[無綫][2019台慶劇] 收到初步消息，台慶劇包括一早預咗會有嘅《#多功能老婆》，由楊千嬅、周柏豪、黃浩然、陳煒、朱晨麗主演。
本來有機會做台慶劇嘅《#機場特警》同埋《#殺手》，就可能因為局勢問題同埋觀眾觀感而冇影。《殺手》由陳豪、黎耀祥、李佳芯主演。今年無綫計劃力捧嘅張振朗，就因為安心事件，主演嘅《#堅離地愛堅離地》、《#牛下女高音》都未有得播。雖然有消息話《牛下女高音》隨時復活，但都未係最後決定，不過肯定嘅就係由張振朗、蔡思貝、楊明、湯洛雯主演嘅《#機場特警》因為警民關係緊張而冇乜機會喺今年出街。
咁台慶會播咩呢？係由張兆輝、蕭正楠、洪永城、黃智賢、姚子羚、何廣沛、陳瀅、何遠東參演嘅《#黃金有罪》。故事背景係1970至80年代，講嘅係張兆輝不擇手段成為有錢人嘅故事。
...
另一套傳聞會做台慶劇嘅係由視帝王浩信、視后 唐詩詠、陳敏之主演，張曦雯、張穎康、馮盈盈 參演嘅《#解決師》。點解呢套可以播？都係講黑幫同警察喎。唔知咩原因，可能係冇晒大卡士嘅劇，唯有揀套最唔敏感嘅出街。
有好多人都期待嘅《#降魔的2》傳聞仲做緊後期。《#法證先鋒IV》就因為要補拍而成件事押後咗。最近開始後期嘅《#極道怪咖》故事係講臥底遇上演員，王浩信配張振朗，唔知會唔會仲有一絲機會？由林文龍、黃翠如主演嘅《#那些我愛過的人》可以視為黑馬。《#十八年後的終極告白》就連影都冇。
《#金宵大廈》十拿九穩等排期播放，《#C9特工》都好大機會接《#街坊財爺》喺2030播出。
大家點睇？
#無綫 #TVB #2019台慶劇
See More
黃浩然老婆有錢 在 閱讀文章- 精華區HK-drama 的美食出口停車場
face週刊159期 https://www.tvbchannel.com/face-159-huang-hao-ran.html
擺明向日劇《神探伽俐略》「致敬」的《談情說案》，首播至今被網民狂插照抄，本人不
捧場，不只是因為冇創意，而是 chok樣林峯學福山雅治實在難頂，唔理你同唔同意，論
靚仔，我更 buy即將出場客串一角的黃浩然。
35歲的黃浩然，中七畢業就被杜琪峯看中，處男作已經拍住劉青雲拍《十萬火急》；跟住
杜 Sir過檔中國星，就立即可以在《孤男寡女》跟劉華爭鄭秀文；入行 14年，更有個代
表作「劍雄」（《新紮師妹》內的戇直督察），起步快過火箭，除了好運，無非因為靚仔
。
黃浩然說自己同樣因為靚仔， 05年成為杜 Sir棄將：「嗰年佢話我淨係識扮型，啲戲唔
只未得，仲爭得遠……」被經理人公司安排進電視台再浸過。
十足被親生阿爸趕上少林苦修， 5年後黃浩然終於等到收成，除了《談情說案》，擔正的
《情越雙白線》、《仁心解碼》和《囧探查過界》將會輪住出街，更抽到好籤，有份做古
裝版溏心《公主嫁到》同全城矚目的《巾幗 II之義海豪情》。
一心學成歸來等杜 Sir刮目相看的黃浩然，因為遇上柴九黎耀祥恍然大悟：「祥仔話，十
幾年前佢仲撈緊老臨，男主角梁朝偉就可以由二樓跳落嚟打個筋斗再起身……你以為佢淨
係有演技，其實手腳功夫一樣有。電視台就係有能耐浸到你一身刀，梁朝偉唔用，唔代表
佢唔識。未浸夠 o架，呢幾年儲番嚟嘅，我相信自己第時去到邊都立足到。」
再進修
去年一部《巾幗梟雄》橫掃千軍，今年乘勝追擊是必然的事。金牌班底監製李添勝、編審
張華標、視帝黎耀祥、視后鄧萃雯、五連冠惠英紅以及大奶奶謝雪心以外，新加入的角色
，唔使問阿貴都知電視台明畀位你上。
力捧的親生女陳法拉意料之內，經理人合約屬於中國星的黃浩然，被珍姐曾勵珍欽點同法
拉加插一條青春浪漫感情線，證明就算沒了杜 Sir，黃浩然一樣有運行。
我冇門冇派，珍姐同梁家樹旗下嘅劇都有做，除咗兩位畀機會我，最多謝始終係添哥。我
未做過古裝，係佢第一個用我演《碧血鹽梟》，相信第一次我肯做肯捱，佢至會再用我。
我唔覺得做電視比做電影差，反而認同杜 Sir同向生向太所講，電視台係磨練演員最好地
方。入 TVB三年，今年最緊要，一般情況一個月製作 10集劇，我一年就劇疊劇拍足 120
集，練到金睛火眼，最一生受用都係每個劇都俾我遇到良師益友。
之前教我好多嘅蔣志光、郭峰、合作過兩次嘅 Ken哥（鄭則士）以外，仲有添哥同黎耀祥
。拍電影，俾人話淨係識扮型……唔係覺得自己靚仔，係開始太着緊鏡頭上自己個樣自唔
自然……添哥話，演員應該面口少，但俾人 feel到你內裏有好多戲；祥仔都話，當一個
演員太注重外表、太着緊形體表達時，內裏就自然少咗……一言驚醒夢中人。等於佢話多
年前見識原來梁朝偉都打得一樣，由電視台浸出嚟，就係要嗰樣有嗰樣。
想唔想返出去拍番杜 Sir？拍番電影？反而唔再心急，電視台佢大把線眼，我嘅表現相信
有人會同佢講，問題係入行 14年，確實係大半演技都係呢三年喺電視台賺番嚟，呢啲嘢
一世受用，第時去到邊都唔驚自己捱唔到……你睇小紅姐都可以 28年後拎 5個影后啦！
男演員嘅壽命更長，我有料急咩呢？呢一行，只要你唔死就得 o架啦！
靚仔唔只冇着數，仲係負擔同阻礙，冇料到又撈得霉，更加俾人藐。
入 TVB三年，日夜拍劇，繼客串的《談情說案》後，擔正劇集陸續有來。
對自己現時一線尾二線頭地位相當滿意的黃浩然，一直視黎耀祥（右）為奮鬥目標：「o
依家呢個位幾靚呀，我唔想飛上天，但希望更上一層樓。」
以往不時被拍到溫柔體貼陪太太 KaKa，黃浩然說好久無心無力二人世界：「?家最想陪佢
旅個行，不過暫時工作已經排到出年年頭。」
01年拍《戀性時代》與官恩娜撻着，更因為漏夜睇醫生傳出墮胎新聞，官恩娜曾經在訪問
中說，黃浩然是真正的好仔，少有能在分手後亦是朋友。《壹週刊》圖片
處男作已經拍杜琪峯的《十萬火急》，捱盡苦頭又對慣出名要求嚴苛的杜 Sir，黃浩然說
就算演技有待磨練，吃苦耐勞、尊重長輩的美德自己肯定有。
唔係太子
入行多年，一直有個傳聞，說黃浩然家人在上環擁有多達七間海味鋪，是現實版的《溏心
風暴》太子爺。黃浩然不厭其煩，一次又一次解釋：「我唔係賺錢買花戴！」
我名副其實係個屋邨仔，爸爸係小巴司機，海味生意其實係阿姨同姨丈 o架，我喺鋪頭食
嘢都有畀錢！
中學讀鄧鏡波書院，生得高大，外形亦 ok，有啲女仔主動結識，亦試過喺電影做老臨。
捱凍捱十幾粒鐘，得嗰百幾蚊，明搵笨啫，所以從來冇諗過拍戲。中七揀科，都係同大家
一樣揀啲穩陣有人請有錢搵嘅工，咪入咗城大讀 IT囉。都係嗰年，義務幫朋友做 model
，俾杜 Sir睇到，搵我去做佢頭一班嘅旗下藝人。 97年以後市道差咗，就跟住佢過繼去
向華強嘅中國星旗下。
入行前，會覺得自己外形唔差，但我出道就係跟杜 Sir，佢出名要求高，我意識到靚仔唔
只冇着數，仲係負擔同阻礙，冇料到又撈得霉，更加俾人藐。
後生冇諗咁多，係冇拍杜 Sir之後、尤其係入 TVB，至真正諗未來嘅路。頭幾個月入去已
經格格不入，自己做嘅戲更加自己都冇眼睇，真係諗過今次再唔掂，第時點呢？念頭始終
一閃即逝，係警惕自己手上呢個機會絕對要把握好，否則咁就收皮。
男仔唔係講樣、講自信。大家都知拍劇錢搵得唔多、我啲劇又多數未出街，多謝監製會第
二次、第三次繼續搵我，就係我最大動力同鼓勵。我有信心自己比以前進步，但到底仲差
幾多？好期待劇集出街後睇吓大家反應，係時候檢討、再進步。
絕種好男人
02年黃浩然拍《新紮師妹》，除了得到自己的影壇代表作劍雄以外，亦認識了為電影擔任
形象指導的太太 KaKa。兩人拍拖三年幾，黃浩然說有日叮一聲，覺得就係佢啦，於是買
戒指求婚：「佢好鍾意一個古董首飾盒，有次佢出 trip返屋企，我拎個盒出嚟，佢以為
我只係送佢呢個盒，諗唔到入面仲有戒指，梗係喊到死啦……」 05年 30歲的黃浩然成家
，說隨時打算生下一代做爸爸。
呢排我聽收音機講星座，講得啱……處女座份人最悶，而我老婆就係白羊座，最需要浪漫
。再加上o依家太忙，一日閒閒哋開 18個鐘頭工，所有心力、體力都花喺公司，返到屋企
就係死屍一條。佢默默承受之餘，亦為我做咗好多。佢有工作，工作時間亦都好長，但無
論我幾夜返，佢唔想我再食街外嘢，都會好好心機炒個日式牛扒意粉畀我宵夜；行街見到
有嘢啱我，比如呢個背囊，就係老婆新買畀我；我開工要水壺，佢最近一買買咗幾款返嚟
畀我替換……其實好窩心，但我未必再有氣力多謝佢、攬一攬佢……希望佢唔好覺得我老
馮。
我承認，好多嘢對住身邊人就會慳番啖氣，一味諗住在心中……但幾忙都好，我唔會忘記
佢生日。由結婚後嗰年開始，佢每年生日我都會同佢搞生日派對，請 7、 80個 common
friends、諗個主題。呢一日，亦都係一年當中我唯一會請假嘅一日。
有人都問我，做呢行見到咁多靚女，點解冇緋聞……其實你係咩人、有冇位入，每個人有
眼睇……所以就算同同劇女同事好朋友，都冇事發生，加上好好彩，合作過嘅楊怡、法拉
，個個都係爽朗嘅女仔添。喺廠玩得埋，我一定唔會帶返屋企，我唔覺得私人時間男女同
事仲有咩好傾，老婆都喺片場識我，所以佢好明白我為人，自然有安全感。
傳聞家族在上環有超過七間海味鋪，黃浩然說只是親戚生意。《忽然 1周》圖片
從小到大就得長輩喜愛，海味老闆阿姨、姨丈特別愛錫，入行亦多貴人幫。
遊戲規則
潮流興微博，黃生黃太都愛玩。
除了 upload廠內花絮外，工作以外的閒話，黃生只與黃太一個人說：「愛心宵夜……
thanks my love!」「親愛的，我回來啦！」
咁多年零緋聞，出名收工第一個電話打畀老婆、絕不坐女同事順風車、工餘閒聊的黃浩然
說自己雖然不紅，遊戲規則是懂的：「冇必要搞啲咁嘅宣傳，更加唔想畀位傳媒寫，緋聞
，完全可以避免。」
誰說緋聞是傳媒生安白造？咁多年又唔見有人屈黃浩然？
撰文：朱小博
攝影：林子賢
... <看更多>