平日經常去 city’super 買餸，得知沙田新城市廣場店裝修後重開，立即去逛一圈。翻新後的新城市廣場店以全新 Foodie Wonderland 概念，首次帶來嶄新Ready-to-eat體驗，於店內新增的美食專區點選好食物後，可到立食專區慢慢享用。
由於食物都是一口份量 ，食起上來既方便份量又剛好，特別適合我這種眼闊肚窄的饞嘴鬼，可以一次過多試幾款。
頭盤先去 Seafood Bar ，首選白酒煮藍青口及燒帶子，藍青口來自法國聖米歇爾灣，充滿海水礦物味，鮮甜可口。
走到 Bellota-Bellota Tapas Bar ，先點選一份西班牙休閒小食，一次品嘗到黑毛豬火腿、豬上肩肉及西班牙白毛豬火腿，配上麵包及蕃茄蓉，鹹香鮮甜，送酒一流。
在旁還有芝士專區，發現擁有超過70年製作風乾肉條經驗的 Leoni 所推的意大利風乾豬肉條，選料上乘，味道香濃且帶辣味，愈食愈滋味。
接下來就是主食，牛魔王必食推介 - Meat Deli 的一口牛肉串，每串已包括三款來自韓國、日本、美國的頂級牛肉，依次序先吃橫城韓牛及日本山形和牛，最後品嘗味道最濃郁的美國乾藏熟成牛，一口一啖牛，的確滿足！不吃牛肉的話，可選採用名古屋「地雞」所炮製的名古屋雞翼，肉質紮實，雞翼炸至甘香，灑上一味粉，香口惹味。
吃得飽飽的，但還要照顧女生們都擁有的「甜品胃」，不能錯過人氣大熱的 So Coco 品牌，於店內特設 Pop-up cart ，推出三款全新口味的鮮果椰子布甸 Super Bowl 。芒果迷的我就選了 Mango Tango ，除了椰子布甸外，還加有super food有機奇亞籽、芒果和椰子脆片，布甸軟滑清甜，味道層次豐富，而且非常健康啊！
食物質素高又多選擇，價錢合理，而且付款方便，八達通一拍就完成，無需事先排隊買飛，大家有時間記得來體驗一下！
