以下是Sky Sir 友好：棋亮撰文
上周令港股氣氛轉差的兩大原因，分別是澳門賭牌諮詢及恆大理財產品未能兌付。這兩個事件會否觸發大型危機，首先是前者，雖然幾隻賭股一周蒸發逾千億市值，但相比早前一隻科技股都蒸發逾萬億市值是小事。至於後者，一直提到向各方面輸出問題，會拖累很多行業，例如上周五就跌到內地金融股，擔心整個內房表現不好，會製造壞帳。然而，把其包裝成雷曼事件咁睇，出現一場金融海嘯的機會也不大，因為市場的流通性很高，而且經歷了2008年，各國政府及央行已習慣，做無上限拯救行動，流動性危機好難再持續很久。反而，市傳內地政府部門派人入恆大，協助其做手術，被其拖累的股票，如果跌得夠多，可以考慮下。簡單啲來講，黎緊一段日子，主要都係等崩盤，博風眼以外被拖累的個股。
話說上周五，收市後，市場傳出香港地產商收到北京提示，要支持北京利益，助解決香港房屋短缺問題。自2015年起，政府一直每年推地逾2萬個單位，但施工量則只有萬多個，去到上年只有1.18萬個，令未來兩三年供應大幅回落，有解釋指批地後，需要做前期工作，很難立即施工，現時北京施壓，唔知會唔會各個部門都會加快程序，令新供應加快落成。不過，就唔好諗發展商可以從中獲取很多的利益，即係地產股都變哂做收租股。
棋亮執筆
（持牌人士，撰文時無持有以上個股）
