社運真係一盤生意，好多人想響入面撈油水。
近排聽到一單，有人想搞一個黃色經濟圈手機平台，類似係要黃店簽約章，要承諾五大訴求，要表態支持示威者之類，如果想再多d 認證，即係好似童軍考章咁，你俾免費學生餐、派水派物資、派裝備、有遊行時會放人入黎避難等等，又可以多幾個 batch。
同時要承諾店內唔可以播 cctvb，同埋要約束員工，唔可以俾佢地講出一d 反對示威者嘅言論。
消費者又點呢？ 係可以免費用呢個 app，但如果你想有discount 呀、訂位服務呀呢d top up function，就要俾月費。
聽講佢地仲會實行「篤灰」、「公審」機制（佢地真係用呢兩個 terms), 萬一有消費者不滿意呢間黃店，就可以用手機 app去平台度 「篤灰」，萬一解釋完都唔滿意，就會掉出黎俾大家「公審」。
係咪好得人驚？ 香港人出名多西客，特別係而家去到杯弓蛇影嘅環境，真係唔敢想像會有幾恐怖。 同文革真係相差無幾。
好喇，搞平台，要寫程式要 contact 咁多商戶又要宣傳，當然要錢，響邊度黎呢？ 佢地有個「天使集資計畫」，target 係一百萬，每位有份投資嘅人都會成為公司股東。
我唔明點解要用藍屍成日講嘅「天使」作為呢個計畫嘅名。
究竟佢地知唔知呢隻字而家變左咩意思？
講返撈油水，會員月費第一個月係會捐出去，之後仲會唔會捐？ 無講。
成個團隊頭 3 個月唔收人工，之後半年會每人收 1萬，再之後半年跳到去每人二萬五，下一個年度就收返正價 （不高於市場價值，至於根據邊個價值就見仁見智，文員同專業會計師個 range 都可以好大，大家自己諗）。
仲未計分紅之類。
我贊成做左野係要收人工，不過條數要點計就要睇清楚。
我唔鐘意成個 presentation 嘅原因係佢用d 字眼好黑人憎，本身要黃店去做好多同食物產品或服務質素無關嘅野去鞏固黃店身份已經好離譜，仲要有「篤灰」、「公審」機制等於係搞死佢地，我唔係話做得唔好唔可以投訴，但監察黃店唔駛去到公審，咁樣同白色恐怖有咩分別呢？
成件事我係聽返黎，無睇過份計畫書，聽講班人11月已經搞呢壇野，唔知有幾多人夾左錢，我覺得唔好因為自己唔可以上前線，幫唔到太多忙而去用捐錢撫慰心靈，拎錢出黎都要用得其所，唔好俾「黃色」兩個字埋沒理智，停一停，諗一諗究竟係咩一回事，亂咁拎錢出黎，幫唔到手足之餘，可能仲會搞爛成個運動。
