話說小弟同心欣係識於微時，I mean，我細細個就睇心欣做節目，兒時偶像絕不為過。然後，小弟2012年寫欄無耐，就喺4蚊第一次推介 #2382，10年升咗50倍咁啦，推完過咗幾日（或者一排），心欣就唔知點解聯絡我，大概係打個招呼，話我知佢係股壇前輩，大膽𡃁仔，踩場！(講笑😜）
大約又過咗幾年，我離開蘋果，好快就收到心欣電話，問我有無興趣做dbc嘉賓，心諗寫欄都寫咗幾年，講股票又有幾難？點知，做完第一集，嘩X，咁難嘅，present唔到嘅，赫然發現，我只係個文字L，口技零蛋，心欣直情係好十萬八千里，但難得又無炒我，如此這般就做了大半年。
及後，小兒出世，我餵奶、寫書以外就無嘢撈，心欣不嫌小弟講嘢悶過石像，又開個Tasty 急症室畀我做醫生 (可能覺得我似程志美？嘻) 。一星期一集，幫觀眾救倉，但結果多數係手術成功，病人香咗，好似仲包括永遠榮譽鍾小編個私己倉，老尷非常🙃🙃。View數自然也是慘不忍睹，不細表了。
又過了一年，「魏Sir，不如你exclusive幫Tasty，一星期五日，如何？」view 數die，佢唔mind，日日幫觀眾跟進推介，心欣最buy，呢份初心，永誌不忘。摺咗間急症室，改做Power，力也(同酒樓改名重新經營一樣)，不過多了美股，多了IPO，初期CCASS、ETF、通告，能講盡講，唔識都自學再扮識咁講(未走點敢講呢句🥲），直至2021年6月30日。
在Tasty呢四年，應該講咗我之前30幾年嘅總和再乘百九幾次方，印證了一句，唔識唔緊要，不要怕，dup低頭九衝，撞牆九千次後，可能會發現一條出路，炒股如是，講股，亦如是。
當然，要有人畀機會，仲要係三次。
心欣，再次衷心感謝，知遇之恩，銘記在心。
dbc美股 在 綠角財經筆記- 美股代號DBC的Invesco DB原物料指數ETF ... 的美食出口停車場
美股 代號DBC的Invesco DB原物料指數ETF(Invesco DB DB Commodity Index Tracking Fund)，成立於2006年二月3日。追蹤DBIQ Optimum Yield Diversified ... ... <看更多>