香村 feat. The Interzone Collective x MC仁 x 阿朗 @ 九龍台, wow and flutter THE WEEKEND (13 August 2017)
星期日，九龍台找來「香村」以collective形式，在烈日當空下通過音樂、詩歌、演說甚至舞火龍來分享新界東北的土地人情，相當有意思，成為當日一個別出心裁的表演;可是，在兩天之後，一眾守護新界東北的社運青年，卻遭判重刑，多麽的令人憤慨！
//如果你唔清楚 「新界東北」 係咩事;
如果你以為啲後生仔為反而反，阻住地球轉;
如果你覺得佢哋今日被判監係自己攞嚟衰…
政策始於董建華時期。 正常收地程序係由政府主持, 按規矩賠償, 由政府規劃, 再拍賣俾地產商興建。 董生就不時暗示地產商新界東北會發展, 由五大地產商自己收地, 收完再向政府補地價。 呢個做法衍生兩個現象：
1. 地產商用盡不法手段, 例如揾黑社會入農村、 污染居民嘅農地、 出律師信兇啲阿婆，繼而開庭但其實明知冇嘢好告到時又撤控, 迫走啲人, 咁就可以用賤價收地, 政府當睇唔到;
2. 地產商唔駛經拍賣, 大家圈好晒連晒地, 慳好多。
而政府宣傳廣告用 「沙田新市鎮」 比擬新界東北, 號稱可以解決住屋問題。 梁振英更加反咬話：新界東北唔起, 請揾過第二塊地解決住屋問題。 東北居民被塑造成 「少數人唔肯走阻住多數人住屋」。
但其實賤價收農地, 政府起動計劃, 然後以動輒萬元計呎價起樓, 是為回歸後政府換取大地產商支持嘅肥肉。 俾地產商圈晒地, 毗鄰大陸，極可能係起晒大家都買唔起嘅樓。
陳茂波局長號稱東北嘅 公營：私營 房屋比例係6:4, 但注意佢意思係單位數量 6:4 而唔係土地面積。 即係地產商可以搵左十公頃地起 40 間三層式豪宅, 搵番一公頃地起 60 個公屋單位就搞掂。 唔好有美麗嘅誤會, 唔會有 60% 土地面積起公屋。
長期被逼迫嘅居民代表一直都話, 請政府循正途重新收地, 按價賠償, 答應幫想耕田嘅復耕, 並且真係起到 「沙田新市鎮」 咁，三贏方案完全係可以接受。 可惜經過無數次温和要求，高牆只係當你冇到，繼續玩語言偽術吹噓發展有幾好兼抹黑你班居民，直到 0 票當選嘅吳亮星暴力通過撥款。 呢次抗爭行動就係發生喺同一晚。
計劃由董建華時期開始, 曾蔭權擱下, 梁振英通過。 搞左咁多年, 真心關注呢件事而冇利益可言嘅人今日被重新判刑，即時收監。//
flutter意思 在 其實wow and flutter係咩意思？ 立即喺呢度重溫叱咤樂壇嘅訪問 ... 的美食出口停車場
其實wow and flutter係咩意思？ 立即喺呢度重溫叱咤樂壇嘅訪問！ 多謝謝茜嘉訪問wow and flutter主腦人康家俊、RubberBand嘅六號、Supper Moment嘅鼓手阿達、仲 ... ... <看更多>