【你不能不認識的羅文——十問（二）】
簡單介紹羅文之後，聽日就更深一步同大家介紹羅文，希望大家多多支持！
1. 當年香港吹緊日風，佢有無鍾意嘅日本歌手？
答：有，佢好鍾意西城秀樹（同梅姐一樣哈哈哈哈），羅文嘅歌例如《讓我奔放》、《好歌獻給你》都係改編自西城秀樹嘅歌。亦有人話佢好鍾意澤田研二，但係就唔太肯定，不過的確有人攞佢同澤田研二嘅表演風格對比，話有d類似。
2. 咁佢有咩出名嘅歌呀？
答：太多喇，《家變》、《幾許風雨》仲有家傳戶曉嘅《激光中》同埋《獅子山下》。70年代電視劇主題曲大行其道，而佢就係靠《家變》、《前程錦繡》、《小李飛刀》呢三隻電視劇主題曲而開始紅。
3. 咁佢幾時開第一場演唱會？
答：《羅文演唱會》，1978年，喺利舞台。果陣紅館仲未開架！當時有汪明荃做嘉賓，一個鐘頭d飛就賣曬。半年之後再開一個真係自己一個，無嘉賓嘅演唱會。
4. 咁佢有無喺世界各地開過演唱會？
答：有，美國、英國、加拿大都有！當年只係1979年。佢係 第一個 喺英國Royal Albert Hall表演嘅香港歌手。
5. 聽講佢有用組合嘅形式過台？
答：無錯，而佢嘅拍檔就係沈殿霞——肥姐。
1971年佢哋組成「情侶合唱團」，不過要等肥姐無戲拍先有得登台，其他時間就無咩嘢做。佢哋仲出左一隻碟叫做《沈殿霞 羅文 No.1》！至於點解叫「情侶合唱團」？肥姐就話係當年有個姓關嘅記者幫佢哋改嘅。「情侶合唱團」主要都係唱國語歌，其中一首佢地經常合唱叫做《一條橋》，特輯《肥肥繽紛三十年》同埋肥姐2001年嘅演唱會演唱此曲嘅片段大家仲可以上網重溫。肥姐演唱會佢哋合唱完呢首歌之後羅文更加忍唔住感觸落淚。肥姐安慰佢：「錫曬，錫曬！唔好喊啦！」。（文末有link可以睇翻）
肥姐話羅文出去登台嘅時候食唔慣當地嘅嘢食，淨係食肯食木瓜，翻到香港個人皮膚變左黃黃地色，笑死。
6. 其實佢真係做左好多「第一」！
答：無錯，除左係第一個喺英國Royal Albert Hall表演嘅香港歌手，佢仲係：
-第一個喺利舞台開個人演唱會嘅香港男歌手
-第一個係美國Lincoln Centre表演嘅香港歌手
-第一個公開全裸寫真嘅香港男藝人
-創作左第一套粵語音樂劇《白蛇傳》
-第一個喺大陸公開獻唱嘅香港男歌手
-第一個喺香港文化中心開演唱會嘅歌手
-第一個非日本歌手攞日本電視台《全日本歌謠選手比賽》冠軍
（其實仲有好多）
7. 佢有無好似梅姐哥哥佢哋咁樣告別樂壇？
答：有，1996年開完《羅文的光輝舞台》演唱會之後。
8. 咁佢有無收徒弟？
答：有，包括容祖兒同埋鄭伊健。 羅文仲有做容祖兒第一場演唱會《容祖兒美麗在望慈善演唱會》嘅嘉賓，一齊唱《問誰領風騷》同《激光中》（文末有link）。容祖兒嘅《最後一課》都係為左紀念羅文。
9. 羅文嘅最後一場演唱會係？
答：1999年《羅文俄羅斯創世紀音樂會》，同佛羅內斯交響樂團合作(The Voronezh state Philharmonic Orchestra) 。佢一直好想同管弦樂團合作，入左英皇之後同佛羅內斯交響樂團合作左《情繫佛羅內斯》呢隻唱片，聽聞當年係有一個香港人去左佛羅內斯做指揮，所以特別有意義。做完唱片之後就請佛羅內斯交響樂團黎開show。
10. 佢離世嘅原因係？
答：肝癌，離世嘅時候57歲。
如果羅文仍然在生嘅話，佢已經75歲。
第一頁相片：羅文《我的挑選》唱片封面
第二、三頁相片來源/版權：文化博物館
第二頁相片連結（左上角）：https://www.hkmemory.hk/collections/Roman_Tam/All_Items/images/201710/t20171010_86842_cht.html
第二頁相片連結（右下角）：shorturl.at/cqFHP
第三頁相片連結（左上角）：shorturl.at/jsyQ9
第三頁相片（Joey演唱會）連結（右下角）：https://www.youtube.com/watch?v=3IpmQju_Djg 【截圖】
參考網站：https://www.hkmemory.hk/collections/Roman_Tam/about/index_cht.html
羅文、肥姐《一條船》表演：
《肥肥繽紛三十年 》：https://www.youtube.com/watch?v=ZDoxNFZ9yIo
肥姐2002年演唱會：https://www.youtube.com/watch?v=6GMtUiz08qQ
70年代電視劇主題曲 在 70-80年代經典電視劇主題曲- YouTube 的美食出口停車場
袁麗嫦丨鱷魚淚丨1978麗的電視劇「鱷魚淚」主題曲 · 環星音樂/ 環星娛樂WSM Music HK ... 葉振棠丨浮生六劫丨1980麗的電視劇「浮生六劫」主題曲. ... <看更多>