#谷Live新歌速遞
黃妍 Cath Wong - 《天光前》
https://youtu.be/EnguPjSw1Eo
O.U.R. works（平原習作）唱作女歌手黃妍（Cath）去年先後推出〈牆身有裂〉、〈遲起的鳥兒有蟲吃〉、〈我心中尚未崩壞的部分〉等歌曲，成功登上不同平台的流行榜之餘，部分更成為冠軍歌，亦給了Cath很大的推動力！剛踏入牛年，Cath推出今年首波主打單曲〈天光前〉，MV亦同步推出。
Cath與台灣製人林易祺合作譜新曲時，想寫出一首有點日劇熱血感覺的歌曲；歌詞則「承繼」前作〈我心中尚未崩壞的部分〉的意境，講到無論世界再崩壞，我們依然希望能迎來天光，而〈天光前〉正是心中尚未崩壞的其中一部分。Cath認為：「我哋都可能曾經為所愛嘅人，甚至事物，無私咁奉獻一切。當中有熱情與浪漫，也可能只有挫敗與失望。愛一個人，愛甚麼都好，可能係值得，也可能係徒勞無功。不過，請珍惜我哋對愛嘅愚勇，我們當中有快樂、滿足，甚至搵到生活嘅方向。請珍惜我哋嘅愚勇，珍惜我哋仍能一往無前嘅付出。」
為了配合新歌主題，Cath 拍攝單曲封面當晚凌晨兩點已經開始化妝set頭，四點便到機場附近的拍攝場地凖備，團隊亦把握時間，希望能為 Cath 拍下今次單曲的日出前靚景封面。而 MV 的拍攝方面跟以往不一樣，Cath 卻是比較輕鬆的那位！「今次係我第一次搵演員幫我主演晒成個故仔，而我只係做 lip-sync 同彈結他嘅部分，所以我拍咗個零鐘就收得工！」
她解構MV故事：「講一個啞巴去到一間cafe，個女主角好hea咁沖咗杯咖啡，然後佢教個女主角點樣用心去沖一杯咖啡。女主角喜歡咗佢，男主角教佢彈結他，雖然最後呢個男生都係離開咗佢。但係女主角喺個過程裏面，學識咗點樣用心去沖一杯靚嘅咖啡，亦都慢慢pick up多一個興趣，就係學點樣彈結他。其實正正都係我哋呢首歌嘅message，就係你喜歡一個人，你默默地為佢付出，而可能後面係冇結果嘅，而當中會得到滿足同埋你會攞到一啲嘢走。」
有得早收工，Cath當然心情興奮，但令她更high的是她的「新歡」- 一支粉藍色的電結他有份在MV粉墨登場！講起這位「新歡」，Cath開心地表示：「支電結他係我第一次帶佢出街，我之前喺《黃妍說音樂會》中第一次彈電結他，但嗰支係Michael仔（師弟Michael C）嘅，但呢支粉藍色嘅係第一次我去買、真正屬於我嘅電結他！而且我非常之喜歡佢，我次次見到佢都會覺得佢真係好靚，拍攝當日我帶佢去到現場，有工作人員讚佢，我都忍唔住一齊讚埋一份！」到MV完成初步剪接後，Cath睇製成品時，她竟然不是先留意自己的妝容和表現，反而是着緊「新歡」結他拍出來的效果。
Cath坦言拍攝前一日猛背新歌的曲譜及歌詞，卻始終未夠熟練，可能Cath怕妨礙進度，她在正式拍攝時的「壓力」下反而背得更快、彈得更熟練，她笑言可能是個加強快速記憶的新方法。
曲：黃妍 / 林易祺 LNiCH@VH
詞：王樂儀
編：林易祺 LNiCH@VH / Adrian Chan
監：Adrian Chan
#黃妍 #CathWong #天光前
#香港製造 #MadeInHongKong #香港人撐香港音樂
#2021新歌 #新歌 #廣東歌 #2021廣東歌
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
📍 MEWE：https://mewe.com/p/谷live
🏆 谷撐音樂流行榜：https://bit.ly/3q6yB0l
黃妍說音樂會 在 黃妍說音樂會 的美食出口停車場
SONY 呈獻<黃妍說>音樂會CATH WONG FIRST LIVE 日期: 2019年10月7日場地: 九龍灣國際展貿中心地下Music Zone@EMAX 時間: 晚上8點全場座位HK$350 (門票)/HK$450 (套票: ... ... <看更多>