醫生轉病人- 入廠記1
我咁大個人有記憶已來第一次住院。由急症室到上病房係1小時內。入病房到做E-OT緊急手術係6小時內。
係咩事就唔講啦，總之而家喺鬼門關大步攬過，人冇事Lu。先大家多謝關心。我個日起身如常咁返工， 起身嗰陣完全冇諗過原來我今日會差D死🤣。11AM覺得唔妥，但係死頂到夜晚放工，自己前後揸車揸左個半鐘。卒之捱唔住去急症，要拿拿臨做手術。
如果你有入過醫院，請唔好再讀落去。你一定覺得我好低能。😅但係我真係托賴不嬲好健康，所以好多嘢好低能地好新鮮🤣。
1. 急症室嘅姑娘超級好要讚揚下先。我俾個MO做緊個(unnecessary嘅)檢查，痛到喊。呀姑娘即刻俾隻手我係咁練住。諗番都唔好意思，係望冇整瘀你😅。
2. 做醫生咁耐，幫病人打Hep Block/即係圖中手上靜脈注射個粒豆就打得多，自己真係第一次打。仲要你知啦，而家係第一水Houseman，佢淨係做咗兩個半月醫生，點都有D驚。好彩我條Houseman's vein大大條，同埋佢打得中，原來係唔痛架😱！嗱我做Final Year學生個陣，大家同學仔互試打豆，當然佢打唔中我，痛到呀媽都唔認得！個傷口疤痕幾年先退。
3. 呢個Ward我N年前做過Houseman，記得番D MO名。我有同學仔喺度做，所以On-call嗰個都特別Nice，衰豬前衰豬後。都幾窩心☺️⋯⋯But下一句就係衰豬要開（OT）喔⋯⋯😅
3. 原來吊IV水隻手係好凍。同埋吊糖水Glucose有少少La。冇吊抗生素，唔係應該仲La。
4. 等做E-OT係好痛苦。唔係淨係身體痛，而係雖然你係緊急，但係如果有個症緊急過你，你就要再等下一個。本來話我係排第二，但係等下等下話有個趴左我頭。呀姑娘仲好好成日Update我。「你X-Match就得啦」「你係下一個」「呀你係再下一個」… 加埋要Lung住個15分鍾要度一度嘅血壓機，根本冇得瞓。
5. 跟著自己理性Vs.胡思亂想嘅我開始打交。即係一隻天使同一隻魔鬼企係你左右膊頭，自己喺度傾計咁樣樣：
👿 「點解咁低能拖咁個鐘先去急症。都話doctors are the worst patients!」腦入面回響着診所姑娘一路鬧我嘅聲、叫我去急症嘅聲，喺度多謝你哋。🙇🏼♀️🙇🏼♀️
😇 「OK終於Admit左，咪好囉，冧BP都有人會即刻知啊！」
👿 「呢個係Classic Textbook死得人嘅Diagnosis，低能爆，你之前Denial乜鬼～～～～」
😇「好快有得做手術，做咗咪唔使死囉！」
👿「OMG I'm gonna die!!!!! I will never see my family again!!!! 天妒英才！！！OMG我冇寫遺囑！」
😇「OK唔好發癲住，好快OT搞掂啦。反正全身麻醉GA你過左幾多個鐘都唔知架啦！」
👿「OMG I'm gonna die on table!!! OMG they will insert foley 插尿喉 好X痛！！！OMG I'm gonna be naked and everyone can see!! Omg my belly is so fat 人地咪知我好肥囉？」
😇「全世界不嬲都知你肥囉OK？你驚到全身喺度震，自己又控制唔到，你快啲深呼吸同埋祈禱啦！」
👿 「XYX$@！！&」
下篇再講OT。
admit住院 在 admitted醫學中文在PTT/Dcard完整相關資訊 - 萌寵公園 的美食出口停車場
He entered the hospital (was admitted, was. | 住院英文-2021-05-04 | 萌寵公園過去式表示住院與門診時的情形（The patient was admitted ）. ▫ 在這情況下， . ... <看更多>