【溫故知新 - 技術篇】高波 (Crossing)
而家大家冇波踢，但當然睇下有關技術嘅片，分分鐘幫到你改善技術。版主會不定時分享下有關龍門嘅技術，幫大家溫故知新。
高波，係每個龍門必有嘅技術之一，但應都係易學難精技術之一。相信一啲未接受過守門技術嘅朋友較難掌握到。而高波嘅技術涉及幾點。
1.) 觀察 (距離感、空間感）
2.) 判斷 (幾時出，出定唔出，落點預判）
3.) 手法 (用咩手法接波、接完之後如何保護皮球）
4.) 協調 (跑動、步法協調，起跳動作協調）
5.) 力量 (起跳力量 - 大腿，核心肌群力量 - 空中平衡）
如果概括講Coaching Point，都會包含上述5個條件。
大家聽得最多嘅Coaching point一定係起跳時提膝及最高點接球。咁呢啲係後話，個波踢入黎之前仲有啲準備。可以略略分享下。
1.）身體方向
如果有留意平時接傳中波龍門嘅企位，佢地嘅身體多數偏向對住禁區，或者側側地向波。原因係因為當個波傳中嘅時候。你未必準確預判個波嘅落點，假如你身體完全面向足球，個波喺前柱落當然問題唔大，但假如落點喺你偏後嘅位置，你需要轉身搵波，同埋假如喺位置上就修正，就相對較難第一時間作出反應。所以會見到個波一飛去後柱，後上嘅球員多數都得手嘅原因。所以身體方向有別於一般面向個波嘅方法。補充多一點，雖然個身唔係直接對住個波，但你個頭頸係可以活動，對眼望住個波就容易判斷。
2.）準備動作
呢個準備動作關乎之後嘅起動及步法，所以下肢保持靈活，假如位置要修正或出迎，相對比「釘死」有更理想嘅移動速度及反應。
3.）判斷
要知道出定唔出，就要睇你嘅預判能力高唔高，以及你最高點嘅極限，加上個波嘅預判落點，不過要透過練習去搵到最理想嘅判斷。有最基本嘅擺波去感受一下，去到最後就可以做啲範圍大啲嘅練習。
4.）跑動及起跳協調
當你要知道要出迎，跑出黎就一定，如果跑動嘅步距過大，第一位影響起跳時嘅發力，變左跳遠，而唔係跳高。另外步距過大，當發現Over 左，就好難再修正，所以以步距較細嘅跑動，令自己容易掌握到幾跳點。另外起點嘅時候要涉及手、腳、膝，腹嘅協調。當幾個部位同時發力，起跳嘅高度會較高。令到你跳得高啲。
5.）騰空
當起跳嘅時後，跳起時盡量伸直身體，鎖緊腰復嘅核心肌群，不單止令你跳得更高，而且保持你喺空中嘅平衡度，當然係伸直你雙臂，而手掌形成平時嘅接W手。會令你去最高點更容易接實。
6.）落地
當你接到個波之後，喺空中轉用抱波嘅方法保護皮球。減低比對手抽水後甩手。另外落地嘅時候建議雙腳同時著地，減低單腳落地時踩用腳或窿位而受傷。而且雙腳落地時雙膝微曲，以減低膝頭所受嘅衝擊。
如果將高波練得好啲，都可以針對身體嘅訓練。
1.）核心肌群
最左最簡單嘅sit up, 另外平板臥撐都有助令你喺空中保持平行，令你腰腹鎖得更實。當然而可以用彈力帶去強化腰腹力量。
2.）大腿肌肉
最簡單可以以深蹲去強化你嘅肌肉，令到爆發力更強，另外波比跳更有效強化你嘅爆發力，而且將大部份起跳動作去練習。
3.）腳腕
腳腕係起跳同落地嘅第一點，如果腳腕唔夠力，會影響移步速度，以及落地時較容易扭傷。除左跳繩可以強化腳腕嘅力量，有時不妨試下多練習單腳平衡。因為當平衡嘅時候，腳腕附近嘅肌肉都會用力，令落地嘅時候冇咁容易傷。
以上係分享左有關高波嘅小小心得，藉著呢段時候去裝備下自己。希望大家睇完之後係有所得著。如果你有啲咩心得想同大家分享，都歡迎喺下面留言。鐘意呢段文章嘅朋友記得Like，將專頁專成「搶先看」同Share比你嘅朋友啦。
#高波 #crossing #Technique #Skill #Training #GK #Goalkeeper #Goalkeeping #守門員技術 #龍門手套 #Goalkeepergloves #溫故知新
————————————————————
【抗疫優惠】H3 Galaxy GK Gloves 8折優惠
性價比極高嘅龍門手套現貨8折優惠
詳情: https://bit.ly/3cAov0C
------------------
【技術解構】
Block Techniques 究竟同一般嘅封單刀技術有咩唔同🤔
詳情: https://bit.ly/2GDBuB1
------------------
睇盡全城最新足球消息及足球用品優惠
→ Soccer Fun HK IG：www.instagram.com/soccerfunhk/
→ Soccer Fun HK FB：www.facebook.com/soccerfunhongkong/
【記得將 Soccer Fun Hong Kong 專頁設定為 "搶先看/See First】
goalkeeper gloves 在 390 Goalkeeper: Gloves ideas - Pinterest 的美食出口停車場
Mar 25, 2020 - Explore John Ma's board "Goalkeeper: Gloves" on Pinterest. See more ideas about goalkeeper, gloves, goalkeeper gloves. ... <看更多>