近來好興 #400次咖啡，意思係做法要瘋狂攪拌400次，先至係完美。瑞幸咖啡都係「400次咖啡」，不過係「次劣」個「次」，成條數都係假嘅。最有趣係，中證監最近就發聲明表示譴責，仲話「雖然瑞幸咖啡雖然是在美國上市，但不代表不會在中國被懲罰。」呢份聲明，令我諗到一個故事，一個TBB式家族情仇嘅故事：
小瑞係家族嘅細仔，靠獨門沖咖啡手藝，成功幫家族開咗檔咖啡連鎖店。不過，有一日，個衰仔無啦啦走去同家族世仇做生意，「咁在商言商嘛，搵到錢理得佢啲家仇國恨呀。」奇怪嘅係，小瑞家族好似冇咩所謂，一句怨言都冇。
如是者…小瑞檔咖啡生意，順風順水…直至有一日，佢無啦啦走去仇人面前，拎住杯小瑞放喺旁邊，然後跪低，「我想同大家講句…對唔治…係！係我造假！係我錯！（左一巴）係我唔岩（右一巴）係我唔著（左一巴）……」每一吓掌摑聲，聲音響亮，明顯下下到肉…
此時，有人奪門闖入，大喝「衰仔！」然後一巴掌狠狠的摑上去小瑞，小瑞當堂倒下，當他抬起頭時，嘴角滲血。鏡頭轉向那衝入門口的那人，原來是小瑞嘅阿爺，再大喝，「你個打靶仔，阿爺點教你架，我教你做人做事，最緊要憑良心，講信任，唔可以偷呃拐騙，你係咪想激死你阿爺我先安樂呀？」此時，他提起拐杖，「我要打死你呢個打靶仔…」「冷靜啲先…會搞出人命架。」好在仇人一手捉住拐杖，否則相信小瑞當場頭破血流…
「你睇你個衰仔，你呃人，人哋仲幫住你，你話你將我哋家族面子放咗去邊呀。」
「小瑞阿爺呀可，我哋生意人，都唔係想搞出人命，做生意，最緊要均均真真…」「岩！均均真真！所以我要打死呢個衰仔！」如事者，小瑞走避，阿爺就追，仇人就截，當堂上演咗一場「拐仗爭奪閃避戰」。最後，仇人大喝一句：「夠啦！我哋會追究，但唔該唔好喺度搞咁多嘢。」
此時，小瑞阿爺都停落嚟，「好！果然快人快語，我向你保證，我哋對個衰仔，一定家法侍候！」仇人冇眼睇，於是揮手叫佢兩爺孫走。仇人嬲到唔識講，只講句「Fuxking coffee」
此時，兩爺孫離開仇人大宅，阿爺坐低，「衰仔，下次想著草，早啲同我講呀。跑到我個菠蘿蓋痛到死。」「爺爺，我頭先演技，有冇你一半水準？」「仲講，返去飲湯啦。」
by千頌C@堆填區
http://fb.com/winbigwok
400次咖啡意思 在 不加糖的400次咖啡 - YouTube 的美食出口停車場
韓國最近正流行400次咖啡，做法只需要即溶咖啡粉、糖、熱水各1:1:1就能打出綿密的咖啡奶泡，帶有焦糖的香，讓人著迷的滋味放入冰牛奶，是讓不少人都為 ... ... <看更多>