中大唔可以冇Student Senator，各位學院本科生研究生積極投票，5個學院候選人成功當選晒，我地可以突破10人大關，拎到教務會call會權！
【中大教務會學生代表選舉——10個討厭ELTU的理由 + What the fuck is 教務會？】
十個討厭ELTU/CHLT/ENGG 的理由
1. 「每個sem都『AR』住3 cred 。」
就算個course唔係3cred，1cred 2cred 都唔係人咁品，成日搞到我地好難砌夠18cred，變相每個sem都「AR」住至少一個3 cred course嘅quota……搞到自己同想reg嘅科永遠都有最遙遠嘅距離，相愛但不能上……潘國靈鄭思靈李智良姚松炎黃洪GordonMatthews關生嶽爺區家麟，都是可望而不可即的名字……
2. 「點解…點解唔比我exempt埋大中／英二！」
Exempt的人有福了！只要DSE英文有5*/5**就可以逃過讀大英一之劫；中文有５**就可以逃過讀大中一二之劫……但點解，點解唔比我exempt埋大英二！作為文學院的寶寶，你真係覺得我日日對住啲英文readings、個個sem寫4-6篇論文，會忘記點寫英文嗎？？你點解要咁諗我呀嗚呀……
3. 文學院大中二：「其實真係舊調重彈。」
文學院大中二：均真啲，啲邏輯謬誤，有人教下總是清晰啲嘅。不過課程嘅其他部分只係講番中學教過的議論文分析，講咩係論證、咩係論據、咩係演繹法，又要搵中心思想，其實真係舊調重彈。襄王你有心啦，但神女我真係無夢呀……不如你教香港文學好過啦。
4. 社科院ELTU 2020：「ELTU係教緊『阿媽係女人』嘅知識。」
對社會科學嘅同學黎講，呢個指控可能更為嚴重。因為好多所謂嘅英文skills，同社科學嘅野根本唔對位。例如關於academic essay，ELTU好似幫到睇重readings嘅社科人，但其實個lecturer不過教人響長文搵intro、findings、conclusion係邊，同埋寫嘅時候用formal language，真係廣我見聞。我一定係唔識locate intro啦～
5. 社科院ELTU 2020：「教嘅唔想教，學嘅唔想學……」
可能部份lecturer都諗過改善吓個課程。小編個位外藉老師，就曾經叫大家分享想學咩。所以成個sem以來，都叫做聽過兩首英文歌，學吓俚語同諺語。試過有文學院嘅朋友上堂，對住一位大中lecturer講：「跟syllabus學嘢真係好柒啊！」該老師坦言，自己都唔想教CHLT，只係聽部門命令，要跟住講書，唉……
6. 文學院大英三：「浪費時間。」
洗鬼你教寫CV，讀本Resume for Dummies已經好過你教啦～對上果堂，我竟然要用一分鐘去「學」，寫中大嘅英文全名（The Chinese University of Hong Kong）。我覺得果一分鐘，係我人生最漫長而沒有營養的一分鐘。
7. 醫學院大英二（醫科學士除外）：「重視D英文字「重音」係邊，多過「定義」係咩。」
對於希望從事醫護業嘅同學嚟講，真實環境根本好少用英文。香港地，有幾多間醫院用全英文溝通？有幾多個護士要用英文交待病情？固然，依個ELTU都叫做有心，特登開咗"medical vocabulary"依個部份，想約略教吓專業用字。但係，個lecturer都講唔清楚個字點解，又本末倒置，重視D英文字「重音」係邊，多過「定義」係咩，咁不如唔好教啦：）
8. ENGG1000 IT Foundation：「只係1 cred嘅course，但workload絕對唔止1cred!!!」
ENGG1000其實只係1 cred嘅course，workload 絕對唔止1 cred!!! 又要做excel表又要拍片，又要上網做exam。而其實果個exam的內容，抄完答案之後我已經唔記得晒了。
9. ENGG1000 IT Foundation：「話難真係誇獎左佢，話易又未必個個都識，唔上唔落。」
宜家學的東西，話難真係誇獎左佢，話易又未必個個都識，唔上唔落咁。有啲朋友想學啲advance嘅技術，例如Urban Studies嘅同學可能要學嘅電腦繪圖，就真係拋離呢個course幾丈遠。一個好啲嘅做法應該係，開幾個IT的course，例如拍片、Excel、整電子模型etc., 比同學揀，可以滿足同學的實際需要、又可以學得深入啲、又可以擺脫雞肋的位置，你話係咪呀哈姆太郎~~
10. 「上完堂，覺得生命少咗三個鐘」
全部堂都係計attendance，而且attendance唔過五成或者七成就會即刻肥佬你。加埋大英大中既種種九唔搭八、唔知學嚟做乜，大英大中榮登「每個禮拜曬鳩你我(包括同學老師)三粒鐘排行榜」榜首，每次上完，總會覺得自己生命少左三個鐘。大中大英作為畢業必修課，一旦有人稍一不留神，唔覺意走多左堂的話，唔好意思，我地下sem又要再見啦。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
十個討厭ELTU/CHLT/ENGG 的理由 - 我地可以點？
入得中大，相信唔少同學都對ELTU/CHLT/ENGG又怨又恨，但其實有好多方法可以改善，譬如改變內容、加多幾個course比同 學選擇啱自己興趣同需要嘅course、唔強制同學上。不過，呢啲嘢，如果係同學之間圍內UP吓，就難啲有改變，校方一樣扮聽唔到。
嗚呀，咁點_算呀！我唔想再比CHLT/ELTU強暴啦！
天無絕人之路，呢啲課程問題係由教務會處理嘅，呢個委員會裡面有學生代表為我地發聲。教務會係乜？佢掌握所有中大嘅學務嘅決策大權。呢個委員會旗下分好多個細嘅屬下委員會，包括「優化雙語教育委員會」、「體育委員會」等等。每年教務會學生代表選舉，都有候選人代表自己個Faculty參選，今年都唔例外。
學生參與呢個委員會係咪真係可以解決我地嘅不滿？沒錯！We can CHANGE！譬如Soc-Sci嘅代表張秀賢同學就令ELTU1001&1002取消左digital story！呢啲先係真．成功爭取！不過，我地都要有心理準備，在教務會內爭取改變唔係咁易。教務會入面，比盡12個學生代表席位都有人出任，在184個委員入面只有12個學生代表。此外，11個屬下委員會入面，只有4個委員會有學生代表。所以，first things first，我地要積極選鳩啲學生代表候選人上去教務會，佢地應該主動各我地disclose會議資訊，同埋一定要代表我地發聲，係會上要求校方改變呢啲U CORE及其他學務問題。必要時，民間（同學）需要組織行動向校方曬馬，爭取我地嘅訴求。Next，我地需要迫校方係果7個小圈子委員會加入學生代表。Oh c'mon，邊有理由通識教育委員會、體育委員會無學生代表？我地作為用家點會完全無意見？至少我覺得絕對需要加入瑜珈同hip hop比同學選擇囉，right man?
不滿大中大英都唔係第一日嘅事啦，但中大同學一路以嚟都冇咩行動去推倒呢一科，或者係因為校園內無咩抗爭風氣。想像下，如果我地將所有不滿組織起來，集思廣益，提出改善課程嘅方案，絕對有機會與校方惡政抗衡。千里之行，始於足下，路過票站就行過去同參選教務會嘅代表搭下訕啦，仲有記得趁聽日投票啦！
gordonmatthews 在 20220317 Gordon-Mathews—Hong Kong Identity - YouTube 的美食出口停車場
WebinarThursday, 17 March 2022, 19:00–20:30 PDT"Hong Kong Identity: Past, Present, and Future"Prof. Gordon Mathews, The Chinese University ... ... <看更多>