關於 expected salary寫range ，我們在網路上蒐集到這些相關的討論、資訊與評價

《HR如何看待Expected Salary》

大家好，我係Benjamin，筆名穆琛，現職跨國銀行界HR。作為久保團隊成員之一，過往 Career Coaching with HR 時基本上遇到每一個客人都會問及關於期望待遇 (Expected Salary) 的問題。很多人覺得 interview 後有幸得到 offer，十居其九都一定比自己的 Expected Salary 低，而事實上 HR 又是否真的會 「壓價」呢？趁著這個機會，在這裡跟各位讀者分享 HR 對 Expected Salary 的睇法。

首先，要明白 HR 訂定某職位的薪酬水平 (Salary Range)，需要考慮的因素有以下各項：

一、企業因素你所應徵的公司是否行業龍頭 (Industry Leader)？當前企業的發展處於擴充還是收縮階段？企業盈利能力如何？企業願意投資在怎樣的員工上？

二、市場因素在求職市場上，與你擁有類似經驗、能力的人多嗎？你的專業資格/技能/經驗是稀有嗎？你的技能是市場上現今所渴求嗎？

三、內部因素你上一份工作究竟是 underpaid 還是 overpaid? 上一份工作的薪酬結構 (Reward Structrue) 與所應徵的公司有甚麼不同？

曾經有一個客人在 Coaching 問我，他的 Expected Salary 是 $50,000 - $53,000，但往往 HR 給他的 offer 都只有 $43,000 - $45,000。我一看之下，雖然他是一個年輕具領導力的 Manager Role，但他的 CV 和 interview 表現都令人 HR 覺得他只是一個普通稱職的 supporting team member，完全沒有突出他的領導力和他所具備「值錢」的技能。所以，HR 往往覺得雖然他是合適的人選，但沒有給予應有他期望的薪金，覺得他最多也只值 $45,000。經過 Coaching 後，他學會在 CV 如何突出自己的成就，在 interview 時如何向 HR 表達他值錢的地方，怎樣有信心地叫價。最後他成功得到一份比他期望更好的 offer。

很多人都單方面覺得 HR 在壓價，但你又有無諗過究竟你有無具備該職位「值錢」的才能 (Competency)。如果有，你又有無在 CV 和 interview 中有技巧、有系統地展現出來？你有無分析該項技能又是否企業現在熱切需要的？你擁有的專業資格，在市場上究竟認受性幾大、有幾值錢呢？經過 Coaching 和 CV Enhancement 提升個人特色之處，有技巧表達自己怎樣值錢，往往你更加可以提高你所 expect 的 salary range 更同時得到 HR 的青睞。

另一個例子是一個 Marketing Specialist，他擁有多年傳統媒體和社交煤體的營銷經驗，但他的 CV 和 interview 往往只著墨於其多年在傳統的報章、雜誌的行銷經驗。當 HR 考慮出價時，便會覺得他的 profile 並不那麼值錢，對現今的網絡營銷、人工智能等值錢的技能一一竅不通，從而不會傾向 offer 出一個很吸引的價錢，因而出現壓價的假象。

不少人都會問，如果我 CV 上寫 Expected Salary $40,000 - 42,000，HR 是不是一定最多只會 offer最bottom的 $40,000？很多時 HR 也會問到求職者的 bottom line，從而制定 budget 和管理期望 (expectation management)。若然公司受 budget 所限，而 $40,000 亦是公司內部同等職位的中位數/頂薪點，固然 HR 是會 offer $40,000。可是，若求職者有另一份 competing offer / counter offer，或者公司內部原來 $42,000 才是該等年資職位的中位數，HR 是絕對有可能給予你 $42,000 的。在銀行界，假設你有幸從本地銀行 (local bank) 跳往一間投資銀行 (ibank)工作，你最初可能只 expect 15%的 increment，但基於工作崗位的提升和需要把你的薪酬與投資銀行內部同等職位看齊，往往最終的 offer 有機會達至 25％ increment，超越你最初的期望。

如果你清楚你的定位，懂得如何表現自己的長處和值錢位， HR 是一定不會壓價的。試想像，如果 HR 出的 offer 是 underpaid，你很大機會工作數月後會跳糟，HR 反而失去你這名人才而要重新開展招聘程序，同時亦影響 HR 的 KPI，作為 HR 又點會咁做？

相反，如果你 expect 的薪金是 $30,000，有一日收到一個 $31,000 的 offer 固然十分開心，但你又有冇諗過如果你懂得表現自己和配以適當技巧，你本應是值得更高價錢？

歡迎各位PM 預約 Career Coaching with HR，了解下究竟自己值咩價錢。

《人生係無數「被」選擇加起嚟嘅結果》
　
畢業嘅季節又嚟啦，近來我見到好多濕鳩報紙都邀請好多資深人事顧問，教畢業生點樣搵工，傳授搵工必勝大法。其中一位人事顧問話，你張CV度要痴張相吸引僱主留意，呢個人事顧問彷彿唔知道呢個世界有啲人所有優點都生喺身體入面，個樣只有缺點，生得比較抽象。一張相好難得知個candidate 嘅內在美？呢啲搵工必勝大法 真係鳩噏當秘笈。
　
呢位資深人事顧問話，畢業生應該喺expected salary度寫個range落去。例如10-12K，再括住negotiable。我覺得呢個做法真係好戇鳩。你寫10-12K，點會有公司畀12K請你？expected salary係一個求職者嘅底線，底線又豈能浮動？
　
同大家分享我畢業搵工嘅一個經歷，當年一間金融公司畀咗一個job offer 我，我CV寫11K，佢offer 10K，我話11K 先做，佢最後畀11K 我。我入咗呢間公司做咗3個月，有一次，一個同期fresh grad 呻「呢間公司真係濕鳩，10k都畀唔到我，仲要做咁多嘢」..... 原來一問之下，先至呢個同期係畀公司由10K 壓到9K，我11K 嘅人工，多咗出來個1K就係由呢個同期嘅人工扣出來。所以，你今日expected salary畀個range 出來，你就會畀人take 到你advantage，唔一定係公司take 你advantage，而係你身邊嘅同期。
　
※※※※※※※
我知眾多畢業生都希望考到MT，作為一個奴奴役役嘅打工仔，我係好明白點解畢業生好想考到MT.....
首先通常有MT program嘅都係大公司，入到大公司，講出嚟同鄉親父老交代都好似威啲。
　
其次，MT制度其實好似 選港姐，MT program係提供咗一個一夜成名嘅機會畀applicant 。只要當選MT就可以make sure完咗MT program，得到一個 senior嘅位置。情形就好似港姐選到冠軍就可以拍電視劇做女主角。其他 紅褲子出身，讀演藝學院甚至入讀藝員訓練班嘅人，可能捱十幾年都無做女主角嘅機會。
　
有朋友講佢阿姐比佢年紀細好多，原因就係因為佢阿姐當初係MT。MT program係大學生嘅comfort zone，好似抵壘咁，以後就安全了。
　
但其實，做唔做到MT真係命數... 做唔到真係唔洗灰心......
曾經聽過一位朋友講，佢公司每年收到嘅MT application都過千，佢呀姐叫佢將所有applicants 嘅CV 擺枱面，開一把大風扇吹，邊份CV 吹唔走就in 邊個。所以我一向都覺得搵工係命水，你做唔到MT 唔係等於你唔出色，正如落選佳麗或者參加藝員訓練班嘅un星，好多都好有才華，只係欠咗啲彩數。
　
何況而家係公司都話請MT，我有見過肉食公司請MT，有見過好多chur 爆MT 嘅公司，唔肯OT，捱唔住resign 要賠錢畀公司。所以平常心啦各位搵工嘅fresh grad。我覺得大學畢業生，出來社會第一樣要學嘅野係，呢個世界係有啲人成日都好不幸，明明有才華又無命水，咁如果你咁岩係不幸嘅人，你就要學識好似魚咁，對眼睇開啲囉。
　
PS. 最近睇麥明詩嘅一個廣告，佢話人生係無數選擇加起嚟嘅結果， 呢句說話我係認同㗎。但我覺得香港地嘅畢業生，選擇根本唔多，唔係個個都可以好似麥明詩咁選擇，一個普通平庸嘅畢業生，多數係被選擇。咁世界係咁架啦，不幸嘅人總係比幸運嘅人多嘅。