Search
走咗去觀塘Angel & Devil食下午茶，都係喺網上睇人介紹嘅。去到，個場幾得意。梳化係棺材設計，不過坐喺度嘅人係唔覺嘅，喺側邊睇先睇得出係一張搞嘢嘅棺材櫈！
食物普普通通，但係以$300有找兩個人嚟計，性價比非常高。另外餐廳都好有心思，安排好多俾人影相嘅道具，有得掟飛鏢，仲有個好開陽嘅露台，我見隔離左右都玩得好開心！
咁就夠啦，有陣時食嘢都係食氣氛嘅啫。呢間餐廳，勝在開心。
#何嘉麗callmegaga #何嘉麗 #為食路上
#出街玩 #Angel&Devil
#下午茶 #HighTeaBoogie
食完hightea，起身走人，隔離枱位美女問我：今次有冇伏。然後好可愛咁用隻手指喺頭頂轉轉轉🚁。
話說上星期坐咗一輪免費直升機之後，我有個小小心願就係去視察香港大小high tea ！不過好多時候我諗嘅嘢，同行動都唔能夠一致。
但係我尋日就走去食咗一個high Tea。第一原因係VaBene，呢間餐廳當年喺蘭桂坊真係紅到發紫，爆到七彩，原來去咗又一城，當然要捧場。第二，就係啲人話佢個high tea正。
High tea上枱，每一件嘅size唔係好大，甚至可以叫做細！但係勝在種類繁多，而最重要嘅係好味，甜品尤其精彩。當然，更更重要係價錢非常合理， $298兩個人，另加一。對於呢個價錢，呢個品質，唔單止冇投訴，直情覺得佢爆燈。
所以，我對美女的回答係，冇，今次冇伏！啲直升機去哂救山火。
不過埋單之後，我又要去頻撲買其他嘢，因為要洗夠$600至有得免費泊車！
#何嘉麗callmegaga #何嘉麗 #為食路上
#HighTeaBoogie #又一城 #VaBene
#睇相好似冇乜人其實間餐廳爆到震
#廁所洗手液都用Aesop真係high卡士
#唔知廁紙係唔係皇冠紙 #Aesop
#今次冇伏 #為咗免費泊車買咗好多無謂嘢
尋日忽然口痕，想嚟一個high tea。於是網上搜尋咗好幾間比較靚嘅提供high tea嘅餐廳，可惜全部滿座！繼續努力！前後搵咗接近10間，都係滿座！都明嘅，因為而家疫情下嘅安排，座位係少咗。但係真係想食一個hightea，結果搵到喺石門嘅Marriott嘅Momo Cafe，兩個人連咖啡$358 ，唔平又唔貴。勝在有位。
去到見到偌大嘅餐廳，只得寥落嘅幾枱人，再睇埋個餐廳環境同佈局，忽然覺得頭頂上邊有直升機在盤旋，伏伏伏伏！都有少少驚中伏！
食物上枱啦，睇落幾趣緻！
結論係杯咖啡我沖得好過佢，另外食物方面又唔係唔好食，又唔係好食，價錢方面又唔係貴，又唔係平！最乞人憎係佢要消費夠$400先有免費兩個鐘泊車，咁佢個set加一，就差$7先至夠$400 ！如果因而另外叫其他嘢食，又似乎得不償失！結果自己俾泊車錢囉。
同樣價錢，我覺得係沙田Hyatt嘅coffee shop嘅high tea無論食物、杯咖啡同埋環境方面都好啲，車位安排亦從善如流，不過呢間就勝在有位囉！
#何嘉麗callmegaga #何嘉麗 #為食路上 #Hightea #Marriott #MoMoCafé
#Hyatt #HighTea #HighTeaBoogie
下午茶#HighTeaBoogie. 何嘉麗call me GaGa. 大約2 年前. 走咗去觀塘Angel & Devil食下午茶，都係喺網上睇人介紹嘅。去到，個場幾得意。梳化係棺材設計，不過坐喺度嘅 ... ... <看更多>
highteaboogie 在 掟飛鏢2023-精選在臉書/Facebook/Dcard上的焦點新聞和熱門話題資訊 的美食出口停車場
下午茶#HighTeaBoogie. 何嘉麗call me GaGa. 大約2 年前. 走咗去觀塘Angel & Devil食下午茶，都係喺網上睇人介紹嘅。去到，個場幾得意。梳化係棺材設計，不過坐喺度嘅 ... ... <看更多>