【終於有新片】及......今年一點心聲吧。
話說呢個page已經係無聲氣到摺得，只因今年好忙（但忙又係好事），因為我正正式式係有長工都唔返，全職炒散一年，所以手停口停。由於過往經驗尚多，咩都試過，樣樣話專唔專，話Green又唔Green，卻兜兜轉轉離不開Media，機緣巧合下，開左間公司仔，亦感恩找到貴精不貴多的核心團隊，一起合作接不同的工作默默做（循例多謝每個單位！）。有人勸我「高調D宣傳下公司D野拗下撈至係嘛」，但呢方面仝人都傾向保守，認為需要打好根基至好高調啦，最唔想做到吹到大一大但其實埋位便知無料到個類人／公司！想講嘅係，托瀨年頭至今都密密做（甚至捱到病），以至少了很多時間Keep住Update個Page，而我知Facebook運作係當你Idle了一排（以及當然係無比錢佢啦下），自自然然Content幾好都無咩人能接觸到，亦因為呢個Cycle，令我少左動力令呢個Page 好活躍。
來到年尾，趁有少少時間，終於拍多一條片（ 上一條已經係年頭日本Vlog）。今次普普通通講下全年有咩Products 要比Like，有咩中伏買左就蝕（話哂年中無論試用還是自購的產品都不少，好就讚，唔好都坦白下等個 Product 多個用家意見也好）。
未來呢，我都希望盡量抽時間拍下片，呢個Page 就再度下點玩或者點變化下啦！循例都多謝大家一直支持先，我知有D讀者係電台時期儲落喇！Thank you so much ！年尾喇，係Review 時候，所以少有打左篇口水文。希望各位2017都算做不過不失！
宣傳易：任何Production 製作拍野前期後期度橋一條龍又得歡迎洽談。另誠徵 Motion Graphics 精。歡迎Inbox。
