【全能之選？ Nike Phantom GT Elite AG實測】
.
今個星期，阿靴會同大家講講Phantom GT Elite， 一對延續Phantom系列嘅波Boot。兩至三年前，Nike推出了Phantom系列，當中包括傳控主打嘅Phantom Vision，以及射門鞋Phantom Venom。於上年度，Nike決定將兩款波Boot合併，推出Phantom GT系列， Phantom GT發揮會否如Vision及Venom合拼一樣？今日阿靴就會同大家深入講講。至於今次阿靴實測嘅Phantom GT，設計以當年JOGA BONITO鐵籠足球廣告蠍子標誌為理念，波Boot以銀色為主色，另外亦印上蠍子標誌。
.
Phantom GT Elite鞋身同樣用上Flyknit科技，特別嘅地方是Phantom GT所用的鞋面質料，摸落質感會有少許黏，而鞋面亦會有一粒粒突出嘅微細粒子，目的係為了增強Phantom GT嘅控球質感。Phantom GT亦用上側鞋帶設計，大大增大腳內側位置嘅觸球範圍，Phantom GT一如既往，鞋舌位置同樣用上襪套式設計，目的令波Boot更為舒適貼腳。至於釘底上，Phatom GT Elite足弓位置會較幼，而且只會於釘底外側出現，設計同樣令腳內側觸球位置變得更大。
.
經過實測及友賽，阿靴最滿意的是Phantom GT Elite嘅控球觸感，Phantom GT Elite沒有Phantom Vision嘅紗紙質感，取而代之係有少許黏的鞋面配以粒粒質感，而粒粒不會如Predator般突出。 不過阿靴亦喜歡Phantom GT Elite嘅觸球質感，加上Flyknit用料貼腳柔軟，以及波Boot內足弓位置沒有釘底，令觸球範圍變得更大，明顯地為控球帶來輔助。阿靴認為無論長傳及短傳，均可以更輕鬆將皮球控下。
.
長短傳上，阿靴亦感到滿意，短傳會是阿靴認為較為較出色嘅地方，受惠於特別設計的鞋面質料，傳送質感會屬於爽而且穩定，出眾嘅球感亦令傳送變得更得心應手。長傳上，力量感充足，特別設計嘅鞋面亦帶來到不錯嘅長傳球感，阿靴亦喜歡腳內檔嘅長傳，質感會較為急勁。
.
射門上，較大的腳內檔觸球範圍，帶來更清脆嘅射門體驗，加上Phantom GT Elite鞋面Flyknit帶來更貼腳質感，能夠較容易射出較漂嘅腳面射門。至於腳內檔射門上，特製鞋面加強到不少射門摩擦力，弧度亦會較明顯，力量感也會充裕，這一點Phantom GT Elite發揮相當出色。
.
盤扭上，縱然阿靴實測嘅Phantom GT Elite釘底屬於短圓形狀嘅AG釘，但於仿真草場上，速度感仍然充足，也帶來到不錯嘅爆發力。加上Phantom GT Elite包腳感強，阿靴亦滿意波Boot帶來嘅靈活度。
.
Phantom GT Elite的確相當全能。但有人可能會問到，Phantom GT Elite真係咁完美？答案當然不是，Phantom GT Elite新釘底設計雖然令腳內檔觸球範圍變得更大，但亦會令鞋身位置變得較窄，令到足弓位置受壓，所以初時穿著會有少許迫夾嘅感覺，不過大約一至兩場比賽後就能夠適應。
.
除此之外，保護性亦是Phantom GT Elite較弱嘅地方，畢竟大勢所趨，現時推出嘅波Boot普遍都較舊時薄，目的為了令波Boot變得更輕及貼腳。Phantom GT Elite亦不例外，而更輕巧貼腳嘅代價就是保護性較弱。
.
至於尺碼上，Phantom GT Elite鞋型會比正常長些少，不過阿靴會選擇正常尺碼，因為個人認為舒適度會是最好。至於鞋型上，阿靴會覺得Phantom GT Elite適合中腳形波友。
.
Nike Phantom GT Elite AG實測報告：
盤球：●●●●
控球：●●●●◐
短傳：●●●●◐
長傳：●●●●
射門：●●●●◐
舒適：●●●◐
保護：●●●
.
--------------------------------------------------
【屎波裝備多Instagram】Follow: instagram.com/hkfootballreview
【波Boot實測】Adidas X Ghosted.1 Indoor: https://youtu.be/LGFc_QJVnQ0
【波Boot實測】白飯魚: https://youtu.be/-dbvs0_YgiY
【波Boot比較】五對驚喜釘Boot: https://youtu.be/vzDRe25kkrM
adidas predator系列 在 講鞋- 碧咸係最入腦嘅adidas Predator系列代言人細數整個 ... 的美食出口停車場
碧咸係最入腦嘅adidas Predator系列代言人細數整個Predator家族，Predator Mania可算是最受歡迎嘅版本咸爺本尊着過唔少配色嘅Predator Mania，你又對哪一款配色最 ... ... <看更多>