【煲煲】
可以睇，可以威，可以儲，就係唔可以用
什麼美國國會，乜嘢英國脫歐，真係奄悶到一個點。做人最重要嘅緊係食買玩，所以今天嘅焦點應該轉去消委會個「LC大鑊」同Ikea比較嘅測試報告。好多人開心share個報導比啲港媽（包括我屋企嗰個），大家咁關心佢地對LC嗰種迷戀同執著，都可以話係用心良苦。可惜，太多人誤會晒，港媽對LC嘅愛火係唔會就咁容易熄嘅。
首先，無乜人會買LC嘅易潔鑊，就算一年幾十次開倉三折都唔會買。易潔鑊係唔會有經典色，更加唔會有特別版櫻花粉紅，銀銀灰灰唔靚囉！要知道LC嘅外表雖然係廚具，但實際係藝術品同雕塑，同時亦類似小朋友嘅Lego男人嘅Figure，作用主要係砌同疊。存熱能力，防刮花，耐用性？Who cares！點可以容許一絲機會，令啲咁精緻嘅藝術嘅結晶受損呢？唔係攞黎用呀？
而且咁珍貴嘅寶貝，點可以比工人，老公，媽咪，奶奶呢類粗心大意嘅人去褻瀆呢？雕塑嘅嘢只係配用黎堆同砌，然後影靚靚相，同一眾嘅同道中人分享交流。當然嗰啲精美嘅包裝（即係個盒）亦要保留，因為「割愛」（即係買賣）嘅時候同好買家們會好在意嘅。中國製造值唔值？「依家有乜唔係大陸造㗎！」。所以咁多心腸唔好嘅人，諗住用消委會個報告黎冷嘲熱諷，根本就唔明白當中嘅情意結。
#點搞都係花小小
#不過跌就一定爛
#因為親身示範過
#唔用唔通攞黎擺
點搞都係花小小 在 鄒凱光- 管你完花大家小小時間做個配對，選出你心裡面最理想的管理 ... 的美食出口停車場
管你完花大家小小時間做個配對，選出你心裡面最理想的管理員性別：S男性F女性國藉：T陀地O外籍年齡：O三十歲左右M四十至五十歲A五十歲以上觀感：E親切友善Y其貌不揚 ... ... <看更多>