我細個時受英式教育，少年時住過溫哥華，因此北美同英式英語都可以講得頗地道。我近來接咗個project，需要用到英式口音。所以就算喺美國，我都轉咗用英式口音同人溝通。
但估唔到，竟然俾我發現到，原來美國人有個死穴：佢地一係好鍾意，一係好忌憚d操英式口音既人。
開頭我都唔係太察覺，反而係d朋友留意到，我改咗用英式口音之後，我地去到邊，d人都好似對我地好d咁話。
最明顯係打投訴電話。
我最近搬屋，講明係要white glove service ，中文叫做紅地毯式服務，即係搬運公司負責pack 晒我舊屋d嘢，分類裝箱，運去新屋，開箱，將物件，傢俬安置喺我指定位置，然後清走晒d 紙皮箱同雜物。
點知間搬運公司將我個job外判咗俾另外一間細公司做。間細公司竟然d箱未開晒，物件未擺好，雜物冇清理，就話夠鐘，雞咁腳咁走咗。
我當然好唔滿意，第日打電話去投訴。電話錄音叫我留言，我用美式口音留言，叫負責人覆我，結果等咗3日，冇人睬我。
我再打去，都係電話錄音。今次我改用英式口音，留同一段口訊。竟然，30分鐘後，就有人覆我。我要求佢地搞返掂d嘢俾我。開頭佢都想賴皮，話係外判公司既問題。我扯火，一輪嘴鬧到佢狗血淋頭。結果，當然係搞掂咗。
我收咗線之後，我朋友問我：你知唔知點解佢地咁順灘，應承幫你搞返掂？
我話：因為我好惡死咁鬧佢地囉。
朋友：梗係唔係啦。你估班友仔俾人鬧得少咩？更惡死都有啦。
我：咁係乜吖？
朋友：因為你果口地道Queen’s English囉。有d詞語連我都要load3秒先至get到。佢地俾你兇到d奴性都出返晒來，慄咗你吖。
我：吓？咁都得？
朋友：你唔記得美國曾經係英國既殖民地吖？你用女王口音，令佢地聯想到事頭婆，佢地梗係怕咗你啦。
我諗落，又好似有d道理啵。雖然我d女王口音唔係百分百標準，但兇班美國人卻綽綽有餘。哈！以後對付d憨居居美國人，要多d 事頭婆上身先。🤣😳🤪#QueensEnglish #英式口音 #美式口音 #女王口音 #whiteglovedelivery #紅地毯服務 #投訴 #死穴 #搬運公司
queensenglish 在 Queen's English Language School - Home | Facebook 的美食出口停車場
5-7 Kingston Hill, KT2 7PW Kingston upon Thames, UK. Get Directions · Rating · 5. (6 reviews) · 65 people checked in here · +44 20 7018 2552 · info@queens-english. ... <看更多>