講開又講 其實而家好少會出街
係因為朋友生日而出咗去一陣
其實經過蘭桂坊都心驚驚
本來其實唔係去哩間酒吧嘅
但果間竟然早咗好多就收咗工
誤打誤撞去咗哩度
我一直都想去 但之前比較多人
疫情影響 去到無乜人
Btw 生日快樂🎂DON
#新藝術風格 好少有人知係乜，讀過Art嘅，有睇過美術史嘅人，都應該有睇過19世紀後期至20世紀初期，時間大約從1880年到1910年跨度近30年嘅新藝術運動 (Art Nouveau)，新藝術運動嘅思想主要表現喺用新裝飾紋樣取代舊嘅程式化圖案，受英國工藝美術運動影響，主要從植物形象中提取造型素材。應用於家具、燈具、廣告畫、壁紙同室內裝飾中。哩段時間係畫波希米亞風 (Bohemian Style)，而我最鐘意嘅畫家係捷克藝術家慕夏(Alphonse Mucha)💚
而另一位都好欣賞嘅係新藝術運動中美國先驅，就係Tiffany 創始人之子，珠寶世家嘅第二代接班人Louis Comfort Tiffany。佢真係一個多才多藝嘅鬼才！近乎全能嘅美國藝術家、設計師，主要係做裝飾藝術，擅長以染色玻璃 (Tiffany Glass)，1902年佢正式成為而家大家都認識嘅珠寶首飾品牌Tiffany嘅首任設計總監。
喺巴黎學習繪畫期間，佢被巴黎聖母院嘅彩色玻璃深深震撼，從而迷戀上咗玻璃畫設計，1885年開辦咗自己嘅玻璃工坊，因為現有嘅玻璃技藝無法滿足佢精細要求，於是開始研發新玻璃畫技巧，發明創作咗「銅箔法」同「乳白玻璃與發熱玻璃」獲得製造技術專利，打破咗歐洲沿用千年嘅玻璃畫技法。於技術創新嘅基礎上，Louis終於可以肆意發揮自己嘅繪畫天賦，製作出玻璃畫成為咗新藝術運動重要代表作，各式各樣大自然生靈栩栩如生地展現喺玻璃之上，處處充滿生機活力。同時佢仲設計咗好多玻璃燈罩，利用光嘅折射，展現出玻璃畫嘅千變萬化。隨住佢嘅名聲越來越高，被委託喺白宮及古巴總統府同美國最富有家庭家中設計彩色玻璃窗同天花板。
其中一個代表作係「Dragonfly lamp」，以蜻蜓作設計元素，存世枱燈多以銅為底座，底座卻混合罕有嘅馬賽克與銅而成，新藝術風格多以彎曲線條或曲面為設計主軸嘅工藝品，底座由藍綠色馬賽克與銅製成，配藍綠色燈罩，蜻蜓就好似喺藍天綠草中飛舞咁。
留意返一點係原有嘅Dragonfly lamp係再靚好多嘅～
而大館Dragonfly係由澳洲室內設計師Ashley Sutton所設計，而佢第一份學徒工作係同玻璃有關，所以於紐約時花咗好多時間去研究Lewis Tiffany。酒吧空間雖不大，但勝在環境周圍每個角落都夠精緻🍸 以蜻蜓爲主題，非常欣賞Louis Comfort Tiffany喺彩繪玻璃哩門藝術上作出傑出貢獻，以表示深切致敬佢把室內成個天花都係用咗哩個綠松石玻璃燈飾，以及地板同餐檯上鋪滿咗馬賽克拼貼圖案；而中央嘅巨大蜻蜓展翅雕塑，創作靈感係來自在首飾領域中達到巔峰作品法國藝術家René Lalique設計胸針「Dragonfly Woman」，做咗放大版落酒架度視覺效果相當震撼，19世紀嘅古典味亦都好強烈！香港幾間熱門酒吧：Dear Lilly、Ophelia、Iron Fairies 以及 J.Boroski都係佢嘅驕傲之作。
雞尾酒由調酒師Brent主理，全部都以藝術家而命名，我其實唔係去飲酒😂 係去欣賞環境細節... 唔只去打卡咁簡單，係要連埋啲設計一齊睇先會有欣賞嘅價值。
#帶住豬咀去酒吧真係第一次
#帶住豬咀其實真係唔洗化妝
#難得無乜人影返張相留念
打咁多字並唔係廣告 (無錢收嘅🤷🏻♀️)
而分享下我以前修美術🎨做會考功課時所睇返黎嘅知識
bohemian glass 在 130 Bohemian Crystal and Glass ideas - Pinterest 的美食出口停車場
Sep 7, 2019 - Explore Namir E Kosmo's board "Bohemian Crystal and Glass", followed by 367 people on Pinterest. See more ideas about bohemian crystal, glass, ... ... <看更多>
相關內容