【We've reached 4000 Likes!!】(少少長文慎入)
話咁快就嚟都去到第四季啦...呃呃吓就四千讚啦
PrideLab做吓做吓今年又好似做咗多咗啲嘢 ...
當中好重要嘅當然係成為 #香港同志遊行2017 嘅籌委之一
為咗紀念呢個歷史一刻，我哋設計咗呢幅圖然後做咗呢件深藍tee！
今年遊行主題色係藍色，呢隻深藍色係我哋精心揀㗎，正唔正先？
借少少位講多啲啲 #幕後絮語
👣 "Walk with Pride" 係今年大會英文主題其中一句。當大當家去做籌委嘅時候，怪叔叔完全唔知道佢做緊乜，然後大當家就話句英文佢有份諗㗎！點可以唔quote返嚟用！
🚀太空人喺與 #攣直後援會 嘅創作已經使用過，取其無分性別色相嘅元素，配合節目slogan嘅「直人一小步，攣人一大步」，今日更加係不分攣直，結合每一個人嘅能量先能夠促使改變嘅出現。
🌈太空人頭盔上嘅影像選嘅係香港同志遊行Google search 最多出現嘅圖片 - 巨大彩虹旗，你試過喺呢條彩虹旗下享受過 #RainbowShower 未？ 無就今年一定要一齊去感受吓
PrideLab喺2013年成立，當年我哋第1年拉隊參加香港同志遊行。
嗰年dress code係紅色，之後每年沿住彩虹旗嘅色順序，今年到藍色啦。
不如我哋一齊著住呢件衫拉隊去同志遊行，好唔好呀？
呢件限定紀念tee將會10月初開始進行【限時預購】。
定價$180，籌到嘅款項都會全數用於推動PrideLab工作，創作更多屬於我哋嘅聲音。
全義工團隊有再多嘅熱血，都係要搵到資源我哋先可以持續做落去。
我們盼望得到你嘅支持！！！
記得期待我哋下一步公佈預購消息！
