關於 點解隻眼成日流眼水 ，我們在網路上蒐集到這些相關的討論、資訊與評價

幾年前，我啱啱搬入嚟而家住緊嘅新屋。
但發現我同豆姐成日都病，又瞓得差，我懷疑風水唔好。
　
於是我有日喺客廳對住空氣講：「哈哈！邪靈！睇嚟你唔知我咩料！我只需要打一個電話，你就死硬！」
　
無錯，我叫咗公嚟幫手。
　
「阿公～新屋入伙我特登帶你嚟睇吓，仲依足你吩咐拜晒四角，但唔知點解呢…有啲衰嘢唔知驚！竟然仲敢留喺度！」我一邊講，一邊啤住客廳嘅空氣。
　
「你隻眼咩事？」阿公。
「無事…」我。
　
點知，阿公一入屋就不停狂咳，又打乞嚏。我當場橙軀一震！
　
「阿公你係…係咪畀隻厲鬼捏住條頸！睇嚟黑符要出動喇！」

「你冷靜啲先…」阿公捂住口鼻行入房。
　
「係啊！呢間房呢，每次我行入嚟都聞到煙味，但明明屋企無人食煙，又大清潔好多次，仲噴咗空氣清新劑…」我再啤住空氣：「一定係有嘢喺度搗亂啦！」
　
「你等等我，我下次再上嚟。」阿公。
「咩話？！連阿公你都搞唔掂？！」我。
　
之後阿公仲同豆姐講：「妳今晚嚟我度瞓一晚。」
　
就係咁，阿公將留低我一個人喺呢間有厲鬼嘅屋企…
間屋空蕩蕩，我又再次聞到煙味…
　
「對唔住囉…」我對住空氣講。
　
第二日，阿公上到嚟，拎咗件法寶。我以為係高科技嘅法器，點知阿公話…係一部空氣淨化機。
　

後來發現原來屋企有好多細菌，可能上一手業主成日喺屋企食煙，結果煙味搞到長期留咗喺房。
　
「你屋企唔係有鬼，成日病係因為有好多細菌。」阿公
　
「無可能！我做足清潔！」我。
「你個單位空置得耐滋生咗好多細菌，上手業主食煙留低咗煙味大清潔都無用，新屋裝修又會有甲醛 ，個人自然唔會健康啦。」
　
呢部Aurabeat 空氣淨化機，有專利AG+銀離子空氣消毒淨化技術可以殺滅 >99.9% 流感病毒、>99.9999% 真菌、>99.99% 金黃色葡萄球菌、 >99.98% 大腸桿菌及 >99% 空氣懸浮細菌。
　
「無可能㗎！一定係厲鬼！阿公你係咪畀鬼上咗身？放馬過嚟啦！殺啊！」我嚎叫。
　
「殺你個頭！呢部空氣淨化機真係可以殺死得到由美國權威病毒生化實驗室 MRI Global 以新冠病毒 (COVID-19) 實機測試證實， 可以在 15 分鐘內消滅 >99.9% 新冠病毒。」
　
估唔到，阿公開咗部空氣淨化機半個鐘，間房嘅煙味完全消失晒。
　
到底點解空氣淨化機可以吸走埋煙味？！後來我查過，原來煙味嘅來源係空氣間嘅粒子，就好似汗味或其他臭味一樣，汗水嘅成分係水、鹽、尿素、蛋白質、油分。
　
本來係無氣味嘅，但空氣既細菌會分解蛋白質同油脂，分開出氨同硫酵，呢個先係汗味嘅來源。而Aurabeat 空氣淨化機亦可以過濾空氣嘅臭味粒子，所以連煙味都無埋！
　
就係咁…
我得到咗一件入伙禮物。
嘻嘻。

#Aurabeat #科研銀魔法 #細菌病毒通通殺 #AGplus #銀離子 #專利技術 #消毒殺菌 #抗疫 #新冠病毒 #covid19 #空氣淨化機 #FDA認證 #司徒健南 #香港品牌 #科研實證

【阿廸家書】
向大家報告一下廸的近況，以下文字由廸的3月底至4月初多封家書輯錄：

【健康】
📨之前那兩封信應該嚇親大家吧。等了一個多星期，今早突然說可以到黃竹坑葛量洪醫院睇眼科。
二十多年前讀大學時，我第一次到葛量洪，那時葛係胸肺科專科醫院，我的中學同學染了肺癆要住院，我去探病。之後我又無意中發現自己染了肺癆(應該是那個同學傳染的)，吃了半年藥才完事，很慘痛的經歷。
當年探病的大樓已經拆了，正在重建。葛量洪醫院眼科每天都人頭湧湧，我們一行X個犯，X個懲教，共X人，甚是觸目。但可能去得睇眼科隻眼都唔多好，而且大部分是老人家，還有害怕直望犯人的慣性，我見絕大多數人都對我們視而不見，反而有一個小女孩對手扣感興趣，看了一會兒。
護士替我滴了放大瞳孔的藥水，然後入房檢查，醫生將一塊鏡片塞入右眼，照了又照，結論是，視網膜沒有脫落或病變，只有飛蚊症。護士則說，檢查指晶狀體有老化，若情況持續，是有視網膜脫落的可能。現在要做的是再在赤柱驗眼，再配一副眼鏡，定時覆診，留意有冇出現異常，放風時避免被波打中頭。

📨操練身體方面也有了新發現，除了九式瑜伽，跑步和掌上壓的基本訓練，前兩日收到不知誰寄來的「自療法：五大功法演練圖解」小冊子，一試馬上喜歡，五大功法有「撞牆功」、「拉筋功」、「拍打功」、「扭腰功」、「貼牆功」(貼牆功好過癮)，其中「拉筋功」配合「拍打功」，多年來都拉不動的大腿筋，居然也拉鬆了，相當神奇。人老了就諗養生，冇偈。你們當中年紀過40的，可以自己上網尋找，自己練。我怕我咁練法，出番黎變番30歲，你們就個個變晒老公公老婆婆，咁唔掂喎！(CL除外啦［編按：CL是某位年輕同事］)

📨這三天每天都有做「拍打功」，即是由頭到腳拍打六位，其中頭部拍最多，挺神奇的是，雖然眼睛問題依舊，但不適感已減退了不少，可以如常讀書和寫信。

【生活】
📨這幾天午後氣溫達30C(CLS)，我也全面恢復了運動，暫時的項目有拉筋，跑20圈(約3km)，掌上壓，踢波(在場邊傳波)。我們期數大隻仔特別多，好波之人也多，每日都組到3至4隊比賽。監房的平均年齡比全港要低，和咁多靚仔一起運動，果然會刺激起健身的慾望，聽說有同案每天做100下掌上壓，看我多久後可破其紀錄。早兩日期數有個電子磅磅重，大部分人都說瘦了，我則維持入監的磅數－－127磅。
其實我由20歲開始到43歲，都是維持123磅的，是入冊前一個月跟X師傅做裝修，拎重野，食多飯(晚上回XX家大餐)、無憂無慮，體重才開始突破123魔咒。進監房時我還以為127磅難以維持，原來繼續心廣體胖(Lester肥得仲誇張，上一封信已提到)。
其中一個原因係食好多野。好多人成日問我為何不吃私飯，真正的原因是我挺滿意現在的食物組合，每日都有點不同，又夠飽，有一兩日仲可以用好味來形容。反正坐監都係金魚記憶，每星期有兩日好味，已經令整個禮拜都可接受。同埋，真係物以罕為貴，監房餐很少蛋，因此一見有蛋，馬上珍而重之，連剝殻時剩了些蛋白在殻上，也要回到吃得一乾二淨。其他人可能還在驚訝，「尊貴」的前議員怎會長出一個「垃圾肚」？
正餐之外，零食也吃得越來越多。傍晚晚飯完，再飲一杯大牛奶和吃提子包後，不到一個小時又開始開「零食4大」(即葱餅、朱古力、花生和魷魚絲）。連我自己都覺得誇張的是，昨晚因太早睡著，凌晨一點多醒來，居然又想到食餅！和同房也是零食怪，我哋便晚晚開餐，不亦樂乎。

📨我最近除了跟囚友討論案情和求情策略，也開始教人英文，我沒有KM那樣厲害開班，只是一對一教拼音和一起閱讀理解。有了這份新差事，本身的工作就需要再壓縮時間，快點完成。

📨4月3日是假期的第二天。疫情下香港人湧去郊野玩，但對於監犯而言，放假和不放假有什麼分別呢？原來還是有的，端看你怎樣理解監獄的生活，第一類人佔大多數，他們視工作為苦差，喜歡睇電視、睇戲和睇波，長假期代表不用工作，日日有戲睇有波睇，非常開心；第二類人是少數，視重複工作為修練，也是消磨時間的最好方法，這種人平日時間過得快，假期反而呼悶。咁我係屬於第二種，XX[編按：一位囚友］也是。今天他悶到整天坐在我身邊，將他在香港的經歷由頭講了一次。我再次確認，每個飄洋過海來香港謀生的，總是有過人之處。或者是應變力，或者是膽色。

【心情】
📨期數裡有幾個70多歲的老人家，幾十歲仲入赤柱，外人睇黎梗係覺慘，但其中有一位老人家，雙目有神，說話滔滔不絕。面對可能很長的刑期，面無懼色，他視監獄為修練場，赤柱監獄是Stanleyford University。有這樣的「人版」在，大家會明點解我都OK。

📨3月未完，午後天氣已達三十度，我估我在監房內將可見證夏天40C。感謝D幫我搵Bill Gates 本書「自我欺騙」下，左翼要先消滅資本主義，或右翼／自由派要先消滅中國才可解決，面對這些幻想式的政治議程，監獄裡消耗資源的速度根本不足掛齒。
改變不了世界，我們被迫改變自己以求存，要耐熱，要不怕太陽曬，要捱得過颶風。我會練，你們也要練。不是對世界仍存希望，而是在有事時減少身邊人的擔憂。

📨每天很多習慣都會令自己忘記正在坐牢，或正被困著。例如跟同房入房開床舖後，很自然就會把房門(即一道鋼閘)關上，然後聽收音機、吹水、食零食、寫信、睇書，通常8點多就睡著，也可以用意志力撐到10點熄燈時。
今晚當阿Sir替我們例行檢查閘鎖及再鎖上一下時，同房跟我解釋了程序，然後我才有一剎那跳離習慣被規訓的身心，意識到我是被關著，是「想」出去也出唔到的。但那也只是一時的感受，若把專注力回到已有的東西上，很快又會渾然不覺自己身處何方。
難道這就是傳說中，山不轉人轉的「終極正向自我欺騙」大法？

📨期數裡面也有一些在社會難以生存，覺得監獄反而比較溫暖的囚友，沒辦法把他們從循環中接上來。
大部份是二十多歲的年輕人，剛剛開始不斷進出監房的人生。他們自有自己的生存之道，在監房裡師兄弟多，就像寄宿學校一樣，紀律嚴格，同時又充滿生趣。他們是足球比賽的主力，踢到頭破血流也不介意。
今天氣溫稍高，又有太陽，嫩的自然脫光上衣踢球，老的如我也脫光上衣曬太陽。膚色都很健康，而我都有健身的衝動，想有朝一日好似班後生咁大隻。

(速寫credit to Lance Yan)

🖋🖋🖋寫信俾廸 Please write to Eddie 🖋🖋🖋
請寄至 Send to：
元朗水邊圍邨康水樓地下101
Room 101, G/F, Hong Shui House, Shui Pin Wai Estate, Yuen Long
寫信注意事項傳送門 Important information for letter writing：
https://www.facebook.com/chuhoidick/photos/a.203826656349933/3778653318867231/

深夜無人睇，靜靜雞講故仔……
　
《我老婆由細到大都好鐘意紙紮公仔》
　　
最近我老婆怪怪地，佢經常都會買啲紙紮物品比自己，例如手袋同首飾。我每次見到都覺得好恐怖，但老婆就話好靚，反問我點解唔可以買？而每一次佢都會拎出嚟擺喺鏡面前慢慢欣賞，仲會癲到拎嚟用。
　　　
我有時會語重深長同佢講，我話：「呢啲紙紮係燒比死人用架，我地點會拎嚟儲架，你仲離譜到拎嚟用！？」
　　　
但每次想討論都會變成爭執，佢理直氣壯咁反駁我：「儲有咩問題？任何嘢都可以儲架喇，點解紙紮就唔可以儲呀？」
　　
由於每次嘈交都惹起佢激動情緒，始終老婆細細個就有過抑鬱症，情緒唔係太穩定，所以我對於佢呢個「癖好」唯有隻眼開隻眼閉，但有時都會思量一下，覺得佢講嘅嘢如果換個角度睇又真係幾有道理，呢家咩都可以收藏，點解紙紮就唔可以收藏呢？
　
不過，老婆後來愈嚟愈過份，佢不斷買好多唔同類型嘅紙紮物品返屋企，體積愈嚟愈大，唔再係手袋、電話，而係大屋，甚至兩個同我差唔多高嘅紙紮公仔，我覺得已經遠遠超出我接受嘅底線。
　
我地有一個三歲嘅女，我有次返屋企見到個女喺到玩緊架紙紮車車，仲玩得好開心，我即刻衝上去阻止佢玩，嬲起上嚟仲即埸撕爛架車，個女見到我咁做，不斷失常地喊，喊得一發不可收恰，喊得令我更心煩。
　
老婆喺廚房聽到喊聲出嚟，見到地下成堆紙碎，就發哂癲咁罵我做咩撕爛咗車車，話個女玩得好開心好鐘意，唔明我點解成日插手阻佢呢樣阻佢𠴱樣。
　
我見佢呢個反應，我情緒都失控，於是激動同佢對罵：「你收藏係你嘅事，有咩理由比個女喺到玩呢啲紙紮車？呢啲係比死人用架！唔係我地用嚟玩架！」
　
老婆嬲到廢事同我講，捉住個女去雜物房，呢間雜物房正正就係收藏咗大量紙紮物品……而最詭異嘅係，個女一入去就即刻收聲，展露返笑容，開心咁喺到望住啲紙紮公仔。
　
我忍唔住搵老婆阿媽傾下呢件事，因為老婆嘅父母細細個就已經離咗婚，一直都係佢媽媽湊大老婆。
　
「阿媽，我真係頂唔順你個女，佢鐘意紙紮公仔我都算，佢要收藏拎嚟用我都算，有咩理由比個女去掂去玩呢啲嘢？一整爛佢啲紙紮就發哂癲咁，好似拎佢條命咁，你話係咪有問題？」
　
伯母聽後一臉無奈，佢回憶起我老婆細細過時候已經好奇怪，有一日帶佢行街經過一間紙紮鋪，佢竟然話啲嘢好靚，仲話好平想買嚟用。即使伯母不斷解釋紙紮物品用途，但老婆都係心有不甘，估唔到愈大愈過份。
　
「你不如就一就佢，唔好再為呢啲事傷兩公婆感情喇，你又唔係唔知個女有情緒病。」伯母似乎想我接受呢件事，我覺得好似問題變相落喺我到咁。
　
有晚凌晨，我突然覺得口啖啖想起身飲杯水，經過個女間房時想順便望一望個女，開門一睇，見到張床空無一人，我嚇到入房周圍搵都無，於是跑出廳同廚房廁所搵都無，最後我打開雜物房一睇，我見到個女瞓喺一間由紙紮造嘅大屋入面，一路瞓一路展露詭異笑容，令我感到十分心寒。
　
嗰一晚，我完全瞓唔到，諗咗好耐究竟點做好，最後我決定咗做一件事。
　
我趁老婆落街買餸，我將屋企所有紙紮嘅嘢拎出嚟，然後喺廁所一把火燒哂佢，望住成堆垃圾被燒成灰燼，我就開心。但唔知係咪我多心定係聽錯，當我望住呢埋紙紮燒緊時候，我隱若聽到火堆之中有把令人心寒嘅恐怖叫聲，而且仲有啲熟悉感覺。
　
老婆開門後，聞到廁所有一陣燒濃味，就掉低哂所有嘢衝入廁所睇，一望之下，見我燒哂所有紙紮。佢即刻發癲，癲嘅程度更超出我想像，佢雙眼發紅，臉露兇光一路瞪住我，有一刻我真係覺得佢會殺死我，佢最後一言不發咁關自己喺房，而我都唔敢打擾佢，一心諗住比佢冷靜下。
　
我將呢件事話比佢阿媽聽，佢話會打比老婆傾下。
　
過咗幾個鐘，佢終於開門出嚟。
　
「我諗通咗，我唔會再儲呢啲紙紮。」老婆雙眼紅腫，整個臉容都出現疲態，目無表情地說，似乎都喊得累了。
　　　
「咁就好……你要儲其他嘢我唔反對，但紙紮就……」我話未說完，老婆就轉身走了。我見到佢落寞身影，不禁無奈地嘆息。
　
後來，老婆真係無再買紙紮物品返嚟，但就出現另一種奇怪行為。
　
老婆不斷將自己嘅嘢燒咗佢，有一次我見佢將部Iphone燒，我嚇到即刻問佢點解要咁做，部機仲要岩岩新買無耐。
　
佢聽到我咁問，一臉疑惑，就好似唔知道我點解會有呢個問題。
　
「我要用就梗係要燒。」老婆回應著。
　
我驚訝得唔知點回應佢好，而事後老婆將佢手袋、錢、衫褲通通都燒哂佢，攪到自己經常赤裸咁喺屋企行嚟行去，有次夜晚氣溫得10度，我同個女都著到好厚嘅衫保暖，而老婆就赤裸著，明明佢已經凍到成身震哂，鼻水直流，不斷打哈痴，但佢聲稱一啲都唔覺得凍，仲話件衫好暖。
　
為咗佢身體著想同唔好赤裸落街，我都會逼佢再著多幾件衫，同埋我因應疫情影響，開始要求「在家工作」好好睇住老婆。
　
但每次見到佢咁，我都覺得好心寒，同時間，又覺得心痛，為咗唔刺激佢情緒，我都由佢不斷燒自己嘢，而我地廁所入面每一晚都會不斷傳出燒濃氣味……
　
我見事態嚴重，我同佢阿媽商量過，決定要帶老婆去睇精神科醫生，但可惜一切太遲。
　
當我同佢阿媽返去我屋企樓下時，已經見到大量消防車喺到救緊火，一查之下原來係我屋企著火。
　
我嚇得係咁問附近警察我老婆有冇事，而最後消防員喺我屋企抬出一具燒焦嘅屍體，應該係我老婆嚟。
　
我同佢阿媽見到後都失聲痛哭，完全無諗到會攪成咁，估唔到我老婆趁我出去期間，將成間屋都燒咗去，包括佢自己。
　
但有樣奇怪事情，就係場火無論幾大都好，都無累及到其他人，隔離屋完全毫無影響。
　
事後我鄰居同我講返，佢地聽到我間屋入面一路燒，一路傳出我老婆發出嘅恐怖笑聲。
　
當我以為件事告一段落時，後來我發現原來背後並唔係咁簡單……怪事仲要發生喺我三歲女身上。
　
（待續）

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
希望大家比like或share或多多留言給啲支持！
　　
你地既like 就係我寫作動力～大家要瘋狂留言呀～
　
夠3000like 或者反應好嘅……我拿拿淋聽晚出埋佢！
　　
記得follow ig：https://www.instagram.com/homing0624/
　
另外，我暫時偷偷地放隻限量預售link比大家預訂本書
如果大家鐘意《孔明古怪故事集》，記得支持我，買返本。
　
記住呀，《紙紮公仔》只係故事集其中一個故事咋～本書入面仲有好多故仔架～計返都係幾蚊雞一個故仔…
　
希望大家支持，但由於限量預賣，所以數量有限，買完即止，希望趕到復活節印起到比大家。過幾日我再出post 正式向大家預賣～
　
可以喺到買
購買網店：https://homingming.boutir.com/