Search
「湯煲」，我平時就係用呢個buffalo煲湯，因為我屋企有7個人，所以要用到10L ge size，呢個煲好好用，幾重手，有厚度，導熱均勻，保溫佳，我試過下午4點煲滾湯熄火，到6點幾7點再飲，個湯仲係超級熱！雖然佢厚身，但用電磁爐都滾得起d湯料，鍋內用左珍珠拋光技術（我都唔知係咩），總之就係話唔易痴底，我用左幾個月，1星期煲2-3次老火湯，豬骨、牛骨、魚都煲過，無痴過底！鍋邊無凹凸位，唔易藏湯渣湯油，好好洗！我係來來買，8舊水有找，好似仲有會員價，抵玩！😀😀😀
休漁期要買到小魚煲湯比較難，間唔中係沙梨頭街市會有獅頭魚買，小朋友飲小魚湯好，所以每次見到1定買2斤，煲出黎ge湯好鮮甜，小魚湯仲可以配茨實同淮山煲，健脾！😀☝🏼️
材料：
獅頭魚（2斤）、洋蔥（1個）、紅蘿蔔（1條）、番茄（2個）、薯仔（1個）、薑片（幾片）
做法：
獅頭魚洗淨，瀝乾水份，下油鑊2面煎香後隔油備用。（油鑊落d鹽黎煎魚會無甘痴底）
湯煲下薑片煲滾水後落魚，滾後轉中火半個鐘，之後熄火，用隔渣隔去魚骨。（我唔鐘意用魚袋，1般都係先滾左魚湯，用個大兜同埋大隔渣將成煲湯倒哂出黎隔渣，隔渣我用buffalo雙層個隻隔渣撈，好鬼大個的，個柄又好長，側面又有2隻耳仔頂住，正！來來有得賣！）
湯煲用水清洗下d餘骨，之後將湯倒回湯煲（呢度可以再隔1次），煲滾後落哂其餘d料，湯再滾就轉小火煲45分鐘，煲好後魚湯會有陣閃閃地ge野，用油隔隔左佢，調味熄火，完成。
