關於 cold call獵頭 ，我們在網路上蒐集到這些相關的討論、資訊與評價

當初成立獵頭公司嘅時候自己有好多想法、構思，希望朝住一間非傳統運作模式嘅獵頭公司去做：想以人為本，無論係對求職者、客戶甚至自己嘅員工都要人性化，有好多想法譬如係逢星期五放假、最少25日假期、打完八號風球就唔使返工、成功做完一張單之後就可以選擇性放假及全行最好的Commission Scheme，即係沒有Target，同員工5/5分拆......當然仲有好多古靈精怪嘅想法，九月中搬公司嘅時候會開始陸續實行，因為真係要開始請人。

對求職者方面，除咗傳統嘅搵工作之外，我哋都有Career Coaching，仲有一個非常之靚仔嘅Referral Scheme，自己覺得除咗傳統的搵工平台之外，其實全香港所有人都可以做獵頭：介紹身邊朋友工作而又可以得到Referral Fee。

至於對客戶方面，我嘅想法係更加突破，有機會可以慢慢同大家分享，只係覺得如果仲係每一日打電話入去Cold Call Business Development其實係唔work的。

大家又有什麼想法嗎？

讀者們可以Follow我獵頭公司的IG，睇吓近期有咩合適嘅職位：FILLTUREGROUP

以下係一啲最近我哋搵緊嘅職位，有朋友歡迎介紹；想了解歡迎查詢。

野可以亂食，說話可以亂噏，但獵頭唔可以亂識。

常言道：娶個好老婆福蔭三代。除非我咬老軟，否則我覺得拍到一個好獵頭隨時比得上泊到個好碼頭。但相反如果搭上了一個差的，起碼衰三年。

以我的經驗為例，投行圈子很小，空缺本來就不多，但偏偏因為佣金高而吸引大量獵頭蜂擁而至，質素參差。尤其投行每個opening要求也不會低，競爭對手也不只限於香港，過九關斬十將是基本，至少見上五輪。行頭太小，每一個見工的機會只可能得一次，錯過一次沒人有空take two。

我見太多所謂獵頭只不過是走運從LinkedIn或上手已經outdated的contact list cold call到你，對你甚至個posting都一知半解。他們只會約時間，甚至約會也約得亂七八糟，之後跟進又甩甩漏漏，也不需說到為你爭取最大利益如此高層次，令你的努力付諸流水。獵頭的能力高低非常影響成功率。

幸運的我遇到兩位出色的，年紀相若更成為了朋友。從中我得知很多行內奇聞軼事，娛樂讀者；同時我也經常介紹好的同事給他們，一起成長。他們令我知道一個好的獵頭如果能洞悉該公司的內部文化，每一個interviewer的背景喜好都瞭如指掌，真的能如軍師一樣每步也運籌帷幄，找到心水崗位的過程也事半功倍。

久保縱橫職場多年，催成或見證了不少改變生命的故事，從中奇人異仕盡收眼底。從他嬉笑怒罵的文筆之間看到久保由衷的喜歡獵頭這份職業，把心放了進去。獵頭也是營銷，講金唔講心，人頭只不過是貨物；但如果你的獵頭真的只當你是貨物，那你的前途也跟貨物的包裝紙一樣用完即棄。

我跟久保是差不多時間開頁執筆，有一定的情意結，一直追蹤久保多姿多彩的獵頭事。到今天終於出書，再找來未出過書的小弟寫拙序，當然瞓身支持。

未必人人有幸能遇到久保這種從心出發的全職獵人，但至少大家可以從這本書窺探一個有心做又有心寫的獵頭的花邊日記。

書展見。

-一張Close唔到嘅單-

做咗獵頭咁多年，Close deal唔可以話百發百中都最少十拿九穩。自問口才了得，Offer擺喺枱面，我理性感性客觀主觀通通同你分析一遍，做你人生教練、事業顧問，呢邊搞掂個客再跟手搞掂個Candidate：個客搵到好人才、個Can搵到Dream Job，傻豬嚟嘅喺香港係冇Dream Job嘅，務求升職加薪平平穩穩朝九晚六準時放工返到屋企同家人一齊食餐晚飯就可以。自問依方面做得唔差，點都可以幫你升職加薪，唔會呃呃氹氹，氹你入局，呢啲錢賺唔過。好多人話我寫全職獵人係神化呢個行業，話我哋獵頭其實只不過係一個Agent，簡單做配對，交易成功等收錢。又有好多人對呢行好多憧憬，想搵錢想幫人想做一啲鍾意同人溝通嘅工作，入咗行之後唔夠三個月到此一遊就覺得：「嗯，其實我都唔係好適合做呢行。」講到尾雖然我哋係Sales，但我哋唔係做單向銷售，你買就成功你唔買就失敗，我哋係做雙向銷售，賣最難賣嘅一樣嘢：人心。人心真係好難估計。

我把口啷過油，sell乜都得，close乜單都可以，唯獨係我自己嘅書我完全諗唔到方法去Sell，呢一張單我完全冇信心可以Close。本書200頁，我用咗兩個月快工出細活，逐隻字逐隻字咁樣寫出嚟，小弟本書其實冇咩賣點，唔算平、又唔係出版社重點推介嘅書，只不過好主觀咁樣去寫出「獵頭」這回事。當然我自己對銷量好與壞亦完全係去到佛系境界，無慾無求。我亦唔會為每本書嘅微薄稿費而去Hard Sell，賺你幾蚊但俾你鬧足九條街，搏唔過。出書這件事純粹為自己興趣，係人生嘅一個Bucket List。

如果你响書展經過春華發行（攤位1B-E10)，見到我本書，做個樣都揭一揭本書，許可嘅話，可以揀一篇文章嚟讀，我本書記載左11個我七年獵頭生涯入邊我覺得最光怪陸離嘅事，可能你會話：「唓！你嘅獵頭生涯關我L事咩！」其實你又講得啱，我仆街賴嘢嘅事我估其實真係冇咩香港人有興趣睇。所以我都寫咗一啲如何整靚自己份CV、求職Tips、面試技巧、行內秘聞、何從入行等等比較Informative嘅雞精內容，希望用另外一個角度同各位讀者剖析一下呢個看似神秘但係又完全唔神秘嘅行業。本書好唔好睇就真係見仁見智，噚日我揸住本書約女神食飯，（係呀我仲未追到我嘅女神，又係另外一單Close唔到嘅Deal)，夜晚佢WhatsApp我，話本書好好睇佢用咗三個鐘頭就一氣呵成讀完，我好驚訝，因為佢平時都唔睇書，就算睇書都係一本書分幾日先睇得晒，我唔知係鼓勵說話定係真話，好似我之前咁講：人心真係好難估計。但係如果女神都用三個鐘頭睇完本書仲話好睇嘅話，我覺得我應該寫得唔差。

真係唔知道點樣去Sell我本書，我個page有15000人Like&Follow，經歷咗成年睇住我寫嗰啲咁膠咁七嘅事，仍然仲响度冇Unfollow我，我諗佢哋都算係一個忠實讀者，假設當中有三分之一人肯去書展（18-24/7）或者誠品、三聯、 中華與商務書店攞出＄98去買我依本書，咁我就已經好心滿意足。

學我話齋，我哋而家係雙向銷售，一個巴掌拍不響，久保需要你哋嘅支持，一齊去Close呢張單。個Offer已經放喺枱面，我唔會好串咁樣講：Take it or Leave it。反而我希望你哋用＄98去買一個成長印記，呢十五個月我哋一齊成長，我嘅故事陪你哋一路走過無數喜怒哀樂，當中你哋有人搵到新工爽YY、有人繼續留喺而家間公司原地踏步日日暗屌老闆。你哋每日都面對緊一啲仆街老闆、雙面同事，我本書入邊嘅每一個角色可能都係你哋每一日會面對嘅人，每個人心目中都可以係古天樂阿基、Big4 Hayley、HR Gloria、Recruiter Kaylen。係時候做一個總結，揭一揭本書，買佢返屋企，閱讀，留念。

最後多謝皇冠出版社嘅伙伴無條件咁樣去支持我追夢，尤其係編輯阿青，識到你呢個朋友，我真係無話可說。

我本書名叫：全職獵人-獵頭公司奇情實錄

Say your dream.

久保

《爸不得回家》影評
「莫忘初心 方得始終」
(含劇透，套戲未正式上，慎讀）
—
—
—
　　佛家有句說話叫「莫忘初心 方得始終」，我成日都會問自己，究竟我生存於呢個世界係為乜呢？因為我覺得如果答唔到自己呢個問題，我不如死左去，做隻行屍並無意義，答案就係你生存嘅原動力。呢條問題個個人嘅答案都唔同，可能為家人，可能為情人，可能為掌握權力，亦可能為左向社會發展貢獻自己嘅才能。而《爸不得回家》，其實就係一個講緊「初心」嘅故事。
—
　　動機可以好純粹，就好似謝拉畢拿所講，我為個家庭貢獻左咁多，每日打咁多COLD CALL去拉客，甚至經常不擇手段去賺錢，犧牲別人去成全自己，做到天昏地暗，點解我老婆仲會唔滿意？無錯，為家庭付出呢個動機當然係好崇高，好值得我地去欣賞，但動機一旦與現實接軌，就會變得好複雜，甚至扭曲。
—
　　就例如，男主角明明想為頭家努力，想家人過更好嘅生活，但實際嘅行為偏偏就只係當屋企係酒店，與妻子的生活交流只在床上，唯一的接觸係扑野，完全唔傾計，經常同老婆因為小事炒大獲。為左頭家好，而最後令頭家唔好，咁樣唔係好唔MAKE SENSE嗎？但卻係超級常見嘅事。
—
　　當你番工番左成日，攰到爆仲比家人催你飲湯，催你執屋，催你倒垃圾，催你早D訓，催乜催物嘅時候，你個人的確會好躁，甚至直接會話呀媽老豆好拎煩，自己番工都咁辛苦了，仲要比你催生曬，知唔知我幾辛苦啊？等等。
—
　《爸不得回家》想講嘅係，無錯社會有時會好變態，你唔使橫手，你個對手就會出招陰你，跑唔到數就升唔到職，所有野都係功利至上，甚至你與人交流講嘅每一句說話，都係算到盡，到處都係競爭。而你唔係耶穌，你絕對唔會改變到呢種情況。
—
　　而將社會同工作情緒帶入家庭亦都極平常嘅事，例如男主角因為太忙，而分唔到身比家庭，「爸」不得回家；同老婆嘈交嘅時候，發揮「獵頭人」本色，甚至會講一些好傷害人嘅說話，將家庭主婦對家庭嘅貢獻物化，認為老婆無「市場價值」，自己好威，老婆無用等等，大家又試過嗎？
—
　　自己面對這種經歷的經驗著實不少，好多時人都會將工作情緒施放與身邊人嘅相處之上，令人好心酸。但個重點係，你努力工作原是為了家人或更好的生活，點解去到最後會「本末倒置」了？講到尾，都係因為社會有太多因素SIDETRACK左我地，令我地唔記得左本來我地想要嘅係乜，家同歸宿究竟係邊度。
—
　　而兒子嘅急性淋巴白血病，其實只係作為電影嘅TWIST，令爸爸可以拾回為家庭拚搏嘅「初心」，令謝拉畢拿發現原來家庭同事業可以一齊兼顧，你未必再做到最TOP嘅TOP SALES，但你仍然搵到兩餐，可以同老婆一齊SWEET SWEET 睇戲，仲能夠同時去做一個好爸爸，BBQ大結局。
—
　　咁係現實呢？係咪人人都一定要「唔見棺材唔流眼淚」？現實中的癌症殘酷得多，可以無啦啦帶走你親人嘅性命。人生在世，時間有限而慾望無限，就算比你升左做總經理，取代到女強人個位，你都係要每個月跑數，「由零開始」，場仗永遠唔會完。所以唔好將全部心思放係追名逐利之上，因為咁樣並唔值得，你跑左靚數咁耐，艾德都可以因為你嘅一個小慷慨而一野炒左你。
—
　　所以都係老土咁講句啦，記番起你遺忘左嘅初心，咁樣你先可以再次成為一個完全嘅人，唔好再擺錯FOCUS。番屋企啦，家就係一個會令你真正開心無負擔嘅地方，就算比你追到QUOTA，你都要即刻愁下個月筆數，但屋企唔係呀，就算你做得幾唔好都好，只要有心去改過，家就是一個永遠會包容你接納你嘅地方。
—
Movie Express電影速遞