關於 economist newsletter ，我們在網路上蒐集到這些相關的討論、資訊與評價

［今日寫呢啲］股災點算好！今日唔自吹自擂，雖然隻Amazon都新高，但其他好多都跌得急。先講港股，再講美股。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

但分別講之前，早就話你知舊年4月開始至到今年呢年幾，易玩到不得了。我Patreon亦係8月搞。我本人當然經歷過股災，都話2008年輸咗100萬（港紙，唔係越南盾），但好多舊年先訂嘅讀者未必經歷過，好景係唔會每日常在嘅（「四樓有四仔」段clip應該整NFT啦），旺電都唔會。

港股嘅，一仆一碌。點解？唔知喎。固然可以又講中國政府，但打滴滴都係幾日前嘅事，況且非科技股照跌，八成股票都跌，仲要2000億成交。到底係乜事？Patreon會講（但其實，都冇乜咩特別事）

星期四跌800點後，年初至今升幅都蒸發（咁咋？老奉賺錢？）。高位跌咗4000點，都13%，幾係嘢。咁可以點？文中都有講。

但，其中一個方法，當然係轉戰美股。你冇訂Patreon我都話埋你知，唔係叫你全部沽晒啲港股，而係一早你就應該分散。佣金貴？開戶煩？時差？全部都唔係理由。

至於美股嘛，實情有乜好討論？即使話道指開市跌500點（收市收窄一半咁滯），都不過係1.5%，有乜好討論？聽講早兩日標指納指先新高喎。

但見到嘅係，債息係咁跌，說好嘅加息縮表呢？同時，星期四晚出嘅首次申領失業救濟人數數字又相當差。咁啱Economist封面都講全球經濟fault lines。於是乎，個主調，在兩三個星期間，就由驚過熱驚加人工通脹加息收水，變成驚經濟冇力，死未。咁應對？都係文中講

好啦，每日一圖，兩個。第一話你知，今年上半年股市真係好勁。我講環球，唔只係美股（咁世上除咗美股港股仲有其他市場的）。100年嚟，今年上半年排第7。但更好玩嘅係，Patreon入面話你知，另外嗰6次，之後發生乜事。

第二個，睇題都知，美股對上一次有5%調整，已經係舊年大選之前，至今266日。等等等調整，等到幾時？你望下個市升咗幾多？如果你要等10%嘅，更加係由舊年3月尾見底後都冇，好多股票升咗幾個開。你為咗貪小便宜係都要等跌10%，錯失咗幾多升幅？升三倍後跌10%你覺得好抵買？

兩篇Good Read嘅，第一篇講Facebook都踩入Creator Economy（留意同原本嘅Social Network KOL有啲唔同），之前Twitter買咗間newsletter公司，Facebook就自己搞一檔Bulletin，擺明係抄／撼Substack Patreon 之類。有趣係，不能話你想寫就寫，係要佢邀請你。咁你話開頭試水溫兼名人效應兼餓飢行銷，可能。但你可以留意埋佢搵乜人—或者話，留意下佢冇搵乜人。文入面解

第二篇嘅，個個事後望都話早知有買乜乜乜。甚至你唔使揀股，過去十年你任何位買美股ETF都贏到笑。但點解咁少人做得到？因為中途好多人會嚇你，震你走。但嗰啲友有冇skin in the game？定係只係不停咁做末日論，今季唔爆下季爆，今年唔爆下年爆。好肯定嘅係，股災後，有投資嘅人，都仲係富有過從來唔投資嘅人。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

［Keep your friends close, and your enemies closer］ 留意時間。台蘋唔出紙版，東方報得仲快過蘋果自己！果然日夜mon 實。你的敵人比你更了解你！

TLDR：媒體撚人包。其實邊有得做？紙媒冇人睇事少，但網媒嘅記者一樣會走佬。Why join the Navy when you can be pirate？

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 又，我在香港每日買三份實體報紙（不包括蘋果，但有網上訂）。在台灣都係同一習慣：分別係 台灣蘋果，聯合報，中國時報（請屌）

2. 台蘋賣到20蚊台幣，台灣人叫晒救命。但你諗下香港報紙賣10蚊，而兩地人工差距往往唔止一個開（雖然有時不能咁計啦，你去台灣「喝茶」唔會香港一半價錢）。況且，台灣報紙少好多嘢睇，香港報紙厚好多。而反正後來蘋果有 凍新聞 有埋啲鹹濕示意圖（圖or 老母嗰啲）， 台灣人都好受落的。

3. 反而你聯合報 中國時報10蚊台幣一份，我就只係見過阿叔會買，同埋我（都係阿叔）

4. 咁反正大家都知，報紙靠賣紙就死得，印一份蝕一份，都係靠廣告。所以又難怪台灣報紙少嘢睇。

5. 咁講完量，我地最好唔好講質添。蘋果aside，台灣報紙啲質素真係得啖笑。直接啲講，啲記者質素真係笑能死人。相比之下香港啲記者真係十分專業。

6. 咁我唔怕開名，我仲做台灣公司時，有一劑我阿頭（台灣佬）彈咗個台灣經濟日報女記者嚟訪問我。咁當然係唔靚嘅阿嬋啦，唔使咁多性幻想。咁但，唏，訪問嘛唔係叫你去夜總會選妃，尊重下人地專業好。 好呀，睇下有幾撚專業？

7. 佢問埋啲嘢低能，算數。夾硬將自己啲話迫落我度要我認同（我諗起《三國無双》嘅林雪：「你同唔同意？」）。好正常。但我最不能忍受嘅係，佢老味佢拎個Excel 叫我幫佢填（即係你報紙會見到，由美術出嗰啲圖，例如咩內銀業績比較，香港樓價每月轉變之類嗰啲）。

8. 我十分婉轉地，轉達個意思畀佢：仆你個街，我出埋你份糧丫不如（雖然我都唔多恨）。

9. 咁呀台嬸都好婉轉咁（唏台灣人嘛，台灣最美的風景便是人）話我知，唏，唔填咪唔填咯，唔使咁惡，香港人真係冇禮貌。

10. 其實由第一分鐘我都唔想理佢，但老細踢落嚟，我又唔知會唔會係老細啲情婦之類。但心諗老細都讀過下書 又四四正正，應該啲品味冇咁差。於是直接同老細講，喂，個阿嬋廢架喎。咁老細都至少表面支持我，仲email串咗個阿嬋幾句。「會唔會返摩鐵跪坡璃我就唔知啦」

11. 事實，以上現象人人皆知，死症，你推我我推你。但總之，讀者唔肯畀錢（似乎讀者又話啲報紙垃圾），報紙根本請唔到啲正常嘅人。請到嘅，當然都係靠廣告商養。咁所以七八成嘅文都係「業配文」。而反正讀者又係照睇。而根本好多記者係自己跑埋業務跑埋廣告嘅，呃埋一大堆化妝品呀 嘢食呀 戲飛呀大有人在。

12. 咁反正讀者又冇乜所謂，新一代一早WFC，老一代都WFC。我都係當睇廣告雜誌，睇下邊度有新餐廳咁。或者同時睇下啲台灣人嘅各式怪論。最Q記得嗰時體育版真係日撚日都係兩版甚至四版林書豪。係每一日，every 北京 single day．就算佢冇波打甚至傷咗，都有其他花邊新聞。由佢老母到佢老校，乜都有得講。

13. Anyway，都係必然之路了。其實蘋果（一仔 in general）已經好勁，好似有百幾兩百萬付費訂戶。想話你知，國際上都冇幾多份報紙有咁數量，Financial Times都得100萬人咋！咩Economist 嗰啲 50萬人左右。New York Times咪有700萬人咯，但人地仲平過蘋果。

14. 全部面對嘅問題，唔止係咩紙媒已死（樓上嘅都全部變晒網上科水訂）。而係，你稍為有啲食力嘅記者，自己楝支旗開檔，自媒體算數啦。真的，一大堆都搞SubStack 搞 Patreon。讀者係睇篇文嘛，唔係睇你New York Times個嘜頭。人人自媒體，碎片化啦，分眾傳媒

15. 我係記者做得好做得幾年有人脈嘅，使乜靠你份糧？自己搞個Newsletter啦．仲要聽你班中文打字都唔識嘅冷氣房老屎忽教我點點點 然後自己出去飯局應酬指點江山？

16. 你以前媒體嘅玩法，綑縛嘛。你問老啲嘅傳媒人都知，專欄副刊，甚至再以前金庸寫武俠小說，可以賣好多紙。問題係，我明明就買明報睇 陶傑 伊沙貝，以前就屈你睇埋林燕妮張小嫻， 而家我直接課金畀陶傑咪得 （當然又會令個社會更加圍爐，但後話）

17. 我個Patreon都類似係Newsletter，基本上人人都知，係想學／抄 Matt Levine嘅，當然我唔係記者。

18. 有機會寫（但N咁多篇文我都冇寫），Substack而家直頭玩到唔止Newsletter，直頭做Sections（https://bityl.co/6q2s）． 即係我成份嘢上又得，你散叫亦得。我搞個小企鵝出版同盟，叫利世民 嚟寫政治經濟，叫高山道 嚟寫體育，叫尹思哲 嚟寫Start Up，然後叫我寫….. 「是但啦」。一樣得。唔使輪流寫喎，又唔係Patreon bundling一齊寫。而係任你全餐或散叫都得。喂，咁即係直頭等於自己搞一份報紙啦喎！ 你諗下以前係幾咁難？而家？真係一晚就搞到。「而呢個正係我一路叫利世民搞嘅嘢」「佢之前都搞過啲類似嘅嘢，行得太早，而家Substack幾個掣搞掂啦」

19. 都係有啲廢，但成日講啲乜tech 物tech，好多行業同十年廿年前仲係差不多。反而媒體先係轉得最勁嘅。

20. 而我話你知，好多人係Substack都未撚聽過。網友至撚醒。

21. 係呀，離晒題呀。但唔係咁嘅題點呃到你入嚟？我出篇文寫「媒體生態分析」你會唔會入嚟睇？點解媒體變標題黨？因為讀者鍾意咯。咁當然我唔係特登嘅，我都唔係咁計算嘅人，但寫下寫下，咪自然去咗第樣嘢。

22. Last but not least，in case 有人問，背景當然係小朋友相。但唔係我嘅小朋友。朋友嘅相啫。而我電話係off notification的，人生美滿之路。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［歐超聯夭折］美資仲唔走佬？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

快補兩句：嫌之前篇文（https://fbook.cc/3OtT）太長又冇乜組織嘅（的確，但同歐聯差不多，咁多年都係咁，你咪又係咁睇，「有冇更好選擇丫」），睇呢篇，短好多，清楚啲。唔講前因，只講後果，做定大預言家，到時記得大師冇點你，you heard it first from Ivan。

1. 當好似歷史題咁，遠因，近因，導火線。歐超聯固然反映咗歐聯或歐洲足球咁多年積落嘅好多矛盾，而疫情下好多球會莫財，亦令佢地更加想去做呢個魔鬼交易，同歐足協反枱，甚至畀球迷鬧。

2. 但背後仲有一個好重要嘅因素：美國佬。

3. 固然足球「商業化」咗好多年，但真正走上國際（即係，美國）視線，都係近幾年嘅事。證據唔少，但例如你睇Financial Times Economist 之類，都係近幾年先多咗好多體育報導，甚至FT搞咗個Newsletter

4. 英超已經有唔少球會係美資班主，意大利嘅AC米蘭亦都係（我偏見覺得正因為咁AC米蘭先有份做永續創會，亦令我覺得非常搞笑，完全係圍威喂自己洋基鄉里有計傾），另外基金其實直頭想買起成個意甲（好似未傾成），德甲都有人傾。我理解今次「新和聯勝」嘅最大推手，正係美資班主嘅幾間會。背後出錢（借住先咋）利誘各球會嘅，亦係美資銀行JP Morgan．一入嚟就有錢派喎，幾好

5. 留意，至少在呢刻，再講一次，買球會絶對係幾搵笨嘅生意，冇乜錢賺，轉手亦不見得拎到幾多錢。球員身價水漲船高，但球會就好似唔係。當中皇馬巴塞收入少過維他奶呢啲故事，講過多次。

6. 咁但存在即合理，啲班主買波搞波，嚟嚟去去都係嗰啲原因：富豪屎忽痕當玩具玩啦（華倫西亞？），保平安啦（車路士？），中東油國洗白啦，班主買影響力啦，之類，一般都唔係為咗好賺錢（當然，唔好不停要佢注資）

7. 之但係，近年嘅美資，似乎就唔係諗以上嘅嘢，係真係諗賺錢走嘅。點搞呢？開頭以為都係冇乜想像力嘅，在美國推多啲人睇波啦，賣多啲波衫啦，引進美式（？）管理文化啦之類。

8. 近年都見到啲尾巴開始露出嚟，就係將你歐洲呢啲體育，「美式化」，變到NBA NFL咁，集體談判，大聯盟，唔使天價轉會，冇降班，薪酬上限，保護班主。

9. 亦講過，弔詭嘅係，呢種咁「左膠」嘅玩法，先係最保護班主。歐洲嘅法玩反而似資本主義。矛盾？不。你諗下「完美嘅資本主義」下，競爭無處不在，大家都只能食一個好低嘅利潤，其實同而家歐洲足球生態差不多。反而你有保護，好似俄羅斯墨西哥啲寡頭，咪搵得多錢。唔好以為「資本主義就班主富貴」。

10. 結果，似乎明顯係功敗垂成，計錯數，或者高估咗自己嘅能力，低估咗歐洲足協嘅實力，乜都好。呢鑊嘢輸到直一直，固然歐洲足協繼續會畀人鬧，亦可能會有啲到喉唔到肺嘅改革，但已經係另一回事，同美國佬無關

11. 下一步點做？當然係，走人。

12. 既然顛覆呢個制度不果，發財大計計唔成，我亦睇唔到未來幾年有可能重推，咁正路當然係想走人了。

13. 只不過，邊個接手先？美資用一個「賺到錢」嘅價去買，仲要係pre 疫情價，而家大家知「賺唔到錢」，後疫情價，仲要明知你想走，當然壓價。就睇美資肯唔肯平價蝕本走了

14. 所以結論：美資點都會想走，但走唔走得甩係另一回事。至於可以見到嘅，就係啲球價估值進一步跌。而應該冇乜新嘅美資會敢入場。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝