Day33 (7月14日) 俄羅斯🇷🇺
/ 莫斯科艷遇？(上) /
由伊爾庫次克搭咗三日火車嚟到莫斯科，愈來愈少用口講嘢，因為沿途都無咩人識講英文 (咁啱住嘅地方職員都只識俄文)，更別說中文了。用 google translate 嘅次數係愈來愈頻密，打字多過講，為求方便，我連電話 keyboard 都 set 埋俄文輸入，但始終溝通不便，有需要時至會用，亦少同人傾計。
喺俄羅斯莫斯科有個叫 Gorky Park 嘅公園，當地人話係好多年輕人聚集嘅地方，我估有三至四個維園咁大，公園裡面有人造沙灘 / 藍球場 /沙灘排球場 / 單車徑 / 河流 / 靚 cafe / 咩都有，亦有好多人踩板踩單車。呢日無特別事做就去咗坐公園 hea，突然有位俄國大學生搭訕話想了解吓亞洲，好難得遇到位識英文嘅當地人！
我問佢有無嚟過香港，去吓旅行。佢遲疑咗陣，仍用緊舊式 Nokia 電話嘅佢話自己未工作，所以無咁快去旅行，但相信做嘢大概一年後就會去。為咗打完場，我就話......
[🌿我 👦🏼佢 ]
🌿 : 都啱㗎，儲下錢，然後去旅行，好多人都咁。
👦🏼 : 但唔覺得人工作儲錢，然後請假休息，呢件事好無謂嗎？然後做一份自己無興趣嘅工。人唔係應該想做咩就做咩嗎？
我問佢鍾唔鍾意自己國家，有冇諗過離開俄國。
佢話佢有，覺得其他歐洲國家應該比呢度好。佢唔鍾意呢度唔變通，事事講規矩，但又唔會解釋你知點解要跟規矩做事。
然後我又問有冇試過作出改變？佢話無諗過，亦唔覺得可以改變到。呢種無力感令我諗起喺香港做義工時，聽到唔少街坊對於社會現狀嘅無力感。
之後行行吓，佢就帶咗我去公園嘅「公眾舞池」。
(重點未開始，下篇繼續)
#獨菇遊
圖 : 見佢拎住球拍，即興打咗場羽毛球🏸️
google keyboard中文 在 03_鍵盤切換輸入法，google鍵盤，gboard - YouTube 的美食出口停車場
... <看更多>