 (Cross-border Terrorist Attack)」定性嘅個訴求。恐怖襲擊大家明，但一講到跨境就剪，其實係令到我訊息出唔到街
果日我唔帶Gear，皆因人生而為人，應該有免於恐懼嘅自由
google map指定路線 在 [問題] 手機google導航下交流道的困擾- 看板car 的美食出口停車場
敢問大大們
我是超級新手駕駛，有個困擾
在用google導航下交流道的時候，都要馬上再選擇往西或是往東，
又或是要馬上判別要下的路名...
每次都手忙腳亂，也常常下錯方向 @@
請問有沒有手機用的導航可以解決這件事阿？
還是其實google導航也有這個提示，只是我沒注意到呢？
謝謝大家了！
--
※ 發信站: 批踢踢實業坊(ptt.cc), 來自: 36.224.105.224 (臺灣)
※ 文章網址: https://www.ptt.cc/bbs/car/M.1619929694.A.4C7.html
※ 編輯: wusalt (36.224.105.224 臺灣), 05/02/2021 12:32:33
... <看更多>