話說尋日出咗個口罩套DIY版本，反應熱烈！好高興見到大家開始慢慢DIY口罩套，不過我就俾你地 #PM到頭都大埋，問咗一連串我以為唔需要解釋嘅問題！於是決定設計一款簡單啲嘅，並且出埋尺寸。希望可以令你哋嘅手工製作過程更加開心。
簡易版口罩套步驟：
1. 畫個紙樣；（圖一）
2. 搵自己鍾意嘅folder照個紙樣剪；（圖二）
3. 依住啲摺紋去摺；
4. 上下左右對接然後喺中心嗰度剪走一角，再喺側邊剪個三角。（圖三）
5. 完成！
呢個做法簡單，但係尋日嗰個就比較骨子，以你嘅聰明才智，應該知道剪走下部中間嗰個摺位就係尋日嘅版本。不過為咗個頭唔好再大，變咗大頭BB嘉，我都決定示範埋呢個合併版。（圖四）
其實DIY嘅嘢，尺寸係冇乜所謂嘅，大少少、細少少、闊少少、窄少少、靚少少、核突少少都得，最緊要自己做，同埋自己用得就手。
#何嘉麗callmegaga #何嘉麗 #疫中作樂 #口罩 #口罩套 #DIY口罩套 #我好鍾意做手工 #DIY #簡易版口罩套 #如果咁都唔明我都冇辦法
