【照顧雀BBs 9天回憶錄】終於有時間記錄雀BBs從天而降的日記同感受~原來保護生命當前…什麼恐懼都能刻服~❤️
Day 1: 上月某天放學後收到姐姐嘅電話…說有個雀巢從我們家的竹上掉下來了…於是立刻聯絡漁濃處…可惜沒人接聽~ 在我趕回家的途中…不少有經驗的人給我們很多建議…讓我懂得如何維持雀BB的生命~ 到家看到目測只岀生3天的牠們時…我心裡好害怕…看起來沒什麼生命跡象的…給牠們喝了點蜜糖水和麵包溶過後…開始吱吱叫才放心一點~ 怎料晚上發岀了1號戒備信號…也下起雨來~ 於是把牠們帶到屋內…不然不冷死就一定被浸死啊~ 多得Jeoffrey給我們救急雀糧同蘋果蓉…每5分鐘餵雀BBs一次…半夜3點偷望佢地在熟睡…我就安心去睡了…牠們也在一個溫暖嘅窩內渡過了第一晚~💕
Day 2: 早上5點預備蘋果蓉糧…牠們大概6am起身~ 依舊5分鐘就餵一次…可惜3號風球下大雨…雀媽媽也沒有回來找牠們~ 我就繼續做好代母的角色吧~ 下午其中一隻雀BB打開一條線嘅眼睛望著我…好搞笑~😍 順帶一提…DonDon呷醋嬲咗我地…自己入房嬲爆爆…仲全日唔食嘢唔便便~🥺
Day 3: 兩隻雀BBs都開眼了…能分得岀大哥跟弟弟了~ 牠們比我的手指公還要小…但變化超快…上中下午晚上…羽毛已經長不同了~ 由第1天大家說應該是麻雀…第2天是mk雀…第3天是白頭翁…真好奇到底牠們是什麼雀呢？
Day 4: 一早食完嘢又曬陣太陽兼尋親~ 預先錄低雀BB嘅叫聲…播住吸引雀媽媽回來~ 在遠處觀察住…防止其他雀或動物食佢地…蜘蛛蚊蟲亦要小心~ (因佢地未識飛…此舉動只能留住雀媽媽) 有時見到唔同雀喺棵竹度逗留…唔知邊隻係雀媽媽…真係好緊張! 放學番黎佢地開始識鬆翼…另外每10分鐘餵一次每次餵幾啖…大佬就搶住食…細佬就掛住瞓覺…明顯細隻啲~ 要好似啲婆婆湊孫咁…佢地一叫/肯食就即餵…哪怕係一啖半啖…最緊要夠營養~😂
🌟今日漁濃處終於派人黎到屋苑…表示佢地只收屍體…有生命嘅不會接收…溝通過後就離開了~
Day 5: 今日終於確定佢地係綠繡眼相思雀了~🎉 但從未見過花園有相思雀岀現~🧐 一早大佬已經起咗身爬到好上咁裝岀黎…開始好奇周邊嘅事物…好可愛😍 下午放工回家時…大佬識小飛了…仲飛到我褲子上…我也很害怕卻又很開心…哈哈~ (小時候被走地雞拍翼嚇親…所以會飛嘅我都驚😝)老公立刻做了一個新居給牠們…有多啲空間飛~ 細佬腳仔不夠力…所以用手指幫佢鍊腳仔力…要追貼大佬嘅進度~
🌟SPCA嘅人員提醒…雀媽媽可能會聞氣味…盡量帶手套先接觸雀BB…我地亦乖乖聽話…幫雀BBs做清潔時會戴上手套~💕
Day 6: 今朝大佬飛上盒頂…嚇到我大嗌…連食物棒都跌埋…老公彈起身幫手餵食~😂 放學つきちゃん帶我去驚險嘅雀仔街買鈣水…喺不時大嗌到要痞低嘅情況下…成功買到! 不過真係未衝破到買蟲蟲比佢地食~🤪 番黎見佢地兩個都識小飛同企上筷子上面喇…一個落咗去就會吱吱叫到另一個上番黎…然後痴番實一實…好好感情~ 兩兄弟互相學習學得好快…非常期待佢地展翅高飛、重回大自然嘅一日~😍
Day 7: 今日又換咗個新居…間隔同個view都幾好…又可以周圍睇嘢…第一時間跳上韆鞦度玩…仲有兩條好有親切感嘅竹可以企~💯 嘗試比佢地自己學食嘢…好快大佬就去視察環境…點知一嘢就跳咗落去…啄咗幾啖轉咗兩個身…就跳番岀黎fing個身…搞到成個籠同細佬都係蘋果蓉~😌 我又要鼓起勇氣接受新挑戰: 幫佢地沖涼吹毛~ 做Spa舒服到Enjoy到瞓覺…夜晚心情好到12點幾仲唱緊歌~😊
Day 8: 本身計劃好訓練雀BBs食蟲蟲同飛行後就將佢地放飛…但不少人告訴我相思雀係食物鏈嘅最低層…在野外好易被其他雀鳥或蛇食…不懂保護自己且沒有捕食能力…放飛就等於謀殺~🔪 所以我們要幫佢地物色一位會永遠愛佢地嘅好人家…等佢地可以喺屋企放飛…繼續相親相愛繼續咁活潑~🥰
🌟 轉為15至30分鐘餵食一次~
Day 9: 最後一天同從天而降雀BBs相處了🥺…很快就搵到個好有愛心嘅Jeoffrey收養佢地~ 同時亦盡最後努力…嘗試幫佢地尋親~(專家說最佳時機為5至7天😭) 今日花園有幾隻麻雀到訪…兩隻傻BB好奇到個好奇樣都岀晒黎~ 哈哈~ 晚上帶佢地岀門前…摸咗佢地一陣(一上手就好易訓著覺😂)~ 第一次搭車…佢地繼續將好奇心强同佻皮嘅性格表露無遺…又倒吊又單槓又海盜船…猶如玩咗20分鐘機動遊戲~🎢 相信兩隻叻叻…一定好快適應新環境~💕
🌟聽說去到新屋企…一個飛到櫃頂…一個飛咗去窗簾頂…原來已經飛得咁叻了~ 突然有種功成身退嘅感覺~🥰
Day 10+>: 短短9日就培養咗一種好特別嘅感情…就好似失戀一樣…頭兩星期每天都有想念到哭的時候…也會常翻看牠們的videos照片…會有幻聽常聽到雀BBs嘅歌聲…亦會每晚發夢見到佢地…甚至突然扎醒起身想餵佢地食嘢~ 老公話理佢同DonDon多啲…做番自己過去9日冇做嘅嘢…就慢慢習慣㗎喇~❤️ 成日收到大佬細佬嘅相或Video…知道佢地過得幸福又會嗲人又有人錫仲有同伴一齊玩…就覺得好開心…這就是對佢地最好的證明吧~😊 我們一輩子都會記住「從天而降」的你們~☺️
🌟最開心就係DonDon...可以過番正常嘅生活了~🐶
#從天而降 #DonDonBB #綠繡眼 #相思雀
