《政治化招聘》
辦公室政治乃人之常情，甚至會蔓延到招聘上。
近日我收到個客戶來電，想請一個資深的 Senior Finance Manager，循例我都會問客戶這個職位的背景資料。一問之下得悉原來這個是 new headcount 的職位，我就好奇問多句：「疫情下貴公司都竟然仲有 budget 請一個 senior 位嘅？」客戶就說：「其實呢個職位係政治化下的產物。」
原來客戶本身係一間家族生意的公司， CFO 平時經常都直接對住 CEO 受氣，好似無論做咩都唔合 CEO 的心意，CEO 亦經常當眾怒罵他。於是，佢就把心一橫決定請一個 Senior Manager 返嚟作為中間人，隔住兩個 C-level Executive ，避免經常開火。但同時矛盾地，該 CFO 又唔想新請返嚟的 Senior Manager 越權取代 CFO 的職責。一句講曬，要請一個無機心的和事佬。
對於這些職位，其實經驗、資歷 match 的 candidate 為數不少，但往往聽完我講以上的故事後，好多都唔願意成為磨心，驚一唔小心就「順得哥情失嫂意」，齊齊攬抄。作為獵頭，搵這類candidate 時候就要特別小心，唔可以單靠 CV 去篩選，要真係花時間逐個 candidate 傾起碼一個小時先斷定是否適合，符不符合客人聘請該職位的原意/目的，否則隨時得失客人。
當然凡事總有兩面，雖然這個職位的招聘十分政治化，但另一個角度去諗係一個可以同時直接接觸兩個 C-level 管理層的難得職位。講真，每個招聘的職位唔多唔少都有 hidden agenda。好的獵頭就會同 candidate 好好溝通「打定個底」，到 interview 的時候都會識得就住去問，避免誤踩地雷。
讀者們，你們有遇到這種情況嗎？
HR們，如果你們遇到這種情況，如何喺面試當中和求職者講述這種情況？
請留言分享。
最新職位空缺，請follow IG: Fillturegroup
#全職獵人久保
#Fillturegroup
cfo職責 在 彭博商業周刊/ 中文版- 【即時頭條】Twitter CFO擔綱營運職責 ... 的美食出口停車場
【即時頭條】Twitter CFO擔綱營運職責年薪過千萬Twitter公司為現任財務總監諾託(Anthony Noto)大幅提高薪酬，以便讓其在境況不佳的社交媒體公司承擔更大責任。... ... <看更多>